ශ්‍රී ලංකා මුහුදු සීමාවේ ධීවර කටයුතු වල නිරතව සිටි ඉන්දීය ධීවරයින් 4 දෙනෙකු අත්අඩංගුවට ගැනේ
 

මන්නාරමට දකුණු දෙසින් වූ ශ්‍රී ලංකාවට අයත් මුහුදු සීමාවේ ධිවර කටයුතු වල නිරතව සිටි ඉන්දීය ධීවරයින් 4 දෙනෙකු සහ ධීවර යාත්‍රාවක් නාවික හමුදාවේ සහාය ඇතිව ශ්‍රී ලංකා වෙරළාරක්ෂක දෙපාර්තමේන්තුව විසින් අද (15) අත්අඩංගුවට ගන්නා ලදී.

15 Jul 2016

ශාන්තිකර කළාපයේ භූජල තරණ නායකයන්ගේ සමුළුව සදහා නාවික හමුදාධිපති සහභාගි වේ
 

ඇමරිකානු මැරීන් බලකායේ අණදෙන නිලධාරී සහ ඇමරිකානු ශාන්තිකර මැරීන් දියත් බලකායේ ආඥාපති වන ලුතිනන් ජෙනරාල් ජෝන් ඒ ටූලන් මහතාගේ ආරාධනයකට අනුව නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා සහ නාවික ලේකම් කොමදෝරු උදය හෙට්ටිආරච්ච් මහතා, 2016 ජුලි මස 11 වන දින සිට 14 වන දින දක්වා ඇමරිකාවේ දකුණු කැලි‍ෆෝනියාවේදී පැවැත්වෙන 2016 ශාන්තිකර කළාපයේ භූජල තරණ නායකයන්ගේ සමුළුව සඳහා සහභාගි වේ.

13 Jul 2016

නීති විරෝධී ධීවර කටයුතුවල නිරත ලාංකික ධීවරයින් 11 දෙනෙකු නාවික හමුදා අත්අඩංගුවට
 

උතුරුමැද නාවික විධානයට අයත් නච්චිකුඩාහි පිහිටි, ශ්‍රී ලංකා නාවික නෞකා බුවනක ආයතනයට අනුයුක්ත නාවිකයින් පිරිසක් විසින් ඊයේ (12) මුඩ්ඩලම්පිඩ්ඩි ප්‍රදේශයට ඔබ්බෙන් වූ මුහුදු සීමාවේදී තහනම් දැල් භාවිතා කරමින් නීති විරෝධී ලෙස ධීවර කටයුතු වල නිරත වූ ලාංකික ධීවරයින් 11 දෙනෙකු අත්අඩංගුවට ගන්නා ලදි.

13 Jul 2016

උතුරු දුපත්වල පාසල් සිසුන්ගේ අවසන් මහා පාපන්දු තරඟයෙන් පුන්කුඩුතිව් කණ්ඩායමට ජය
 

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් පරිදි යාපනය ආර්ධද්වීපයේ කරෙයිතිව්, එලිවතිව්, අනලතිව්, නයනතිව්, පුන්කුඩුතිව්, මණ්ඩතිව්, සහ ඩෙල්ෆ්ට් යන දුපත්වල පාසල් සිසුන් වෙනුවෙන් පාපන්දු පුහුණු කඳවුරු කිහිපයක් 2016 මැයි මස 2 දින සිට පළපුරුදු පාපන්දු පුහුණුකරුවෙකු වන විශ්‍රාමික ලුතිනන් සුකුමාරන් මහතාගේ මුලිකත්වයෙන් පැවැත්විණි.

10 Jul 2016

නීති විරෝධී ධීවර කටයුතුවල නිරතව සිටි ලාංකික ධීවරයින් 6 දෙනෙකු නාවික හමුදා අත්අඩංගුවට
 

උතුරු මැද නාවික විධානයට අයත් මාන්නාරම, තාල්පාඩුහි පිහිටි ශ්‍රී ලංකා නාවික නෞකා ගජබා ආයතනයට අනුයුක්ත නාවිකයන් පිරිසක් විසින් ඊයේ (9) ඉරුක්කුලම්පිඩ්ඩි තුඩුවට ඔබ්බෙන් වු මුහුදු සීමාවේ තහනම් දැල් (තංගුස්) යොදාගනිමින් නීතිවිරෝධී ලෙස ධීවර කටයුතුවල නිරතව සිටි ලාංකික ධීවරයින් 6 දෙනෙකු අත්අඩංගුවට ගන්නා ලදී.

10 Jul 2016

වසර 34 ක සේවයකින් පසු රියර් අද්මිරාල් සෙනරත් ජයසිංහ මහතා නාවික හමුදාවෙන් විශ්‍රාම ලබයි
 

නාවික හමුදා අධ්‍යක්ෂ ජෙනරාල් සිවිල් ඉංජිනේරු වශයෙන් රාජකාරී කළ රියර් අද්මිරාල් සෙනරත් ජයසිංහ මහතා සිය 34 වසරක කීර්තිමත් නාවික හමුදා සේවය නිමා කරමින් අද (8) දින විශ්‍රාම යන ලදී.

08 Jul 2016

“නැංගුරම” වාර්ෂික සඟරාවේ පළමු පිටපත නාවික හමුදාධිපතිතුමා හට පිරිනැමේ
 

නාවික හමුදා සංගමය විසින් වාර්ෂිකව ප්‍රකාශයට පත් කරනු ලබන නැංගුරම සඟරාවේ 2016 කළාපය අද (7) එහි සභාපති කපිතාන් (විශ්‍රාමික) අශෝක විජේගුණවර්ධන මහතා විසින් නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත පිරිනමන ලදී.

07 Jul 2016

“තනි මංසලේ” සීඩී තැටිය නාවික හමුදාධිපතිතුමා හට පිළිගැන්වේ
 

ශ්‍රී ලංකා නාවික හමුදාවේ සේවයේ නියුතු ලුතිනන් කොමාණ්ඩර් මහින්ද කුරුප්පුගේ මහතා විසින් නිෂ්පාදිත “තනි මංසලේ” නමැති සීඩී පටය එළිදක්වා ඇත. එහි පළමු සීඩී තැටිය නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත පිරිනැමීම පසුගිය ජුනි 30 වන දින නාවික හමුදා මූලස්ථානයේදී සිදු කෙරිණි.

07 Jul 2016

කල්පිටිය ප්‍රදේශයේදී කේරළ ගංජා තොගයක් අත්අඩංගුවට ගැනේ
 

කල්පිටිය මොහොත්තුවාරම් ප්‍රදේශයේදී කැබ් රථයක් මගින් ප්‍රවාහනය කරමින් තිබූ ‍කේරළ ගංජා කිලෝග්‍රෑම් 100 ක පමණ ප්‍රමාණයක් ශ්‍රී ලංකා නාවික හමුදා බුද්ධි අංශයේ සහාය ඇතිව පුත්තලම පොලිස් විශේෂ කාර්යය බළකායේ භට පිරිසක් විසින් ඊයේ (6) අත්අඩංගුවට ගැනීමට සමත් විය.

07 Jul 2016

ශ්‍රී ලංකාවට අයත් මුහුදු සීමාවේ ධීවර කටයුතු වල නිරතව සිටි ඉන්දීය ධීවරයින් 16 දෙනෙකු අත්අඩංගුවට ගැනේ

ශ්‍රී ලංකාවට අයත් මුහුදු සීමාවේ අනවසරයෙන් ධීවර කටයුතුවල නිරත වූ ඉන්දීය ධීවරයන් 16 දෙනෙකු නාවික හමුදාවේ සහාය ඇතිව ශ්‍රී ලංකා වෙරළාරක්ෂක දෙපාර්තමේන්තුව විසින් ඊයේ (6) ස්ථාන දෙකකදී අත්අඩංගුවට ගන්නා ලදී.

07 Jul 2016