වැදගත් සිදුවීම්
උතුරු නාවික විධානයේ අභිනව ආඥාපති ලෙස රියර් අද්මිරාල් ප්‍රියන්ත පෙරේරා වැඩ භාර ගනී
රියර් අද්මිරාල් ප්‍රියන්ත පෙරේරා අද (2021 අප්‍රේල් 30) දින උතුරු නාවික විධාන මූලස්ථානයේදී උතුරු නාවික විධානයේ ආඥාපති වශයෙන් වැඩ භාර ගන්නා ලදී.
30 Apr 2021
ගාලු කථිකාව 2021 නිල වෙබ් අඩවිය එළිදැක්වේ
2021 ගාලු කථිකාව අන්තර්ජාතික සාගරික සම්මන්ත්‍රණයේ නිල වෙබ් අඩවිය අද (2021 අප්‍රේල් 30) නාවික හමුදා මූලස්ථානයේදී, නාවික හමුදාධිපති, වයිස් අද්මිරාල් නිශාන්ත උළුගේතැන්න විසින් එළිදක්වන ලදි.
30 Apr 2021
දකුණු නාවික විධානයේ අභිනව ආඥාපති ලෙස රියර් අද්මිරාල් ප්‍රසන්න හේවගේ වැඩ භාර ගනී
රියර් අද්මිරාල් ප්‍රසන්න හේවගේ අද (2021 අප්‍රේල් 27) දින දකුණු නාවික විධාන මූලස්ථානයේදී දකුණු නාවික විධානයේ ආඥාපති වශයෙන් වැඩ භාර ගන්නා ලදී.
27 Apr 2021
ක්‍රියා විරහිත වූ පාලම් පාරුව නාවික හමුදා දායකත්වයෙන් යලි පණගැන්වේ
යාපනය පුංගුඩුතිව් දූපතේ කුරිකට්ටුවාන් ජැටියේ සිට නයනතිව් දූපත දක්වා භාණ්ඩ සහ මගීන් ප්‍රවාහනය සඳහා මාර්ග සංවර්ධන අධිකාරිය විසින් යොදා ගන්නා ලද පාලම් පාරුව (Ferry) මාස ගණනාවක් අක්‍රීය තත්ත්වයේ තිබී නාවික හමුදාවේ දායකත්වයෙන් පසුගිය දා අලුත්වැඩියා කර යලි පණගැන්වීමට කටයුතු කෙරිණි.
27 Apr 2021
නාවික හමුදා පුද්ගලයන්ගේ සුභසාධනය සඳහා බහුකාර්යය උත්සව ශාලාවක් ඉදි කෙරේ
සියළුම නාවික හමුදා පුද්ගලයන්ගේ සුභසාධන කටයුතු පුළුල් කිරීමේ අරමුණින් නවීන පහසුකම් වලින් සමන්විත බහුකාර්යය උත්සව ශාලාවක් ඉදිකිරීම සඳහා මුල්ගල තැබීම අද (2021 අප්‍රේල් 25) නාවික හමුදාධිපති වයිස් අද්මිරාල් නිශාන්ත උළුගේතැන්න ගේ ප්‍රධානත්වයෙන් වැලිසර නාවික සංකීර්ණයේදී සිදු කෙරිණි.
25 Apr 2021
‘Galaxy Cup’ අවුරුදු 25න් පහළ සුපර්ලීග් කාන්තා වොලිබෝල් ශූරතාවය - 2021 නාවික හමුදාව දිනා ගනියි
ශ්‍රී ලංකා වොලිබෝල් සම්මේලනය විසින් සංවිධානය කරනු ලැබූ ‘Galaxy Cup’ වයස අවුරුදු 25න් පහළ සුපර්ලීග් වොලිබෝල් ශූරතාවය - 2021 අවසන් මහා තරගයේදී විශිෂ්ට දස්කම් ප්‍රදර්ශනය කළ ශ්‍රී ලංකා නාවික හමුදා කාන්තා කණ්ඩායම හයිඩ්‍රාමනී ක්‍රීඩා සමාජ කාන්තා කාණ්ඩායම පරදා එහි කාන්තා ශූරතාවය දිනා ගැනීමට අද (2021 අප්‍රේල් මස 24) දින සමත් විය. මහරගම ජාතික තරුණ සේවා සභා ගෘහස්ථ ක්‍රීඩාංගනයේදී පැවැත්වූ මෙම ශූරතාවලියේ කාන්තා අවසන් තරඟයේ ප්‍රධාන ආරාධිත අමුත්තා ලෙස නාවික හමුදාධිපති වයිස් අද්මිරාල් නිශාන්ත උළුගේතැන්න සහභාගී විය.
24 Apr 2021
විශ්‍රාමික නාවික හමුදා පුද්ගලයින් වෙනුවෙන් අවමංගල්‍යාධාරයක්
ශ්‍රී ලංකා නිත්‍ය හා ස්වේච්ඡා නාවික හමුදාවේ සේවය කර විශ්‍රාම යන ලද නාවික පුද්ගලයින්ගේ සුභ සාධන කටයුතු වඩාත් පුළුල් කිරීමේ අරමුණින් ඔවුන්ගේ අවමංගල්‍ය අවස්තාවකදී අදාල විශ්‍රාමික නාවික පුද්ගලයාගේ ලඟම ඥාතීන් වෙත රුපියල් ලක්‍ෂයක (රු.100,000.00) අවමංගල්‍යාධාරයක් පිරිනැමීමේ වැඩපිලිවෙලක් නාවික හමුදාව විසින් ක්‍රියාත්මක කෙරේ.
24 Apr 2021
හම්බන්තොට කරගම් ලේවාය වෙත වායු බල යාත්‍රාවක් (Air propelled boat) යෙදවේ
හම්බන්තොට ජාත්‍යන්තර වරාය පරිශ්‍රයේ ස්ථාපිත ගෑස් සහ තෙල් ගබඩා සංකීර්ණය අවට ආරක්‍ෂාව සඳහා කරගම් ලේවාය වගුරුබිම ආශ්‍රිත ප්‍රදේශයේ යාත්‍රා කළ හැකි වායු බල යාත්‍රාවක් (Air propelled boat) 2021 අප්‍රේල් මස 18 වන දින සිට යෙදවීමට නාවික හමුදාව පියවර ගන්නා ලදි.
23 Apr 2021
නාවික හමුදාව විසින් නිෂ්පාදනය කරන ලද තැලසීමියා නික්ෂේපණ යන්ත්‍ර 350ක් සෞඛ්‍ය අමාත්‍යංශය වෙත ලබා දෙයි
ශ්‍රී ලංකා නාවික හමුදාවේ සමාජ මෙහෙවර ව්‍යාපෘතිය යටතේ ක්‍රියාත්මක වන තැලසීමියා නික්ෂේපණ යන්ත්‍ර නිෂ්පාදනය කිරීමේ ව්‍යාපෘතිය මඟින් නිපදවන ලද තැලසීමියා නික්ෂේපණ යන්ත්‍ර 350ක් සෞඛ්‍ය අමාත්‍යංශය වෙත ලබා දීම අද (2021 අප්‍රේල් 21) නාවික හමුදාධිපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් නාවික හමුදා මූලස්ථානයේදී සිදු කෙරිණි.
21 Apr 2021
දිවයිනේ අඩු පහසුකම් සහිත පාසල් 08 ක් ශ්‍රී ලංකා නාවික හමුදාවේ සමාජ මෙහෙවර ව්‍යාපෘතිය යටතේ සංවර්ධනය කෙරේ
ශ්‍රී ලංකා නාවික හමුදාවේ 70 වන සංවත්සරයට සමගාමීව දිවයිනේ අඩු පහසුකම් සහිත තෝරාගත් පාසල් 2021 වර්ෂය තුළ සංවර්ධනය කර දේශයේ ජීවනාලිය වන් වූ දුවා දරුවන්ගේ අධ්‍යාපනයට වඩාත් හිතකර පරිසරයක් නිර්මාණය කිරීමේ නාවික හමුදා සමාජ මෙහෙවර ව්‍යාපෘතිය, නාවික හමුදාධිපති වයිස් අද්මිරාල් නිශාන්ත උළුගේතැන්නගේ උපදෙස් හා මග පෙන්වීම යටතේ බටහිර, නැගෙනහිර, උතුරු මැද, වයඹ, ගිණිකොණ, දකුණ සහ උතුර යන නාවික විධානයන් තුළදී 2021 අප්‍රේල් මස 19 වන දින ආරම්භ කෙරිණි. සියළුම නිලධාරීන් හා නාවිකයින් ස්ව කැමැත්තෙන් සිය මාසික වේතනයෙන් පරිත්‍යාග කරන ලද මුදල් මෙම මහඟු සමාජ සත්කාරක ව්‍යාපෘතිය සඳහා මූල්‍ය දායකත්වය ලෙස යොදා ගනු ලබන අතර, නාවික හමුදා පූර්ණ ශ්‍රම දායකත්වය මෙම ව්‍යාපෘතිය සඳහා ලබා දෙනු ඇත.
20 Apr 2021