වැදගත් සිදුවීම්
ශ්‍රී ලංකා නාවික නෞකා විදුර ආයතන පරිශ්‍රයේ අභිනවයෙන් ඉදිකල දන්ත ශල්‍යාගාරය ලෝක මුඛ සෞඛ්‍යය දිනයට සමගාමීව විවෘත කෙරේ
නැගෙනහිර නාවික විධානයේ ත්‍රීකුණාමලය දකුණ, ශ්‍රී ලංකා නාවික නෞකා විදුර ආයතන පරිශ්‍රයේ අභිනවයෙන් ඉදිකල දන්ත ශල්‍යාගාරය, මාර්තු මස 20 වන දිනට යෙදී තිබෙන ලෝක මුඛ සෞඛ්‍යය දිනයට සමගාමීව විවෘත කිරීම, නැගෙනහිර නාවික විධානයේ හා ස්වේච්ඡා නාවික හමුදාවේ ආඥාපති රියර් අද්මිරාල් ධම්මික කුමාර ගේ ප්‍රධානත්වයෙන් අද දින (2023 මාර්තු 20) ශ්‍රී ලංකා නාවික නෞකා විදුර ආයතන පරිශ්‍රයේදී සිදු කෙරිණි.
20 Mar 2023
රියර් අද්මිරාල් ඩේමියන් ප්‍රනාන්දු නාවික හමුදා අධ්‍යක්‍ෂ ජෙනරාල් පුද්ගල ලෙස වැඩ භාර ගනියි
රියර් අද්මිරාල් ඩේමියන් ප්‍රනාන්දු ශ්‍රී ලංකා නාවික හමුදාවේ අධ්‍යක්‍ෂ ජෙනරාල් පුද්ගල වශයෙන් අද දින (2023 මාර්තු 20) නාවික හමුදා මූලස්ථානයේ අධ්‍යක්‍ෂ ජෙනරාල් පුද්ගල කාර්යාලයේදී වැඩ භාර ගන්නා ලදී.
20 Mar 2023
ලෝක ආබාධිත දිනයට සමගාමීව නාවික හමුදා සේවා වනිතා ඒකකය මඟින් සමාජ සත්කාරක වැඩසටහනක්
ලෝක ආබාධිත දිනයට සමගාමීව සේවා වනිතා ඒකකය මඟින් අද දින (2023 මාර්තු 17) සමාජ සත්කාරක වැඩසටහනක් ක්‍රියාත්මක කළ අතර, ඒ යටතේ නාවික හමුදා සේවයේ නියුතු නාවික පුද්ගලයින්ගේ ළඟම ඥාතීන් වෙත සංකේතාත්මකව ඇස් කණ්නාඩි, ශ්‍රවණ උපකරණ සහ රෝද පුටු ලබාදීම සේවා වනිතා ඒකකයේ ගරු සභාපතිනි මාලා ලමාහේවා මැතිණියගේ ප්‍රධානත්වයෙන් සිදු කෙරිණි.
18 Mar 2023
'ලෝක ග්ලුකෝමා දිනය’ වෙනුවෙන් දකුණු නාවික විධාන රෝහල මඟින් අක්ෂි සායනයක් පවත්වයි
මාර්තු මස 12 වන දිනට යෙදී තිබූ ‘ලෝක ග්ලුකෝමා දිනය’ වෙනුවෙන් දකුණු නාවික විධාන රෝහල, කරාපිටිය අක්ෂි වෛද්‍ය විද්‍යාලය සමඟ එක්ව නාවික පුද්ගලයින්, ඔවුන්ගේ පවුල්වල සාමාජිකයින් සහ සිවිල් සේවක මහත්ම මහත්මීන් සඳහා ග්ලුකෝමා සායනයක් 2023 මාර්තු මස 17 වන දින දකුණු නාවික විධාන රෝහලේදී පවත්වන ලදී.
18 Mar 2023
ශ්‍රී ලංකාවේ ඉතාලි තානාපතිනී සහ නාවික හමුදාධිපති අතර හමුවක්
ශ්‍රී ලංකාවේ ඉතාලි තානාපතිනිය වශයෙන් කටයුතු කරනු ලබන ගරු Rita Giuliana MANNELLA මහත්මිය අද දින (2023 මාර්තු 16) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් ප්‍රියන්ත පෙරේරා හමුවිය.
16 Mar 2023
ත්‍රිකුණාමලය, නාවික හා සාගරික විද්‍යාපීඨයේ නව ආඥාපති වශයෙන් කොමදෝරු බුද්ධික ලියනගමගේ වැඩ භාර ගනී
ශ්‍රී ලංකා නාවික හමුදාවේ ප්‍රමුඛතම පුහුණු ආයතනය වන ත්‍රිකුණාමලය, නාවික හා සාගරික විද්‍යාපීඨයේ 37 වන ආඥාපති වශයෙන් කොමදෝරු බුද්ධික ලියනගමගේ 2023 මාර්තු මස 14 වන දින වැඩ භාර ගන්නා ලදී.
16 Mar 2023
ශ්‍රී ලංකාවේ එක්සත් අරාබි එමීර් රාජ්‍යයේ තනාපති සහ නැගෙනහිර නාවික විධානයේ ආඥාපති අතර හමුවක්
ශ්‍රී ලංකාවේ එක්සත් අරාබි එමීර් රාජ්‍යයේ තානාපති වශයෙන් කටයුතු කරනු ලබන ගරු කලීඩ් නසාර් සුලෙයිමාන් අල් අමේරි (HE Khaled Nassar Sulaiman Al Ameri) අද දින (2023 මාර්තු 14) නැගෙනහිර නාවික විධාන මූලස්ථානයේදී ශ්‍රී ලංකා ස්වේච්ඡා නාවික හමුදාවේ සහ නැගෙනහිර නාවික විධානයේ අඥාපති, රියර් අද්මිරාල් ධම්මික කුමාර හමුවිය.
14 Mar 2023
ත්‍රිකුණාමලය වරායට සේන්දු වූ ඇමරිකානු නාවික හමුදාවට අයත් ‘USS CHARLESTON (LCS - 18)’ නෞකාව දිවයිනෙන් පිටත්ව යයි
ඇමරිකානු නාවික හමුදාවට අයත් ‘USS CHARLESTON (LCS - 18)’ යුද නෞකාව, 2023 මාර්තු මස 11 වන දින උදෑසන ත්‍රිකුණාමලය වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.
12 Mar 2023
යාපනය පලෙයිතිව් ශාන්ත අන්තෝනි දේවස්ථානයේ වාර්ෂික දේව මංගල්‍යය පැවැත්වීමට නාවික හමුදා සහාය
යාපනය පලෙයිතිව් දුපතේ ශාන්ත අන්තෝනි දේවස්ථානයේ වාර්ෂික දේව මංගල්‍යය 2023 මාර්තු මස 10 සහ 11 යන දෙදින ඉතා උත්කර්ශවත් අයුරින් පවත්වන ලද අතර, මෙම දේව මංගල්‍යය සාර්ථකව පැවැත්වීම සඳහා අවශ්‍ය පහසුකම් සැලසීම නාවික හමුදාවේ සහයෙන් සිදු කෙරිණි.
12 Mar 2023
ජාත්‍යන්තර කාන්තා දිනය සැමරීම වෙනුවෙන් නාවික හමුදා සේවා වනිතා ඒකකයේ දායකත්වයෙන් විශේෂ කාන්තා දින වැඩසටහනක් පවත්වයි
2023 මාර්තු මස 08 වන දිනට යෙදී තිබූ ජාත්‍යන්තර කාන්තා දිනයට සමගාමීව නාවික හමුදාධිපති, වයිස් අද්මිරාල් ප්‍රියන්ත පෙරේරා ගේ සහ නාවික හමුදා සේවා වනිතා ඒකකයේ ගරු සභාපතිනී මාලා ලමාහේවා මැතිණියගේ ප්‍රධානත්වයෙන් අද දින (2023 මාර්තු 11) වැලිසර, නාවික පරිශ්‍රයේදී විශේෂ කාන්තා දින සැමරුම් වැඩසටහනක් පැවැත්වීමට ශ්‍රී ලංකා නාවික හමුදාව කටයුතු කෙරිණි.
12 Mar 2023