ක්‍රීඩා පුවත්
2023 ජාතික බර ඉසිලීමේ තරඟාවලියේදී නාවික හමුදාවෙන් නව ශ්‍රී ලංකා තරඟ වාර්තා තුනක්
පොළොන්නරුව, ගල්ලෑල්ල ජාතික ක්‍රීඩා සංකීර්ණයේදී 2023 දෙසැම්බර් මස 27 වන දින සිට 30 වන දින දක්වා පැවැත්වෙන ජාතික බර ඉසිලීමේ තරඟාවලියේදී, කිලෝග්‍රෑම් 87 ජ්‍යේෂ්ඨ කාන්තා බර ඉසිලීමේ ඉසව්ව සඳහා සහභාගී වූ බලකාන්තා නැවි බීසී ප්‍රියන්ති ක්‍රීඩිකාව විසින් 2023 දෙසැම්බර් මස 28 වන දින නව ශ්‍රී ලංකා තරඟ වාර්තා තුනක් (03) පිහිටුවීමට සමත් විය.
29 Dec 2023
77 වැනි ජාතික මේස පන්දු ශූරතාවලියේ විවෘත මිශ්‍ර යුගල ශූරතාවය නාවික හමුදාව දිනාගනියි
ලංකා මේස පන්දු සංගමය විසින් සංවිධානය කරන ලද 77 වැනි ජාතික මේස පන්දු ශූරතාවලිය 2023 දෙසැම්බර් මස 16 සහ 17 දිනයන්හීදී මහනුවර නගරසභා ගෘහස්ථ ක්‍රීඩාංගණයේදී පැවති අතර, එහිදී විවෘත මිශ්‍ර යුගල ශූරතාවය දිනාගැනීමට ශ්‍රී ලංකා නාවික හමුදාව සමත් විය.
20 Dec 2023
ශ්‍රී ලංකා කායවර්ධන ශූරතාවලිය - 2023 තරඟාවලියේදී නාවික හමුදාවට ජයග්‍රහණ රැසක්
2023 දෙසැම්බර් මස 15 වන දින කොළඹ, බස්නාහිර පළාත් සෞන්දර්ය නිකේතන පරිශ්‍රයේදි පැවති Sri Lanka Master Bodybuilding Champion / Mr. Hercules Top 10 / Youth Junior & Physique Men / Women Championship - 2023 තරඟාවලියේදී නාවික හමුදා කායවර්ධන කණ්ඩායම ජයග්‍රහණ රැසක් දිනා ගැනීමට සමත් විය.
16 Dec 2023
නාවික හමුදා අන්තර් විධාන පැසිපන්දු තරඟාවලිය සාර්ථකව නිමාවට පත්වෙයි
අන්තර් විධාන පැසිපන්දු තරඟාවලිය - 2023, වැලිසර ශ්‍රිලංනානෞ ගැමුණු ආයතනයේ කොමාණ්ඩර් පරාක්‍රම සමරවීර ගෘහස්ථ ක්‍රිඩාංගණයේදී 2023 නොවැම්බර් මස 06 වන දින සිට දෙසැම්බර් මස 02 වන දින දක්වා පැවති අතර, එහිදී තරඟයේ පිරිමි ශූරතාවය පුහුණු විධානයත්, කාන්තා ශූරතාවය බටහිර නාවික විධානයත් හිමිකර ගැනීමට සමත් විය.
06 Dec 2023
07 වන ජාතික වේග හබල් ඔරු යාත්‍රා තරඟාවලිය - 2023 හි සමස්ථ විවෘත පිරිමි අනුශූරතාවය නාවික හමුදාව දිනාගනියි
07 වන ජාතික වේග හබල් ඔරු යාත්‍රා තරඟාවලිය - 2023 නාවික හමුදාධිපති, වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් 2023 නොවැම්බර් මස 30 වන දින සිට දෙසැම්බර් මස 02 දින දක්වා බත්තරමුල්ල, දියවන්නා ඔයෙහි පැවැත්වූ අතර, එහිදි සමස්ථ විවෘත පිරිමි අනුශූරතාවය හිමි කර ගැනීමට නාවික හමුදා පිරිමි වේග හබල් ඔරු කණ්ඩායම සමත් විය.
03 Dec 2023
අන්තර් සංවිධාන කණිෂ්ඨ එල්ලේ තරඟාවලියේ සමස්ථ ශූරතාවය නාවික හමුදාව විසින් දිනාගනියි
ශ්‍රී ලංකා එල්ලේ සම්මේලනය විසින් සංවිධානය කරන ලද අන්තර් සංවිධාන කණිෂ්ඨ පිරිමි එල්ලේ තරඟාවලිය, 2023 නොවැම්බර් මස 21 වන දින සිට 24 වන දින දක්වා වැලිසර, නවලෝක ක්‍රීඩා පිටියේදී සහ කැළණිය පොල්හේන සීවලී ක්‍රීඩා පිටියේදී පැවති අතර, එහි සමස්ථ ශූරතාවය නාවික හමුදාව විසින් හිමි කර ගැනීමට සමත් විය.
28 Nov 2023
12 වන ආරක්ෂක සේවා ක්‍රීඩා උළෙල කොළඹ සුගතදාස ක්‍රීඩාංගණයේදී සාර්ථකව නිමාවට පත් වෙයි
දොළොස්වන ආරක්ෂක සේවා ක්‍රීඩා උළෙල 2023 නොවැම්බර් මස 24 වන දින කොළඹ, සුගතදාස ක්‍රීඩාංගණයේදී අති උත්කර්ෂවත් අයුරින් නිමාවට පත් වූ අතර, ආරක්ෂක රාජ්‍ය අමාත්‍ය ගරු ප්‍රමිත බංඩාර තෙන්නකෝන් මැතිතුමා ගේ ප්‍රධානත්වයෙන් පැවති එම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගී විය.
25 Nov 2023
ක්ලිෆර්ඩ් කුසලාන බොක්සිං තරඟාවලියේදී නාවික හමුදාව ජයග්‍රහණ රැසක් හිමි කර ගනියි
2023 නොවැම්බර් මස 13 වන දින සිට 17 වන දින දක්වා කොළඹ, රාජකිය විදුහල් ක්‍රිඩාගාරයේදි පැවති ක්ලිෆර්ඩ් කුසලාන බොක්සිං තරඟාවලියේදී නාවික හමුදා බොක්සිං ක්‍රීඩක ක්‍රීඩිකාවන් ජයග්‍රහණ රැසක් හිමි කර ගැනීමට සමත් විය.
18 Nov 2023
Eagle’s Cup අභියෝගතා කුසලාන හෑන්ඩ්බෝල් තරඟාවලියේ පිරිමි අංශයේ ශූරතාවය නාවික හමුදාව විසින් දිනා ගනියි
Eagle’s Cup අභියෝගතා කුසලාන හෑන්ඩ්බෝල් තරඟාවලිය, 2023 නොවැම්බර් මස 06 වන දින සිට 09 වන දින දක්වා මහරගම ජාතික තරුණ සේවා සභා ගෘහස්ථ ක්‍රීඩාංගණයේදී සාර්ථකව පැවති අතර, එහි පිරිමි ශූරතාවය නාවික හමුදා පිරිමි හෑන්ඩ්බෝල් කණ්ඩායම විසින් දිනාගැනීමට සමත් විය.
14 Nov 2023
අන්තර් විධාන පිහිනුම් හා දිය පන්දු තරඟාවලිය ශ්‍රී ලංකා නාවික නෞකා ගැමුණු ආයතනයේදී සාර්ථකව අවසන් වෙයි
අන්තර් විධාන පිහිනුම් හා දිය පන්දු තරඟාවලිය 2023 නොවැම්බර් මස 02 වන දින සිට 04 වන දින දක්වා ශ්‍රී ලංකා නාවික නෞකා ගැමුණු ආයතනයේ පිහිණුම් තඨාකයේදී පැවති අතර, පිහිනුම් පිරිමි ශූරතාවය උතුරු නාවික විධානයත්, පිහිනුම් කාන්තා ශූරතාවය පුහුණු විධානයත්, දිය පන්දු පිරිමි ශූරතාවය නැගෙනහිර නාවික විධානයත් සහ දියපන්දු කාන්තා ශූරතාවය බටහිර නාවික විධානයත් හිමි කර ගැනීමට සමත්විය.
05 Nov 2023