නාවික හමුදා සේවා වනිතා ඒකකය මගින් තවත් සමාජ සත්කාර්යක්.
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සංකල්පයකට අනුව ඉඳුරාම ත්‍රස්තවාදී ක්‍රියා හේතුවෙන් අබාධිත නාවිකයින් හට නිවසක් ලබාදීමේ ව්‍යාපෘතිය යටතේ බල නාවික පාබල (ආබාධිත) ඊජීඑස්ආර් මුණවීර එක්ස්පී 8976 යන නාවිකයා වෙනුවෙන් නිවසක් ඉදිකිරීම සඳහා මුල්ගල තැබීම නාවික හමුදා සේවා වනිතා ඒකකයේ ගරු සභාපතිනිගේ ප්‍රධානත්වයෙන් ප්‍රවීණ රූපලාවන්‍ය ශිල්පී ධනංජය බංඩාර මහතාගේ මව වන රත්නා වීජේසිංහ මැතිණියගේ සුරතින් 2021 අප්‍රේල් මස 12 වන දින උදම්විටදී සිදුකරන ලදී.
ප්‍රවීණ රූපලාවන්‍ය ශිල්පී ධනංජය බංඩාර මහතාගේ මූල්‍යමය පරිත්‍යාගය යටතේ නාවික හමුදා තාක්ෂණික හා ශ්‍රම දායකත්වය යටතේ මෙම නිවස ඉදිකරනු ලබයි. මෙම අවස්ථාව සඳහා සේවා වනිතා ඒකකයේ ජ්‍යේෂ්ඨ අධීක්‍ෂණ නිලධාරි කොමදෝරු යුඑස් සෙනෙවිරත්න, සේවා වනිතා ඒකකයේ කාර්ය මණ්ඩලය, නාවික හමුදා සිවිල් ඉංජිනේරු දෙපාර්තමේන්තුවේ නාවික පුද්ගලයින් ඇතුළු බල නාවික පාබල (ආබාධිත) ඊජීඑස්ආර් මුණවීර නාවිකයාගේ පවුලේ සමාජිකයින්ද සහභාගී වන ලදි.
