දකුණු නාවික විධානයට අයත් ගාල්ලෙහි පිහිටි, ශ්‍රී ලංකා නාවික නෞකා දක්ෂිණ ආයතනයට සහ වෙරළාරක්ෂක බළකායට අනුයුක්ත නාවිකයන් පිරිසක් විසින් ඊයේ (30) අකුරළ මුහුදු ප්‍රදේශයේදී බලපත්‍ර රහිතව නීති විරෝධී ලෙස ධීවර කටයුතුවල නිරතව සිටි ලාංකික ධීවරයින් 13 දෙනෙකු අත්අඩංගුවට ගන්නා ලදී.

නාවික සහයෝගිතාව පිළිබඳ නව මංපෙත් විවර කර ගැනීමේ අරමුණින් ඉන්දියානු නාවික හමුදාවේ ආරාධනාවකට අනුව ශ්‍රී ලංකා නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා 2017 ජනවාරි 29 දින ඉන්දියාව බලා පිටත් විය.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ මගපෙන්වීම යටතේ නාවික හමුදාව විසින් ප්‍රජා සත්කාරක සේවාවන් රැසක් ක්‍රියාත්මක කරනු ලබන අතර, ප්‍රති ආශ්‍රැත ජල පිරිපහදු යන්ත්‍ර ස්ථාපිත කර පිරිසිදු පානීය ජලය ජනතාවට ලබා දීම එහි තවත් එක් ව්‍යාපෘතියක් වේ.

නීති විරෝධී ධීවර කටයුතු වල නිරත ලාංකික පුද්ගලයන් 2 දෙ‍නෙකු ස්ථාන දෙකකදී අත්අඩංගුවට ගැනීමට ඊයේ (29) නාවික හමුදාව සමත් වී ඇත.

කිරින්ද වෙරළාරක්ෂක දෙපාර්තමේන්තුව වෙත ලද බුද්ධි තොරතුරක් මත එම ආයතනයට අනුයුක්ත නාවිකයන් පිරිසක් සහ කතරගම පොලිස් විශේෂ කාර්යය බළකායේ නිලධාරීන් පිරිසක් එක්ව තණමල්විල ප්‍රදේශයේ සිදු කළ සෝදිසි කිරීමකදී මුව මස් කිලෝග්‍රෑම් 26.5 ක් සමග පුද්ගලයෙකු අත්අඩංගුවට ගන්නා ලදී.

මිරිස්සෙහි පිහිටි වෙරළාරක්ෂක රෝහණ ආයතනයට අනුයුක්ත නාවිකයන් පිරිසක් විසින් ඊයේ (28) නීති විරෝධී කටයුතුවල නිරත වූ ලාංකික පුද්ගලයෙකු සහ විදේශික පුද්ගලයන් දෙදෙනෙකු අත්අඩංගුවට ගෙන ඇත.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ මගපෙන්වීම යටතේ නාවික හමුදාව විසින් ප්‍රජා සත්කාරක සේවාවන් රැසක් ක්‍රියාත්මක කරනු ලබන අතර, ප්‍රති ආශ්‍රැත ජල පිරිපහදු යන්ත්‍ර ස්ථාපිත කර පිරිසිදු පානීය ජලය ජනතාවට ලබා දීම එහි තවත් එක් ව්‍යාපෘතියක් වේ.

නාවික පුද්ගලයින්ගේ නිර්මාණ වලින් සමන්විත වූ ‘සයුරුසර’ සඟරාවේ 31 වන කලාපය එහි ප්‍රධාන සංස්කාරක ලුතිනන් කොමාණ්ඩර් රුවන් ප්‍රේමවීර මහතා විසින් අද (27) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත පිළිගැන්විණි.

ශ්‍රී ලංකා සේවා මුක්ත භට සංගමය විසින් නිර්මාණය කර එළි දක්වන ලද ‘Foot Prints on the Sands of time’ ග්‍රන්ථයේ පළමු පිටපත අද (27) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත පිළිගැන්විය.

උතුරු නාවික විධානයට අයත්, මන්ඩතිව් හි පිහිටි ශ්‍රී ලංකා නාවික නෞකා වේළුසුමන ආයතනයට අනුයුක්ත නාවිකයන් පිරිසක් විසින් ඊයේ (26) චිරුතිව් දූපතට ආසන්න මුහුදු ප්‍රදේශයේදී, තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයින් 3 දෙනෙකු අත්අඩංගුවට ගන්නා ලදී.