වෙරළාරක්ෂක දෙපාර්තමේන්තුව විසින් දියේ ගිලෙමින් සිටි විදේශිකයින් දෙදෙනෙකු සහ ශ්‍රීලාංකිකයෙකු බේරා ගැනේ
 

මිරිස්ස සහ හික්කඩුව වෙරළ තීරයන්ට ඔබ්බෙන් වූ මුහුදු ප්‍රදේශයේ දිය නෑමට ගොස් ජල පහරකට හසු වී ගිලෙමින් සිටි විදේශිකයෙකු සහ ශ්‍රී ලාංකික පුද්ගලයෙකු අවස්ථා දෙකකදී බේරා ගැනීමට වෙරළාරක්ෂක දෙපාර්තමේන්තුවට අනුයුක්ත ජීවිතාරක්ෂක කණ්ඩායමේ නාවිකයන් පිරිසක් ඊයේ (13) සමත් විය.මෙසේ බේරා ගනු ලැබුවේ 54 හැවිරිදි ඉරාන ජාතික අක්බාර් යෝලාමී මහතා සහ ගල්කිස්ස ප්‍රදේශයේ පදිංචි හුසේෆා නැමති පුද්ගලයෙකු වේ.

තවද, එදිනම හික්කඩුව වෙරළ තීරයට ඔබ්බෙන් වූ මුහුදු ප්‍රදේශයේ දිය නෑමට ගොස් ගිලෙමින් සිටි ඉන්දීය ජාතික තසුන් සේයිමා මහතාද හික්කඩුව වෙරළාරක්ෂක බළකායට අනුයුක්ත ජීවිතාරක්ෂක කණ්ඩායමේ නාවිකයන් පිරිසක් විසින් බේරා ගැනීමට සමත් වන ලදී.