ශ්‍රී ලංකා නාවික හමුදාවේ 67 වන සංවත්සරයට සහ නත්තල් සැමරුමට සමගාමීව උතුරු මැද නාවික විධානයට අනුයුක්ත නිලධාරීන් සහ නාවිකයන් විසින් සමාජ සත්කාරක සේවාවන් කිහිපයක් ක්‍රියාත්මක කරන ලදී.

ඒ අනුව පූනෑව ඉසින්බැස්සගල ප්‍රදේශයේ අඩු ආදායම් ලාභී පවුල් 2 ක ඉගනුම ලබන දරු දැරියන් 5 දෙනෙකු සඳහා පාසල් නිල ඇඳුම්, පාවහන් සහ 2018 වර්ෂය වෙනුවෙන් පොත් පත් ප්‍රදානය කිරීම සිදු කෙරිණි. තවද, එක් පවුලක වෙසෙන ආබාධිත දරුවෙකු හට රෝද පුටුවක් ප්‍රදානය කිරීම ද එම අවස්ථාවේදී සිදු කරන ලදී. මෙම පුණ්‍ය කටයුත්ත සඳහා පූනෑව නාවික සංකීර්ණයේ නිලධාරීන් සහ නාවිකයන් විසින් ස්වකැමැත්ත ඇතිව මූල්‍යමය දායකත්වය ලබා දී ඇත.