ගුවන් හමුදාධිපතිතුමන් නාවික හමුදාධිපති හමුවෙයි

ගුවන් හමුදාධිපති, එයාර් මාෂල් සුමංගල ඩයස් අද (ජුනි 19) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් පියල් ද සිල්වා හමුවිය.

නාවික හමුදා සම්මාන ආචාර මුරයක් මගින් ගුවන් හමුදාධිපතිතුමා නාවික හමුදා මූලස්ථානය වෙත සාදරයෙන් පිළිගත් අතර, ගුවන් හමුදාධිපතිවරයා වශයෙන් වැඩ භාර ගැනීමෙන් පසු නාවික හමුදාධිපතිතුමා හමුවූ පළමු නිල හමුව බවට මෙය සනිටුහන් විය.

එහිදී නාවික හමුදාධිපතිතුමා විසින් ගුවන් හමුදාධිපතිතුමා වෙත සිය හෘදයාංගම සුභපැතුම් එක් කරන ලද අතර, ඉන් අනතුරුව ද්විපාර්ශවීය වශයෙන් වැදගත් කරුණු රාශියක් සම්බන්ධයෙන් ඔවුන් සුහද කථාබහක නිරත විය. මෙම හමුව සනිටුහන් කරමින් සමරු තිළිණ හුවමාරුවක් ද සිදු කෙරුණු අතර, නාවික හමුදා අධ්‍යක්ෂ ජෙනරාල්වරුන් ද එම අවස්ථාව සඳහා සහභාගී වී සිටියහ.