ශ්‍රී ලංකා නාවික හමුදාවේ 69 වන නාවික හමුදා දිනය නිමිතිකොට ගෙන වැලිසර, ශ්‍රී ලංකා නාවික නෞකා ගැමුණු ආයතනයේදී සර්වරාත්‍රික පරිත්‍රාන ධර්ම දේශනයක් හා දානමය පිංකමක් 2019 නොවැම්බර් 29 සහ 30 යන දෙදින පැවැත්විණි.

නාවික හමුදාව විසින් නොවැම්බර් 29 සහ 30 යන දෙදින මන්නාරම සහ මුලතිව් ප්‍රදේශයන් කේන්ද්‍ර කරගනිමින් සිදු කළ සෝදිසි කිරිම්වලදී බීඩී කොළ කිලෝග්‍රෑම් 854.1 ක ප්‍රමාණයක් සොයා ගැනීමට සමත් විය

දේශීය හා විදේශීය සංචාරකයින් වැඩි වශයෙන් නැරඹීමට පැමිණෙන ගාලු මුවදොර වෙරළ තීරය තුල කැලිකසල සහ ප්ලාස්ටික් එකතු වී අපිරිසිදු තත්වයේ පැවැති අතර, නාවික හමුදාධිපති, වයිස් අද්මිරාල් පියල් ද සිල්වා ගේ උපදෙස් පරිදි නාවික හමුදාව විසින් එම වෙරළ තීරය පිරිසිදු කිරීමේ වැඩසටහනක් අද (2019 නොවැම්බර් 30) ක්‍රියාත්මක කරන ලදි.

නාවික හමුදාව විසින් අද (2019 නොවැම්බර් 30) උදෑසන මන්නාරම, ඌරුමලෙයි ප්‍රදේශයේ සිදු කළ සෝදිසි මෙහෙයුමකදී අයිස් මත්ද්‍රව්‍ය සමඟ සැකකරුවෙකු නාවික හමුදා භාරයට ගෙන ඇත.

ශ්‍රී ලංකාවේ නිල සංචාරයක නිරත වන රුසියානු නාවික හමුදාවේ නියෝජිතයින් පිරිසක් අද (2019 නොවැම්බර් 30) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් පියල් ද සිල්වා හමුවිය.

නාවික හමුදාව සහ පොලීසිය එක්ව 2019 නොවැම්බර් මස 29 වන දින ගාල්ල, අම්බලන්වත්ත ප්‍රදේශයේදී දේශීය මත්පැන් සමඟ පුද්ගලයින් දෙදෙනෙකු (02) අත් අඩංගුවට ගෙන ඇත.

නාවික හමුදාධිපති, වයිස් අද්මිරාල් පියල් ද සිල්වා අභිනව, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු අග්‍රාමාත්‍ය, මහින්ද රාජපක්‍ෂ මැතිතුමා 2019 නොවැම්බර් 29 වන දින අරලියගහ මන්දිරයේදී හමුවිය.

නාවික හමුදාව සහ පුත්තලම පොලීසිය එක්ව අද (2019 නොවැම්බර් 29) අළුයම පුත්තලම ප්‍රදේශයේදී පතොරම් 05 ක් සහ කේරළ ගංජා ග්‍රෑම් 3.910 ක් සමඟ සැකකරුවන් පස්දෙනෙකු (05) ‍නාවික හමුදා බාරයට ගෙන ඇත.

නාවික හමුදාව විසින් අද (2019 නොවැම්බර් 29) අළුයම ඉළුප්පුකඩවායි වෙර‍ළේ සිදුකළ සෝදිසි කිරීමකදි බීඩි කොළ කිලෝග්‍රෑම් 303 ග්‍රෑම් 900 ක ප්‍රමාණයක් සොයා ගෙන ඇත.

2019 දෙසැම්බර් මස 09 වන දිනට යෙදී තිබෙන ශ්‍රී ලංකා නාවික හමුදාවේ 69 වන සංවත්සරය නිමිත්තෙන් නාවික ධජයන්ට සෙත් පැතීමේ පුණ්‍ය මහෝත්සවය නාවික හමුදාධිපති, වයිස් අද්මිරාල් පියල් ද සිල්වාගේ ප්‍රධානත්වයෙන් අනුරාධපුර ජය ශ්‍රී මහා බෝ සමිඳුන් අභියසදී 2019 නොවැම්බර් 27 සහ 28 යන දෙදින තුළ පැවැත්වේ.