වැදගත් සිදුවීම්
‘මව්බිම වෙනුවෙන් එක්වෙමු’ උතුම් පුණ්‍ය ව්‍යාපෘතිය යටතේ නාවික හමුදාව වෙත අත්‍යාවශ්‍ය විෂයන් තොගයක් පරිත්‍යාග කෙරේ.
නාවික හමුදාව විසින් කොරෝනා වෛරසය රට තුල ව්‍යාප්ත වීම පාලනය කිරීම සඳහා සිදුකරනු ලබන වැඩසටහන් වෙනුවෙන් අත්‍යාවශ්‍ය විෂයන් තොගයක් ‘මව්බිම වෙනුවෙන් එක්වෙමු’ උතුම් පුණ්‍ය ව්‍යාපෘතිය යටතේ ශ්‍රද්ධා රූපවාහිනී නාලිකාව සහ මහමෙව්නාව භාවනා අසපු සංචිතය එක්ව නාවික හමුදාව වෙත ලබා දීම අද (2020 මැයි 22) ශ්‍රද්ධා රූපවාහිනී නාලිකා පරිශ්‍රයේදී සිදු කරන ලදි.
22 May 2020
‘සමුදුර’ නෞකාව ‘අම්ෆන්’ සුලි කුණාටුවේ බලපෑමෙන් අතරමංවූ මෙරට ධීවර යාත්‍රාවන් වෙත ළගාවෙයි.
‘අම්ෆන්’ සුලි කුණාටුවේ බලපෑමෙන් ඇතිවූ අයහපත් කාලගුණ තත්ත්වය හේතුවෙන් ඉන්දුනීසියාව ආශ්‍රිත මුහුදු ප්‍රදේශයට ගසා ගෙන ගිය මෙරට බහුදින ධීවර යාත්‍රාවන්ට අවශ්‍ය සහය සහ ඉන්ධන ලබා දීම සඳහා 2020 මැයි මස 21 වන දින පිටත්ව ගිය ශ්‍රී ලංකා නාවික හමුදාවට අයත් සමුදුර නෞකාව අදාල ධීවර යාත්‍රාවන් වෙතට ළගාවී මේ වන විට එම යත්‍රාවන් සමඟ සන්නිවේදන කටයුතු ගොඩනගා ගැනීමට සමත්ව සිටී.
22 May 2020
කොවිඩ් - 19 සුව වූ තවත් නාවික හමුදා පුද්ගලයින් 13ක් රෝහල් වලින් පිටව යයි - සුව වූ මුළු ගණන 250ක්.
කොවිඩ් - 19 වෛරසය ආසාධනයවී රෝහල් ගතව ප්‍රථිකාර ලැබූ තවත් නාවික හමුදා පුද්ගලයින් 13 දෙනෙකු වෛරසය ශරීර තුල නොමැති බවට සිදු කල පීසීආර් පරීක්‍ෂණ මගින් තහවුරු කර ගැනීමෙන් අනතුරුව 2020 මැයි මස 21 වන දින එම රෝහල් වෙතින් මුදා හැරීමට කටයුතු කර ඇත.
22 May 2020
නාවික හමුදා සහයෙන් කේරළ ගංජා සමග සැකකරුවෙක් (01) නීතියේ රැහැනට
ශ්‍රී ලංකා නාවික හමුදාව සහ තංගල්ල, සුරාබදු ඒකකය එක්ව 2020 මැයි මස 21 වන දින බෙලිඅත්ත නගරයේ සිදු කරන ලද ඒකාබද්ධ මෙහෙයුමකදී කේරළ ගංජා සමඟ පුද්ගලයෙකු (01) අත් අඩංගුවට ගැනීමට සමත් විය.
22 May 2020
නාවික හමුදා සහයෙන් අයිස් මත්ද්‍රව්‍ය සමග සැකකරුවන් දෙදෙනෙක් (02) නීතියේ රැහැනට
නාවික හමුදාව සහ පොලිසිය එක්ව 2020 මැයි මස 21 වන දින කල්පිටිය, නරිකුඩා ප්‍රදේශයේ සිදුකරන ලද සෝදිසි මෙහෙයුමකදී අයිස් මත්ද්‍රව්‍ය සමඟ පුද්ගලයින් දෙදෙනෙක් (02) අත්අඩංගුවට ගැනීමට සමත්වීය.
22 May 2020
නාවික හමුදා සහයෙන් තහනම් මත්පෙති සහ හෙරොයින් ලඟ තබා ගෙන සිටි පුද්ගලයින් තිදෙනෙකු (03) අත්අඩංගුවට.
ශ්‍රී ලංකා නාවික හමුදාව ත්‍රිකුණාමලය දිසා දූෂණ මර්ධන ඒකකය සහ පුල්මුඩේ පොලිස් විශේෂ කාර්ය බලකාය එක්ව 2020 මැයි මස 21 වන දින ත්‍රිකුණාමලය උප්පුවේලි සහ වැලිඔය යන ප්‍රදේශයන්හි සිදු කල සෝදිසි මෙහෙයුම් දෙකකදී තහනම් මත්පෙති සහ හෙරොයින් මත්ද්‍රව්‍ය සමඟ පුද්ගලයින් තිදෙනෙකු (03) අත්අඩංගුවට ගැනීමට සමත් විය.
22 May 2020
ගංවතුර ආපදාවට පෙර සුදානමක් ලෙස තවදුරටත් ගාල්ල, වක්වැල්ල පාලම තුල සිරවී තිබූ අපද්‍රව්‍ය ඉවත් කිරීමට නාවික හමුදාව කටයුතු කරයි
ගිං ග‍‍ඟෙහි සැඩ ජල පහරට හසුව ගසාගෙනවිත් ගාල්ල, වක්වැල්ල පාලම තුල සිරවී තිබූ දැව කඳන් සහ අපද්‍රව්‍ය ඉවත් කර ජලය නිසි පරිදි බැස යාමට සැලැස්වීමෙන් එම ප්‍රදේශයට ඉදිරියේදී ඇති විය හැකි ගංවතුර අවධානම මැඩ පැවැත්වීමට 2020 මැයි මස 21 වන දිනයේදීද නාවික හමුදාව කටයුතු කරන ලදී.
22 May 2020