වැදගත් සිදුවීම්
ශ්‍රී ලංකා නාවික හමුදා පරීක්‍ෂණ ඒකකය වෙත ISO 9001:2015 ප්‍රමිති සහතිකය ප්‍රදානය කෙරේ
ශ්‍රී ලංකා නාවික හමුදා පරීක්‍ෂණ ඒකකය වෙත, ශ්‍රී ලංකා ප්‍රමිති ආයතනය විසින් තත්ත්ව කළමනාකරණ පද්ධතිය සඳහා වන ISO 9001:2015 සහතිකය ප්‍රදානය කිරීම 2024 මාර්තු මස 27 වන දින නාවික හමුදාධිපති වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් සහ ශ්‍රී ලංකා ප්‍රමිති ආයතනයේ අධ්‍යක්‍ෂ ජෙනරාල් සහ ප්‍රධාන විධායක නිලධාරිනී, ආචාර්ය සිද්දිකා ජී. සේනාරත්න මහත්මිය ගේ සහභාගීත්වයෙන්, කොළඹ ප්‍රදීපාගාර අවන්හලේදී සිදුකෙරිණි.
28 Mar 2024
විශේෂ යාත්‍රා බලඝණ පුහුණුව සාර්ථකව සම්පූර්ණ කළ නව සාමාජිකයන් 21 ක් වෙත ලාංඡන පළඳවයි
ශ්‍රී ලංකා නාවික හමුදාවේ විශේෂ යාත්‍රා බලඝණයේ පුහුණුව සාර්ථකව සම්පූර්ණ කළ නාවිකයන් විසි එක් දෙනෙක් (21) විසිර යාම හා ලාංඡන පැළඳවීම, එම බලඝණයේ අණදෙන නිලධාරි, කපිතාන් ධර්මසිරි හේරත් ගේ ආරාධනයෙන්, නැගෙනහිර නාවික විධානයේ ආඥාපති රියර් අද්මිරාල් සුරේෂ් ද සිල්වා ගේ ප්‍රධානත්වයෙන් අද දින (2024 මාර්තු 27) ත්‍රිකුණාමලය, නාවික තඨාකාංගනයේ විශේෂ යාත්‍රා බලඝණ මූලස්ථානයේදී සිදු කෙරිණි.
27 Mar 2024
ඉන්දියානු සාගර කලාපීය සමුද්‍රීය පාර්ශවකරුවන් දැනුවත් කිරීමේ වැඩමුළුවක් කොළඹදී සාර්ථකව පවත්වයි
එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලයේ (United Nations Office on Drugs & Crime - UNODC) සහයෝගයෙන් ඉන්දියානු සාගර කලාපීය සමුද්‍රීය පාර්ශවකරුවන් දැනුවත් කිරීමේ වැඩමුළුවක් 2024 මාර්තු මස 26 සහ අද දින (2024 මාර්තු 27) කොළඹ, සිනමන් ග්‍රෑන්ඩ් හෝටල් පරිශ්‍රයේදී පැවැත්වුණු අතර, එම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගි විය.
27 Mar 2024
මානුෂීය මෙහෙයුමේදී රණක්‍ෂිතයට පත් නාවික හමුදා පුද්ගලයින් වෙත විදුලි රෝද පුටු සහ කෘතීම පාද පිරිනමයි
මානුෂීය මෙහෙයුමට සක්‍රීයව දායකවීමෙන් රණක්‍ෂිතයට පත්ව පාද අහිමි වූ නාවික හමුදා පුද්ගලයින් වෙත කෘතීම පාද පිරීනැමීමේ වැඩසටහනේ පළමු අදියර යටතේ තවත් නාවික හමුදා පුද්ගලයින් තිදෙනෙක් වෙත කෘතීම පාද සහ විදුලි රෝද පුටුවක් පිරිනැමීම, 2024 මාර්තු මස 22 වන දින නාවික හමුදාධිපති, වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් අනුරාධපුරය ඔයාමඩුව නාවික හමුදා නිලධාරී නිවාඩු නිකේතන පරිශ්‍රයේදී සිදුකෙරිණි.
23 Mar 2024
කර්නල් ෂියාම් විදුරුපොල (විශ්‍රාමික) විසින් නාවික හමුදා නිලධාරීන් වෙනුවෙන් විශේෂ අභිප්‍රේරණ දේශනයක් පවත්වයි
ශ්‍රී ලංකා නාවික හමුදාවේ නිලධාරීන්ගේ වෘත්තීයභාවය හා නායකත්ව ගුණාංග වැඩිදියුණු කරගැනීම වෙනුවෙන් වූ විශේෂ අභිප්‍රේරණ දේශනයක්, 2024 මාර්තු මස 20 වන දින කර්නල් ෂියාම් විදුරුපොල (විශ්‍රාමික) ගේ සම්පත්දායකත්වයෙන් වැලිසර නාවික පරිශ්‍රයේ Wave N’ Lake උත්සව ශාලාවේදී පැවැත්වීමට නාවික හමුදාව විසින් කටයුතු සංවිධානය කෙරුණු අතර, එම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගී විය.
21 Mar 2024
නාවික හමුදා සමාජීය මෙහෙවර ව්‍යාපෘතියේ සුවිශේෂී කඩඉමක් පසුකරමින් 1000 වන ප්‍රතිආශ්‍රැති ජලපිරිපහදු මධ්‍යස්ථානය සඳහා මුල්ගල තැබීම මහව පාළුකඩවල ශ්‍රී සුමන විද්‍යාලයේදී
නාවික හමුදාධිපති වයිස් අද්මිරාල් ප්‍රියන්ත පෙරේරා ගේ සෘජු අධීක්‍ෂණය මත, නාවික හමුදා සමාජීය මෙහෙවර ව්‍යපෘතිය යටතේ සුවිශේෂී සංධිස්ථානයක් පසුකරමින් ජාතික ලොතරැයි මණ්ඩල‍යේ මූල්‍ය දායකත්වයෙන් සහ නාවික හමුදා තාක්‍ෂණික හා ශිල්පීය දායකත්වයෙන් ඉදිකිරීමට නියමිත 1000 වන ප්‍රතිආශ්‍රැති ජලපිරිපහදු මධ්‍යස්ථානය සඳහා මුල්ගල තැබීම, 2024 මාර්තු මස 20 වන දින මහව, පාළුකඩවල ශ්‍රී සුමන විද්‍යාල පරිශ්‍රයේදී වයඹ නාවික විධානයේ නියෝජ්‍ය අඥාපති කෝමදෝරු මංජුල හේවා බැට්ටගේ ගේ ප්‍රධානත්වයෙන් සිදුකෙරිණි.
21 Mar 2024
සපුගස්කන්ද පුරාණ රජමහා විහාරස්ථ ශ්‍රී ගුණරත්න ධර්ම විද්‍යාලය වෙතින් නාවික හමුදාධිපති වෙත උපහාර පුදයි
සපුගස්කන්ද පුරාණ රජමහා විහාරස්ථ ශ්‍රී ගුණරත්න ධර්ම විද්යාලයේ ආදි ශිෂ්‍යයෙකු වන නාවික හමුදාධිපති වයිස් අද්මිරාල් ප්‍රියන්ත පෙරේරා වෙත උපහාර පිදීම, කැළණිය විශ්ව විද්යාලයේ පාලි හා බෞද්ධ අධ්‍යයන අංශයේ ජ්‍යේෂ්ඨ මහාචාර්ය රාජකීය පණ්ඩිත පූජ්‍ය පාද නාපිරිත්තන් කඩවල ඥානරත්න නාහිමිපාණන්ගේ මූලිකත්වයෙන් අද දින (2024 මාර්තු 17) සපුගස්කන්ද පුරාණ රජමහා විහාරස්ථ ශ්‍රී ගුණරත්න ධර්ම විද්‍යාලයේදී සිදුකෙරිණි.
17 Mar 2024
ශ්‍රී ලංකා සන්නද්ධ සේවා වෛද්‍ය විද්‍යාර්ථයින්ගේ 7 වන වාර්ෂික අධ්‍යයන සැසිවාරය සෞඛ්‍ය අමාත්‍යවරයාගේ ප්‍රධානත්වයෙන් ආරම්භ වෙයි
ශ්‍රී ලංකා සන්නද්ධ සේවා වෛද්‍ය විද්‍යාර්ථයින්ගේ 7 වන වාර්ෂික අධ්‍යයන සැසිවාරයේ සමාරම්භක උත්සවය “Diversity and Inclusion Towards Excellence in Military Medicine” යන තේමාව පෙරදැරිව, ශ්‍රී ලංකා සන්නද්ධ සේවා වෛද්‍ය විද්‍යාර්ථයින්ගේ සංගමයේ සභාපතිනී ශ්‍රී ලංකා නාවික හමුදා අධ්‍යක්‍ෂ නාවික දන්ත වෛද්‍ය සේවා, වෛද්‍ය කොමදෝරු නයනා විජේදෝරු ගේ ආරාධනයෙන්, සෞඛ්‍ය හා කාර්මාන්ත අමාත්‍ය ගරු රමේෂ් පතිරණ මැතිතුමාගේ ප්‍රධානත්වයෙන් 2024 මාර්තු මස 15 වන දින වැලිසර Wave N’ Lake නාවික හමුදා උත්සව ශාලාවේදී අභිමානවත්ව පැවැත්වුණ අතර, එම අවස්ථාව සඳහා ආරක්‍ෂක අමාත්‍යංශයේ ලේකම් ජෙනරාල් කමල් ගුණරත්න (විශ්‍රාමික) සහ නාවික හමුදාධිපති වයිස් අද්මිරාල් ප්‍රියන්ත පෙරේරා ඇතුළු ශ්‍රී ලංකා සන්නද්ධ සේවා වෛද්‍ය විද්‍යාර්ථයින් නියෝජනය වෛද්‍ය වෘත්තිකයන් පිරිසක් සහභාගී විය.
16 Mar 2024
මානුෂීය මෙහෙයුමේදී රණක්‍ෂිතයට පත් නාවික හමුදා පුද්ගලයින් වෙත කෘතීම පාද පිරිනමයි
මානුෂීය මෙහෙයුමට සක්‍රීයව දායකවීමෙන් රණක්‍ෂිතයට පත්ව පාද අහිමි වූ නාවික හමුදා පුද්ගලයින් වෙත කෘතීම පාද පිරීනැමීමේ වැඩසටහන යටතේ නාවික හමුදා පුද්ගලයින් තිදෙනෙක් වෙත සංකේතාත්මකව කෘතීම පාද පිරිනැමීම, 2024 මාර්තු මස 14 වන දින නාවික හමුදාධිපති, වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් නාවික හමුදා මූලස්ථානයේදී සිදු කෙරිණි.
16 Mar 2024
ශ්‍රී ලංකා නාවික හමුදා ජාලගත පුස්තකාල කළමණාකරණ පද්ධතිය සහ නැවි 206 ජාලගත පද්ධතිය එළිදැක්වේ
ශ්‍රී ලංකා නාවික හමුදා ජාලගත පුස්තකාල කළමණාකරණ පද්ධතිය සහ නැවි 206 ජාලගත පද්ධතිය එළි දැක්වීම අද දින (2024 මාර්තු 13) නාවික හමුදා මූලස්ථානයේ පැවති නාවික හමුදා කළමණාකරණ මණ්ඩල, ප්‍රාදේශීය බලධාරීන් සහ අධ්‍යක්‍ෂ මණ්ඩල රැස්වීමේදී නාවික හමුදාධිපති, වයිස් අද්මිරාල් ප්‍රියන්ත පෙරේරා විසින් සිදු කෙරිණි.
13 Mar 2024