ත්‍රිකුණාමලය නාවික හා සාගරික විද්‍යාපීඨයේ පැවති 37වැනි කණිෂ්ඨ නාවික මාණ්ඩලික පාඨමාලාවේ සහ 23 වන උප ලුතිනන් තාක්‍ෂණ (විනයාරක්‍ෂක/ නාපාබල) පාඨමාලාවේ සහතිකපත් ප්‍රදානෝත්සවය 2025 ඔක්තෝබර් මස 23වැනි දින, නාවික හා සාගරික විද්‍යාපීඨයේ ආඥාපති කොමදෝරු දිනේෂ් බණ්ඩාරගේ ආරාධනයෙන්, නාවික හමුදාධිපති වයිස් අද්මිරාල් කාන්චන බානගොඩගේ ප්‍රධානත්වයෙන් පැවැත්විණි.

‘Trinco Dialogue – 2025’ සාගරික සම්මන්ත්‍රණය, 2025 ඔක්තෝබර් මස 22 වන දින ත්‍රිකුණාමලය නාවික හා සාගරික විද්‍යාපීඨයේ, අද්මිරාල් වසන්ත කරන්නාගොඩ ශ්‍රවනාගාරයේදී සාර්ථකව පැවැත්වුණු අතර, නාවික හා සාගරික විද්‍යාපීඨයේ ආඥාපති කොමදෝරු දිනේෂ් බණ්ඩාරගේ ආරාධනයෙන්, එම අවස්ථාව සඳහා නැගෙනහිර නාවික විධානයේ ආඥාපති රියර් අද්මිරාල් රවීන්ද්‍ර තිසේරා, ප්‍රධාන ආරාධිත අමුත්තා ලෙස සහභාගී විය.

ශ්‍රී ලංකා නාවික හමුදාව, ශ්‍රී ලංකා සාගර විශ්ව විද්‍යාලය - ත්‍රිකුණාමලය ප්‍රාදේශීය මධ්‍යස්ථානයේ සිසුන් සඳහා මූලික ප්‍රථමාධාර, ජීවිත ආධාරක සහ ජල ආරක්‍ෂණ කුසලතා පිළිබඳ පුහුණු (Basic First aid, Lifesaving and Water Safety Skills) වැඩසටහනක්, 2025 ඔක්තෝබර් මස 16 වැනි දින ශ්‍රී ලංකා සාගර විශ්ව විද්‍යාලය - ත්‍රීකුණාමලය ප්‍රාදේශීය මධ්‍යස්ථානයේදී සාර්ථකව පැවැත්වීමට කටයුතු කෙරිණි.

ඕස්ට්‍රේලියානු ජාතික ආරක්‍ෂක විද්‍යාලයේ කර්නල් Brandon Wood ගේ ප්‍රධානත්වයෙන්, ඕස්ට්‍රේලියානු ජාතික ආරක්‍ෂක විද්‍යාලයේ ආරක්‍ෂක හා උපාය මාර්ගික අධ්‍යයන පාඨමාලාව හදාරනු ලබන නියෝජිත පිරිසක්, 2025 ඔක්තෝබර් මස 21 වැනි දින නාවික හමුදා මූලස්ථානයේ නිල සංචාරයක් සඳහා පැමිණි අතර, එහිදී එම නියෝජිතයින් පිරිස නාවික හමුදාධිපති වයිස් අද්මිරාල් කාන්චන බානගොඩ හමු විය.

ශ්‍රී ලංකාවේ තායිලන්ත තානාපති, ගරු Paitoon Mahapannaporn මැතිතුමා 2025 ඔක්තෝබර් මස 21 වැනි දින නාවික හමුදා මූලස්ථානයේදී, නාවික හමුදාධිපති වයිස් අද්මිරාල් කාන්චන බානගොඩ හමු විය.

නාවික හමුදා සමාජීය මෙහෙවර ව්‍යාපෘතිය යටතේ, ත්‍රීකුණාමලය මොරවැව උතුර සිංහල විද්‍යාලයේ, අනුරාධපුර දිස්ත්‍රීක්කයේ නාච්චදූව අ/ දිවුල්වැව විද්‍යාල භූමියේ සහ මන්නාරම දිස්ත්‍රීක්කයේ පේසාලේ ග්‍රාමයේ ස්ථාපනය කල ප්‍රතිආශ්‍රැති ජල පිරිපහදු මධ්‍යස්ථාන තුනක් (03) ජනතා අයිතියට පත්කිරීම 2025 ඔක්තෝබර් මස 14, 17 සහ 18 යන දිනවල සිදුකෙරිණි.

නැගෙනහිර නාවික විධාන රෝහල සහ ත්‍රිකුණාමලය සෞඛ්‍ය වෛද්‍ය නිලධාරී කාර්යාලය එක්ව, පියයුරු පිළිකා මූලික අවධියේදී හඳුනා ගැනීම හා වලක්වා ගැනීම සම්බන්ධයෙන් දැනුවත් කිරීමේ වැඩමුළුවක් 2025 ඔක්තෝබර් මස 14 වැනි දින ත්‍රිකුණාමලය නාවික තටාකාංගනයේ දී සාර්ථකව පැවැත්විණි.

නාවික හමුදා දියත් විධානයේ ධජ නිලධාරි ලෙස පත් කෙරුණූ කොමදෝරු ධනේෂ් පත්බේරිය එම ධුරයේ වැඩ භාරගැනීම 2025 ඔක්තෝබර් මස 14 දින ත්‍රීකුණාමලය නාවික තඨාකාංගණයේ, ධජ නිලධාරි නාවික දියත් විධාන කාර්යාලයේදී සිදුකෙරිණි.

‘ක්ලීන් ශ්‍රී ලංකා’ ජාතික වැඩසටහන යටතේ, පුත්තලම දිස්ත්‍රීක්කයේ තබ්බෝව අභයභූමිය ආශ්‍රීතව ‘අලි සුපෝෂණ කලාපයක්’ ස්ථාපනය කිරීම වෙනුවෙන්, එම වැව් පිටිය පිරිසිදු කිරීමේ ව්‍යාපෘතියක් 2025 ඔක්තෝබර් මස 10 සිට 12 දින දක්වා පැවැත්වුණු අතර, ඒ සඳහා, ආරක්‍ෂක අමාත්‍යාංශයේ මඟපෙන්වීම යටතේ ශ්‍රී ලංකා නාවික හමුදාවේ දායකත්වය ලබාදීම සිදුකෙරිණි.

නාවික හමුදා අන්තර් විධාන සරඹ තරඟාවලිය, 2025 ඔක්තෝබර් මස 10 සහ 11 දෙදින ශ්‍රී ලංකා නාවික නෞකා ‘ශික්‍ෂා’ ආයතනයේදී, බටහිර නාවික විධානයේ ආඥාපති රියර් අද්මිරාල් ජගත් කුමාර ගේ ප්‍රධානත්වයෙන් පැවැත්වූනු අතර, එහිදී දියත් විධානය 2025 අන්තර් විධාන සරඹ තරඟාවලියේ ප්‍රථම ස්ථානය දිනා ගැනීමට සමත් විය.