2025 දෙසැම්බර් මස 09 වැනි දිනට යෙදී තිබෙන ශ්‍රී ලංකා නාවික හමුදාවේ අභිමානවත් 75 වැනි සංවත්සරය නිමිත්තෙන් නාවික හමුදාවට ආශිර්වාද පතා සහ දිවයිනට බලපෑ අයහපත් කාලගුණික තත්වයෙන් පීඩාවට පත් ජනතාව වෙත සෙත් ප්‍රාර්ථනා කරමින්, සර්වරාත්‍රික පිරිත් සජ්ඣායනාවක් සහ දානමය පුණ්‍යකර්මයක්, නාවික හමුදාධිපති වයිස් අද්මිරාල් කාන්චන බානගොඩ ගේ ප්‍රධානත්වයෙන් සහ නාවික හමුදා සේවා වනිතා ඒකකයේ සභාපතිණී, අනූෂා බානගොඩ මැතිණියගේ සහභාගීත්වයෙන්, 2025 දෙසැම්බර් මස 06 සහ 07 දින වැලිසර නාවික සංකීර්ණයේදී පැවැත්විණි.