ශ්‍රී ලංකාවේ පාකිස්ථානු ඉස්ලාමීය ජනරජයේ නව මහ කොමසාරිස් මේජර් ජෙනරල් නයාර් නසීර් (විශ්‍රාමික) අද (2026 අප්‍රේල් 29) නාවික හමුදා මූලස්ථානයේදී නිල හමුවක් සඳහා නාවික හමුදාධිපති, වයිස් අද්මිරාල් කාන්චන බානගොඩ හමු විය.

ඉන්දියානු නාවික හමුදාවට අයත් ‘INS NIREEKSHAK’ නෞකාව පුහුණු වැඩසටහනක් සඳහා 2026 අප්‍රේල් මස 21 වැනි දින දිවයිනට පැමිණි අතර, පුහුණු වැඩසටහන අවසන් කරමින්, එම නෞකාව 2026 අප්‍රේල් මස 28 වැනි දින දිවයිනෙන් පිටත් විය. ‘INS NIREEKSHAK’ නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.