නාවික හමුදා සේවා වනිතා ඒකකය මගින් සිදුකරනු ලබන සමාජ සත්කාරක වැඩසටහන්හි තවත් එක් අංගයක් ලෙස, සේවා වානිතා ඒකකයේ ගරු සභාපතිනි, යමුනා විජේගුණරත්න මහත්මියගේ මග පෙන්විම යටතේ සේවා වානිතා ඒකකයේ සාමාජිකාවන් පිරිසක් පසුගිය 25 වන දින මුල්ලේරියාව මානසික රෝහලේ වාට්ටු අංක 07 හි නේවාසිකව ප්‍රථිකාර ලබන රෝගින්ගේ සුවදුක් විමසුම සදහා එක් වුහ. එහිදි එම වාට්ටුවේ ප්‍රථිකාර ලබමින් සිටින රෝගීන් 45 දෙනෙකු සහ එම කාර්ය මණ්ඩලය සඳහා දිවා ආහාරය පිරිනැමීමටද කටයුතු කරන ලදි. සේවා වානිතා ඒකකයේ සාමාජිකාවන්, නාවික හමුදා නිලධාරීන් සහ නාවිකයන් පිරිසක් ද එම අවස්ථාව සඳහා සහභාගී විය.