බෙල්ලන්විල රජමහා විහාරයේදී බෝධි පුජා පිංකමක්
නාවික හමුදා සේවා වනිතා ඒකකයේ ගරු සභාපතිනී, සන්ධ්‍යා රණසිංහ මහත්මියගේ උපදෙස් හා මඟපෙන්විම යටතේ සේවා වනිතා ඒකකය විසින් ආරම්භ කිරීමට නියමිත නව ව්‍යාපෘතීන් සදහා ආශීර්වාද ලබාගැනීමත් යුද්ධයේදී මියගිය රණවිරුවන් සිහිපත් කර පුණ්‍යානුමෝදනා කිරීම මෙන්ම ආබාධිත නාවික පුද්ගලයින් හට සෙත් ප්‍රාර්ථනා කිරීම අරමුණු කොට ගනිමින් බෙල්ලන්විල රජමහා විහාරයේදී විහාරාධිපති ස්වාමීන් වහන්සේගේ ප්‍රධානත්වයෙන් පසුගිය ජුලි මස 21 වන දින බෝධි පුජා පිංකමක් පවත්වන ලදී.
තවද, නාවික හමුදාධිපතිතුමන් ඇතුළු සියළුම නාවික හමුදා පුද්ගලයින් හට ආශීර්වාද පතමින් ආශිර්වාද පුජාවක් ද එහිදී සිදු කරන ලද අතර, මෙම පිංකම සඳහා සේවා වනිතා ඒකකයේ උප සභාපතිනි, අරුන්දති ජයන්ති මහත්මිය ඇතුළු ජ්‍යෙෂ්ඨ සාමාජිකාවන් සහ සේවා වනිතා ඒකකයට අනුයුක්ත ජ්‍යෙෂ්ඨ සහ කණිෂ්ඨ නිලධාරින් මෙන්ම නාවිකයින් විශාල පිරිසක් සහභාගී වී සිටියහ.
