නාවික හමුදා සේවා වනිතා ඒකකයේ ගරු සභාපතිනිය ආබාධිත නාවික රණවිරුවන්ගේ සුවදුක් විමසයි
ශ්‍රී ලංකා නාවික හමුදා සක්‍රීය සේවයෙහි යෙදී සිටියදී ආබාධිත තත්වයට පත් නාවික රණවිරුවන් වෙනුවෙන් නාවික හමුදා සේවා වනිතා ඒකකය මඟින් ඉදිකරන ලද ‘Anchorage Naval Care Center’ හි සිටින ආබාධිත රණවිරුවන්ගේ සුවදුක් විමසීම සඳහා නාවික හමුදා සේවා වනිතා ඒකකයේ ගරු සභාපතිනී, චන්දිමා උළුගේතැන්න මැතිනිය 2021 අප්‍රේල් මස 23 වන දින එහි සංචාරයක නිරත විය.
25 Apr 2021
නාවික හමුදා සුනඛ සංචිතය සඳහා හදිසි ප්‍රථිකාර ඒකකයක් ශ්‍රීලංනානෞ ගැමුණු ආයතනයේදී විවෘත කෙරේ
නාවික හමුදා සේවා වනිතා ඒකකයේ මූලිකත්වයෙන් ශ්‍රීලංනානෞ ගැමුණු ආයතන පරිශ්‍රයෙහි ඉදි කරන ලද ශ්‍රී ලංකා නාවික හමුදා සුනඛ සංචිතයේ සුනඛයින් සඳහා වන අභිනව හදිසි ප්‍රතිකාර ඒකකය (Emergency Treatment Unit) නාවික හමුදා සේවා වනිතා ඒකකයේ ගරු සභාපතිනී, චන්දිමා උළුගේතැන්න මැතිනියගේ සුරතින් 2021 අප්‍රේල් මස 23 වන දින විවෘත කරන ලදි.
25 Apr 2021
නාවික හමුදා සේවා වනිතා ඒකකය මගින් තවත් සමාජ සත්කාර්යක්.
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සංකල්පයකට අනුව ඉඳුරාම ත්‍රස්තවාදී ක්‍රියා හේතුවෙන් අබාධිත නාවිකයින් හට නිවසක් ලබාදීමේ ව්‍යාපෘතිය යටතේ බල නාවික පාබල (ආබාධිත) ඊජීඑස්ආර් මුණවීර එක්ස්පී 8976 යන නාවිකයා වෙනුවෙන් නිවසක් ඉදිකිරීම සඳහා මුල්ගල තැබීම නාවික හමුදා සේවා වනිතා ඒකකයේ ගරු සභාපතිනිගේ ප්‍රධානත්වයෙන් ප්‍රවීණ රූපලාවන්‍ය ශිල්පී ධනංජය බංඩාර මහතාගේ මව වන රත්නා වීජේසිංහ මැතිණියගේ සුරතින් 2021 අප්‍රේල් මස 12 වන දින උදම්විටදී සිදුකරන ලදී.
13 Apr 2021
වයඹ නාවික විධානයේ අභිනව සේවා වනිතා සුභසාධන ව්‍යාපෘති විවෘත කෙරේ
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සංකල්පයක් මත හා මඟපෙන්වීම යටතේ නාවික පුද්ගලයින්ගේ සුභසාධනය උදෙසා සේවා වනිතා ඒකකය මඟින් ශ්‍රීලංනානෞ භරණ ආයතනයේ ස්ථාපිත සුභසාධක වෙළඳසැළ නව මුහුණුවරකින් ආරම්භ කිරීම සහ ශ්‍රීලංනානෞ තම්බපණ්ණී ආයතන පරිශ්‍රයේ අභිනවයෙන් ඉදිකල සේවා වනිතා සුභසාධක වෙළඳසැල සහ අබාන්ස් ප්‍රදර්ශනාගාරය විවෘත කිරීම නාවික හමුදා සේවා වනිතා ඒකකයේ ගරු සභාපතිනියගේ සුරතින් 2021 අප්‍රේල් මස 08 වන දින සිදු කෙරිණි.
11 Apr 2021
නාවික හමුදා සේවා වනිතා බතික් හා මල් සැකසුම් ඒකකයේ අභිනව ගොඩනැගිල්ල විවෘත කෙරේ
ශ්‍රී ලංකා නාවික හමුදා සේවා වනිතා ඒකකයේ ගරු සභාපතිනි, චන්දිමා උළුගේතැන්න මැතිනියගේ සංකල්පයකට අනුව සේවා වනිතා ඒකකය යටතේ ක්‍රියාත්මක වන සේවා වනිතා බතික් හා මල් සැකසුම් ඒකක මගින් ලබා දෙන සේවාවන් වඩාත් පුළුල් කිරීමේ අරමුණින් ශ්‍රී ලංනානෞ ගැමුණු ආයතනයේ සේවා වනිතා බතික් හා මල් සැකසුම් ඒකකය වෙනුවෙන් ඉදි කළ අභිනව ගොඩනැගිල්ල සේවා වනිතා ඒකකයේ ගරු සභාපතිනියගේ සුරතින් නාවික හමුදාධිපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් 2021 අප්‍රේල් 01 දින වැලිසර ශ්‍රී ලංනානෞ ගැමුණු ආයතන පරිශ්‍රයේදී විවෘත කෙරිණි.
02 Apr 2021