සේවා වනිතා ඒකකය මඟින් නැගෙනහිර නාවික විධානයේ ‘ලේ දන්දීමේ පිංකමක්’
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ මඟ පෙන්වීම යටතේ නාවික හමුදා සේවා වනිතා ඒකකය මඟින් සියලුම නාවික විධානයන් ආවරණය වන පරිදි 2021 මැයි 24 වන දින සංවිධානය කරන ලද ලේ දන්දීමේ වැඩසටහනට සමගාමීව නැගෙනහිර නාවික විධානයෙහි පවත් වන ලද ලේ දන්දිමේ වැඩසටහන නියෝජ්‍ය මාණ්ඩලික ප්‍රධානි සහ නැගෙනහිර නාවික විධානයේ ආඥාපති රියර් අද්මිරාල් වයිඑන් ජයරත්න ගේ සහභාගීත්වයෙන් ශ්‍රීලංනානෞ ‘තිස්ස’ ආයතනයේ සේවා වනිතා පෙර පාසල් පරිශ්‍රයේ දි අද (2021 මැයි 30) පැවැත්වීමට කටයුතු කෙරිණි.
30 May 2021
නාවික හමුදා සේවා වනිතා ඒකකය මඟින් මහරගම අපේක්‍ෂා රෝහල වෙත පරිත්‍යාගයක්
නාවික හමුදා සේවා වනිතා ඒකකය මගින් මහරගම අපේක්‍ෂා රෝහලේ ප්‍රතිකාර ලබන ළමුන්ගේ සහ අනෙකුත් රෝගින්ගේ ප්‍රයෝජනය සඳහා සනීපාරක්‍ෂක භාණ්ඩ, විදුලි උපකරණ සහ Medical Oxygen Cylinder පරිත්‍යාග කිරීම සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ ප්‍රධානත්වයෙන් අපේක්‍ෂා රෝහල් පරිශ්‍රයේදී අද (2021 මැයි 25) දින සිදු කෙරිණි.
25 May 2021
නාවික හමුදා සේවා වනිතා ඒකකය මඟින් ජිනානන්ද ළමා සංවර්ධන මධ්‍යස්ථානය වෙත වියලි සළාක පරිත්‍යාගයක්
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ උපදෙස් හා මගපෙන්විම යටතේ නාවික හමුදා සේවා වනිතා ඒකකය විසින් ශ්‍රී සුගත විහාරස්ථානයේ පිහිටි ශ්‍රී ජිනානන්ද ළමා සංවර්ධන මධ්‍යස්ථානයේ වෙසෙන ස්වාමින් වහන්සේලා සහ එහි රැකවරණය ලබන දරුවන් වෙනුවෙන් වියලි ද්‍රව්‍යමය ආහාර සළාකයන් ලබාදීම අද (2021 මැයි 25) ශ්‍රී සුගත විහාරස්ථාන පරිශ්‍රෙය් සිදුකරන ලදි.
25 May 2021
නාවික හමුදා සේවා වනිතා ඒකකය මඟින් මෙතෙක් සිදුකළ විශාලතම ලේ දන්දීමේ වැඩසටහන සියළුම නාවික විධාන අවරණය වන පරිදි පවත්වයි
පවතින වසංගත තත්ත්වය හමුවේ පරිත්‍යාගශීලීන් හට ලේ පරිත්‍යාග කිරීමේ දුෂ්කරතා මතුවන හෙයින් රටපුරා රෝහල්හි ඇති ලේ බැංකු සහ ජාතික ලේ බැංකුවෙහි පවතින රුධිර සංචිත ප්‍රමාණයන් සීඝ්‍ර ලෙස පහත වැටී ඇත. මේ හේතුවෙන් ලේ බැංකුවෙන් සහ අපේක්‍ෂා රෝහල ඇතුළු බොහෝ රෝහල් වෙතින් ලේ පරිත්‍යාග කරන ලෙස විවෘත මෙන්ම සෘජු ඉල්ලීම්ද නොකඩවා ලැබිණි.
24 May 2021
වැලිසර නාවික මහ රෝහලේ නව ළමා වාට්ටුව විවෘත කෙරේ
නාවික පුද්ගලයින්ගේ දුදරුවන්ගේ වෛද්‍ය පහසුකම් නංවාලනුවස් වැලිසර නාවික මහ රෝහලෙහි අලුතින් ඉදිකරන ලද ළමා වාට්ටුව නාවික හමුදාධිපති වයිස් අද්මිරාල් නිශාන්ත උළුගේතැන්නගේ සහභාගීත්වයෙන් සහ නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සුරතින් අද (2021 මැයි 14) දින එම රෝහල් පරිශ්‍රයේදී විවෘත කිරීමට කටයුතු කෙරිණි
14 May 2021
නාවික හමුදා සේවා වනිතා ඒකකය මගින් තවත් සමාජ සත්කාර්යක්
ශ්‍රී ලංකා නාවික හමුදා සේවා වනිතා ඒකකයේ ගරු සභාපතිතුමියගේ සංකල්පයකට අනුව සේවා වනිතා ඒකකයේ තවත් එක් සමාජ සත්කාරක සේවාවක් වශයෙන් සේවයේ නියුතු සප්‍රසුනි ජේබීඑස් සංජීව ඊඩී 33240 දරණ ජ්‍යේෂ්ඨ නාවිකයාගේ පියාගේ රෝගී තත්වය හේතුවෙන් එම ජ්‍යේෂ්ඨ නාවිකයා විසින් කරන ලද ඉල්ලීමකට අනුව රෝද පුටුවක් පරිත්‍යාග කිරීම මෙන්ම, ශ්‍රීලංනානෞ නිපුණ ආයතනයේ සේවයේ යෙදී සිටියදී හදිසියේ මියගිය සුළු නිලධාරී පීවයිඑස් සුමනසිරි එස්ඩබ් 30189 ජ්‍යේෂ්ඨ නාවිකයාගේ බිරිඳ විසින් තම දරුවන් තිදෙනාගේ ඉදිරි අධ්‍යාපන කටයුතු සාර්ථක කර ගැනීම වෙනුවෙන් කරන ලද ඉල්ලීමකට අනුව ලැප්ටොප් පරිගණක යන්ත්‍රයක් ප්‍රධානය කිරීම සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සුරතින් ප්‍රදීපාගාර අවන්හලේදී අද (2021 මැයි මස 12) දින සිදුකරන ලදී.
12 May 2021
මුල්ලේරියාව නැගෙනහිර කොළඹ මූලික රෝහලට නාවික හමුදා සේවා වනිතා ඒකකයෙන් පරිත්‍යාගයක්
ශ්‍රී ලංකා නාවික හමුදා සේවා වනිතා ඒකකයේ ගරු සභාපතිතුමියගේ සංකල්පයකට අනුව සේවා වනිතා ඒකකයේ අරමුදලින් මුල්ලේරියාව නැගෙනහිර කොළඹ මූලික රෝහලෙහි විශේෂ මාතෘ ඒකකයෙහි කොවිඩ්-19 ආසාදිතව ප්‍රතිකාර ලබන මව්වරුන්ගේ ප්‍රයෝජනය සඳහා HDU/ICU (High Dependency Unit / Intensive Care Unit) වර්ගයේ ඇඳන් 03 ක් නැගෙනහිර කොළඹ මූලික රෝහලෙහි අධ්‍යක්‍ෂ වෛද්‍ය ප්‍රියන්ත කරුණාරත්න මහතා වෙත පරිත්‍යාග කිරීම, සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සුරතින් අද (2021 මැයි 12) දින නාවික හමුදා මූලස්ථානයේ පිහිටි ප්‍රදීපාගාර අවන්හලේදී සිදුකරන ලදී.
12 May 2021