இந்திய மற்றும் இலங்கை கடற்படைகளின் கூட்டு இசை நிகழ்ச்சி காலி முகத்திடலில்

இந்திய கடற்படையின் முதலாவது பயிற்சிப் படைப்பிரிவைச் சேர்ந்த கப்பல்கள் இலங்கைக்கு மேற்கொள்ளும் விஜயத்துடன் இணைந்ததாக, இந்திய மற்றும் இலங்கை கடற்படைகளின் இசைக்குழுக்கள் இணைந்து நடத்திய கூட்டு இசை நிகழ்ச்சி இன்று (2026 ஒக்டோபர் 27) கொழும்பு காலி முகத்திடலில் கோலாகலமாக நடைபெற்றது.

இதன் மூலம், இரு நாடுகளுக்கும் இடையிலான கடல்சார் ஒத்துழைப்பு மற்றும் பரஸ்பர புரிந்துணர்வை மேலும் வலுப்படுத்தும் வகையில் நடைபெற்ற இந்நிகழ்வில், மேற்கு கடற்படை கட்டளையின் தளபதி ரியர் அட்மிரல் ஹர்ஷ த சில்வா மற்றும் இலங்கைக்கான இந்திய உயர்ஸ்தானிகராலயத்தின் பிரதிநிதிகள் குழுவினரும் கலந்துகொண்டனர்.

மேலும், இந்தக் கண்கவர் நிகழ்வைக் கண்டுகளிப்பதற்குப் பொதுமக்களுக்கும் வாய்ப்பு வழங்கப்பட்டது.