இலங்கை தன்னார்வ கடற்படையின் வருடாந்த பயிற்சி முகாம் 2026 ஆரம்பமானது

இலங்கை தன்னார்வ கடற்படையின் 2026 ஆம் ஆண்டிற்கான வருடாந்த பயிற்சி முகாமின் தொடக்க விழா, தன்னார்வ கடற்படையின் கட்டளை அதிகாரி கெப்டன் அனுர கருணாரத்ன அவர்களின் அழைப்பின் பேரில், தன்னார்வ கடற்படையின் தளபதி கொமடோர் அருண விஜேவர்தன அவர்களின் தலைமையில், வெலிசறை தன்னார்வ கடற்படைத் தலைமையகத்தில் இன்று (2026 ஆகஸ்ட் 31) நடைபெற்றது.

தன்னார்வ கடற்படையைச் சேர்ந்த அதிகாரிகள் மற்றும் கடற்படை வீரர்களின் தொழில்முறை திறன்கள் மற்றும் அறிவை மேம்படுத்துவதற்காக ஆண்டுதோறும் நடத்தப்படும் இந்தப் பயிற்சி முகாமில் இம்முறை (2026) 39 அதிகாரிகள் மற்றும் சிரேஷ்ட மற்றும் கனிஷ்ட கடற்படை வீரர்கள் 449 பேர் உட்பட தன்னார்வ கடற்படையைச் சேர்ந்த 488 பேர் பங்கேற்கின்றனர்.

மேலும், 2026 ஆகஸ்ட் 31 ஆம் திகதி ஆரம்பமான இந்த வருடாந்த பயிற்சி முகாம் 2026 செப்டம்பர் 17 ஆம் திகதி வரை நடைபெறவுள்ளதுடன், அன்றைய தினம் கடற்படை தளபதியினால் மேற்கொள்ளப்படும் தன்னார்வ கடற்படையின் பிரிவுக் ஆய்வு மற்றும் அதனைத் தொடர்ந்து நடைபெறும் அணிவகுப்பு மரியாதையின் பின்னர் இந்த வருடாந்த பயிற்சி முகாம் நிறைவடையவுள்ளது.

மேலும், இந்நிகழ்வில் இலங்கை கடற்படை கப்பலான 'லங்கா' நிறுவனத்தின் கட்டளை அதிகாரி கொமாண்டர் திலன்க சந்திரசேன உட்பட தன்னார்வ கடற்படை தலைமையகம் மற்றும் இலங்கை கடற்படை கப்பலான 'லங்கா' நிறுவனத்தைச் சேர்ந்த சிரேஷ்ட மற்றும் கனிஷ்ட அதிகாரிகள், வருடாந்த பயிற்சி முகாமில் கலந்துகொள்ளும் அதிகாரிகள் மற்றும் சிரேஷ்ட, கனிஷ்ட கடற்படை வீரர்கள் பலர் கலந்துகொண்டனர்.