එක්සත් ජනපද නාවික හමුදාවට අයත් ‘USS TULSA’ යුද නෞකාව සැපයුම් හා සේවා අවශ්‍යතා සපුරා ගැනීම සඳහා කොළඹ වරායට පැමිණෙයි
ඇමෙරිකා එක්සත් ජනපද නාවික හමුදාවට අයත් ‘USS TULSA (LCS 16)’ යුද නෞකාව සැපයුම් හා සේවා අවශ්‍යතා සපුරා ගැනීම සඳහා 2025 අගෝස්තු මස 27 වැනි දින කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම සිදුකෙරිණි.
මෙලෙස කොළඹ වරායට පැමිණි Littoral Combat වර්ගයට අයත් ‘USS TULSA (LCS 16)’ නෞකාව, දිගින් මීටර් 127.6 ක් වන අතර, එහි අණදෙන නිලධාරී ලෙස කොමාණ්ඩර් K. A. Moyer කටයුතු කරනු ලබයි. මෙම නෞකාවේ, කුඩා ප්‍රහාරක හෙලිකොප්ටර් යානා මෙන්ම, ප්‍රහාරක බලකා සහ සන්නද්ධ රථ ප්‍රවාහනය කිරීමටද හැකියාව ඇත.
