රජයේ ප්‍රතිපත්තිය ප්‍රකාරව සෑම පුරවැසියෙකුටම ‘ගෞරවණීය ජීවිතයක් - සුරක්‍ෂිත රටක්’ තහවුරු කිරීම සඳහා ක්‍රියාත්මක නියමු ව්‍යාපෘතියක් වන ‘රටම එකට’ ජාතික වැඩසටහනට පූර්ණ ශක්තියක් වෙමින්, මෙරට වෙළාගෙන ඇති විෂ මත්ද්‍රව්‍ය ව්‍යසනය සමාජයෙන් මුලිනුපුටා දැමීම උදෙසා ශ්‍රී ලංකා නාවික හමුදාව අතිමහත් කැපවීමකින් යුතුව සිය සක්‍රීය දායකත්වය ලබා දෙමින් සිටියි. විශේෂයෙන්ම, ජාතියේ මතු පරපුර මෙම මාරාන්තික උවදුරින් ආරක්‍ෂා කරගැනීමේ උදාර අරමුණ පෙරදැරිව, නාවික හමුදාව සියලු සම්පත් හා ශ්‍රම දායකත්වය මැනවින් කළමනාකරණය කරමින් ඉතා කාර්යක්‍ෂම සහ පුළුල් මෙහෙයුම් ජාලයක් දිවයින වටා ඇති සාගර කලාපය මෙන්ම ගොඩබිම් ප්‍රදේශ ද ආවරණය වන පරිදි අඛණ්ඩව ක්‍රියාත්මක කරනු ලබයි.

ඉන්දීය නාවික හමුදාවට අයත් ‘INS NIREEKSHAK’ යුද නෞකාව ‘මිශ්‍ර වායු කිමිදුම් පුහුණු’ (Mixed Gas Diving Training) වැඩසටහනක් පැවැත්වීම සදහා අද (2026 අප්‍රේල් 21) උදෑසන කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම සිදුකෙරිණි.

ශ්‍රී ලංකා නාවික හමුදාව, වෙරළාරක්‍ෂක දෙපාර්තමේන්තුව සමඟ එක්ව, ආරක්‍ෂිත හා කාර්යක්‍ෂම මුහුදු මඟී ප්‍රවාහන සේවයක් සැපයීමේ අරමුණින් මඟී ප්‍රවාහන යාත්‍රා හිමිකරුවන් සහ ක්‍රියාකරුවන් දැනුවත් කිරීමේ වැඩමුළුවක් 2026 අප්‍රේල් මස 17 වැනි දින යාපනයේ කුරිකඩ්ඩුවාන් ජැටියේදී සාර්ථකව පැවැත්වීය.

2026 අප්‍රේල් මස 15 වැනි දින සුහද සංචාරයක් සඳහා දිවයිනට පැමිණි ඉන්දුනීසියානු නාවික හමුදාවට අයත් ‘KRI BIMA SUCI - 945’ රුවල් නෞකාව සුහද සංචාරය සාර්ථකව අවසන් කරමින් 2026 අප්‍රේල් මස 18 වැනි දින දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම, කොළඹ වරායේදී සිදු කෙරිණි.

සුහද සංචාරයක් සඳහා දිවයිනට පැමිණි ඉන්දුනීසියානු නාවික හමුදාවට අයත් ‘KRI BIMA SUCI - 945’ රුවල් නෞකාවේ නැව් මුළුව සහ ශ්‍රි ලංකා නාවික හමුදා සහභාගීත්වයෙන් උත්කර්ෂවත් සංස්කෘතික සංදර්ශණයක් හා නගර පෙළපාලියක් ගාලු මුවදොරදී 2026 අප්‍රේල් මස 16 වැනි දින පැවැත්විණි.

එක්සත් ජනපද බලශක්ති දෙපාර්තමේන්තුවේ ජාතික න්‍යෂ්ටික ආරක්‍ෂක පරිපාලන කාර්යාලයෙහී නියෝජිතයින් පිරිසක් ශ්‍රී ලංකා නාවික හමුදා රසායනික, ජීව විද්‍යාත්මක, විකිරණශීලි හා න්‍යෂ්ටික උපද්‍රව සඳහා ප්‍රතිචාර දැක්වීමේ (CBRN) ඒකකයන් ඇතුළුව විශේෂ යාත්‍රා බලඝන මූලස්ථනයේ නිරීක්‍ෂණ චාරිකාවක නිරත විය. 2026 මාර්තු මස 27 සිට 30 වන දින දක්වා පැවති මෙම වැඩසටහන අතරතුරදී ඔවුන් විසින් පරිත්‍යාග කරන ලද න්‍යෂ්ටික ජාවාරම් හඳුනාගැනීමේ සහ වැළැක්වීමේ උපකරණයන්හී ක්‍රියාකාරිත්වය සම්බන්ධවද නිරීක්‍ෂණය කෙරිණි.

ශ්‍රී ලංකා නාවික හමුදාව විසින් ධිවර ප්‍රජාවගේ සහභාගීත්වයෙන් මුහුදේදී ජීවිත ආරක්ෂාව තහවුරු කිරීම සඳහා අත්‍යවශ්‍ය ජීවිතාරක්‍ෂක හා මූලික ප්‍රථමාධාර පිළිබඳ දැනුවත් කිරීමේ වැඩමුළුවක් 2026 අප්‍රේල් 09 දින යාපනය මයිලඩි ධීවර වරායේදී වෙරළාරක්‍ෂක දෙපාර්තමේන්තුව සහ ධීවර හා ජලජ සම්පත් දෙපාර්තමේන්තුව සමඟ එක්ව සාර්ථකව පැවැත්වීය.

ශ්‍රී ලංකා නාවික හමුදා සංගමය මඟින්, නාවික මහ රෝහල කොළඹහී නේවාසිකව ප්‍රතිකාර ලබන රෝගීන්ගේ භාවිතය සඳහා අත්‍යවශ්‍ය ඇදුම් කට්ටල, ඇඳ ඇතිරිලි සහ කොට්ට උර තොගයක් 2026 අප්‍රේල් මස 07 වැනි දින, එම රෝහල් පරිශ්‍රයේදී පරිත්‍යාග කිරීම සිදු කෙරිණි.

ASEAN Plus Cadet Sail (APCS) – 2026 වැඩසටහන යටතේ ඉන්දුනීසියානු නාවික හමුදාවේ ශිෂ්‍යභට නිලධාරීන් ඇතුළුව විදේශීය රටවල් විසිහයක (26) ශිෂ්‍යභට නිලධාරීන් සමඟ ඉන්දුනීසියානු නාවික හමුදාවට අයත් ‘KRI BIMA SUCI - 945’ නෞකාව සුහද සංචාරයක් සඳහා අද (2026 අප්‍රේල් 15) දිවයිනට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම කොළඹ වරායේදී සිදුකෙරිණි.

පාකිස්ථානු නාවික හමුදාවට අයත් ‘PNS TAIMUR’ සහ ‘PNS ASLAT’ යුද නෞකාවන් සුහද සංචාරයක් සඳහා 2026 අප්‍රේල් මස 12 වැනි දින දිවයිනට පැමිණි අතර, සුහද සංචාරය අවසන් කරමින්, එම නෞකාවන් 2026 අප්‍රේල් මස 13 වැනි දින දිවයිනෙන් පිටත් විය. ‘PNS TAIMUR’ සහ ‘PNS ASLAT’නෞකාවන් වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.