கடற்படையின் சமூகப் பணித் திட்டத்தின் கீழ், யாழ்ப்பாணப் பல்கலைக்கழகத்தைச் சேர்ந்த கிளிநொச்சியில் உள்ள பொறியியல், தொழில்நுட்பம் மற்றும் விவசாய பீடங்களில் பயிலும் மாணவர்களின் விடுதி வளாகத்தில் நிறுவப்பட்ட இரண்டு (02) மீள் நீர் சுத்திகரிப்பு நிலையங்கள் 2026 மே 11 அன்று திறந்து வைக்கப்பட்டன.

‘தித்வா’ புயலின் போது தேசியப் பேரிடர் மேலாண்மை, மனிதாபிமான உதவி மற்றும் பேரிடர் நிவாரணப் பணிகளில் பங்கேற்ற கடற்படை வீரர்களின் அர்ப்பணிப்பைப் பாராட்டும் விழா, கடற்படைத் தளபதி, வைஸ் அட்மிரல் கான்சன பானகொடவின் தலைமையில், 2026 மே 08 அன்று கடற்படைத் தலைமையக வளாகத்தில் நடைபெற்றது.

இலங்கையின் தென்கடற்கரைக்கு அப்பால் ஆழ்கடலில் விபத்துக்குள்ளான உள்ளூர் பலநாள் மீன்பிடிப் படகில் இருந்த மீனவர் ஒருவர், கொழும்பு கடல் தேடல் மற்றும் மீட்பு ஒருங்கிணைப்பு மையத்தின் ஒருங்கிணைப்பின் கீழ் ஒரு கடற்படைப் படகு மூலம் அவசரமாகக் கரைக்குக் கொண்டுவரப்பட்டு, சிகிச்சைக்காகக் கடற்படையால் 2026 மே 08 அனுப்பப்பட்டார்.

இலங்கை கடற்படை அதிகாரிகளின் தகவல் தொடர்புத் திறன்களை ஒரு புதிய நிலைக்கு உயர்த்துவதை நோக்கமாகக் கொண்டு, வெளி வள நபர்களின் பங்கேற்புடன் ஏற்பாடு செய்யப்பட்ட ஒரு சிறப்புப் பயிற்சிப் பாடநெறி, தெற்கு கடற்படை கட்டளையகத்தின் தளபதி, ரியர் அட்மிரல் தம்மிக விஜேவர்தன அவர்களின் அனுசரணையில் 2026 மே 02 அன்று ஒரு சிறப்புப் பயிற்சிப் பட்டறை வெற்றிகரமாக நடைபெற்றது.

2026 மே 05 ஆம் திகதி புத்தளத்தின் பெரியபாடு பகுதியில் இலங்கை கடற்படை நடத்திய ஒரு சிறப்பு தேடுதல் நடவடிக்கையின் போது, சட்டவிரோதமாக நாட்டிற்குள் கொண்டுவரப்பட்டு அங்கிருந்து கொண்டுச் செல்வதற்காக தயார் செய்யப்பட்டிருந்த சுமார் அறுநூற்று பதினெட்டு (618) கிலோகிராம் பீடி இலைகளை ஏற்றிச் சென்ற ஒரு (01) கெப் வண்டியுடன் இரண்டு (02) சந்தேக நபர்களையும் கடற்படையினர் கைப்பற்றினர்.

இந்திய கடற்படையின் ‘INS SINDHUKESARI’ நீர்மூழ்கிக் கப்பல், செயல்பாட்டுத் தேவைகளை நிறைவேற்றுவதற்காக 2026 மே 04 ஆம் திகதி தீவிற்கு வந்தடைந்ததுடன். அக்கப்பல் இன்று (2026 மே 06 ஆம் திகதி) தீவிலிருந்து புறப்பட்டுச் சென்றது. இலங்கை கடற்படையினர், கடற்படை மரபுகளின்படி கொழும்பு துறைமுகத்தில் ‘INS SINDHUKESARI’ நீர்மூழ்கிக் கப்பலுக்கு பிரியாவிடை அளித்தனர்.

சமச்சீரற்ற போர்முறைப் பயிற்சி-2026 (ASYMMETRIC WARFARE COURSE-2026) 2026 மே 4 ஆம் திகதி திருகோணமலையில் உள்ள சிறப்புப் படகுப் படைப்பிரிவுத் தலைமையகத்தில் ஆரம்பமானது. சிறப்புப் படகுப் படைப்பிரிவுத் தலைமையகத்தின் கட்டளை அதிகாரியான கமாண்டர் லக்மல் வீரக்கொடி அவர்களின் பங்கேற்புடன் நடைபெற்றது.

இலங்கை கடற்படைக் கப்பல் எலரவின் செயல்பாட்டு மற்றும் தகவல் தொடர்புப் பணிகளுக்கு வசதியளிக்கும் வகையில், செயல்பாட்டு அறை, பிரதான சமிக்ஞை அலுவலகம், தொலைபேசி மற்றும் தரவுப் பரிமாற்ற மையம் ஆகியவற்றை உள்ளடக்கி கட்டப்பட்ட புதிய கட்டிடம், 2026 மே 02 அன்று கடற்படைத் தளபதி, வைஸ் அட்மிரல் கான்சன பானகொட தலைமையில், வடக்கு கடற்படைக் கட்டளைத் தளபதி ரியர் அட்மிரல் புத்திக லியனகமகேவின் பங்கேற்புடன், 2026 மே 02 அன்று திறந்து வைக்கப்பட்டது.

கடற்படைத் தளபதி, வைஸ் அட்மிரல் கான்சன பானகொட, 2026 மே 01 முதல் 03 வரை வடக்கு கடற்படைக் கட்டளையகத்திற்கு உத்தியோகபூர்வ விஜயம் மேற்கொண்டிருந்தார். அங்கு அவர், கட்டளையகத்தின் செயல்பாட்டு, நிர்வாக, அபிவிருத்தி மற்றும் நலத்திட்டங்களைப் பார்வையிட்டதோடு, கடற்படையின் செயல்பாட்டு நோக்கங்கள் குறித்து கட்டளையகத்தின் அதிகாரிகள் மற்றும் கடற்படையினருக்கு விளக்கமளித்தார்.

இந்திய கடற்படையின் ஒரு நீர்மூழ்கி ஆதரவுக் கப்பலான ‘INS NIREEKSHAK’ 2026 ஏப்ரல் 21 அன்று தீவிற்கு வந்தடைந்தது, மேலும் இலங்கை கடற்படை சுழியோடிகளும் கப்பலைச் சேர்ந்த மாலுமிகளும், 2026 ஏப்ரல் 21 முதல் 28 வரை கொழும்பு கடற்பகுதியில் சுழியோடி பயிற்சியை வெற்றிகரமாக நடத்தினர்.