க்ளீன் ஶ்ரீ லங்கா தேசிய திட்டத்தின் கீழ், 'யானைகளுக்கு கலா வாவியை திருப்பித் கொடுப்போம்' என்ற தொனிப்பொருளில் கலகம மற்றும் பலலுவெவ பகுதிகளில் 2025 செப்டம்பர் 05 முதல் 07 வரை மேற்கொள்ளப்பட்ட கலா வாவியை சுத்தம் செய்யும் திட்டத்திற்கு கடற்படையின் சமூக பங்களிப்பு வழங்கப்பட்டது. கலா வாவியில் இருந்து ஆகாயத்தாமரை உள்ளிட்ட ஆக்கிரமிப்பு தாவரங்களை அகற்றி காட்டு யானைகளின் உணவுத் தேவைகளுக்காக புல் வளர ஏற்ற சூழலை உருவாக்க, பாதுகாப்பு அமைச்சின் வழிகாட்டுதலின் கீழ், கடற்படையானது தனது பங்களிப்பை வழங்கியது.

வடக்கு மாகாணத்தில் மீன்வளம் தொடர்பான பிரச்சினைகள் குறித்து விவாதிக்கும் நிகழ்ச்சி, இலங்கை கடலோர காவல்படைத் துறை மற்றும் வடக்கு மாகாண மீனவர் சங்கத்தின் பிரதிநிதிகளின் பங்கேற்புடன், வடக்கு கடற்படை கட்டளைத் தளபதி ரியர் அட்மிரல் புத்திக லியனகமகே தலைமையில், கட்டளைத் தலைமையகத்தில் 2025 செப்டம்பர் 09 ஆம் திகதி அன்று நடைபெற்றது.

பிராந்திய பாதுகாப்பு ஒத்துழைப்பில் மற்றொரு மைல்கல்லைக் குறிக்கும் வகையில், இலங்கை விமானப்படை; அமெரிக்க பசிபிக் படை, ராயல் ஆஸ்திரேலிய விமானப்படை, ஜப்பான் தற்காப்பு விமானப்படை, மாலத்தீவு தேசிய காவல்படை, பங்களாதேஷ் விமானப்படை மற்றும் இந்திய விமானப்படை ஆகியவற்றுடன் கூட்டுப் பயிற்சிகளை மேற்கொண்டு வருகிறது. Pacific Angel - 2025 உடன் இணைந்து, இலங்கை கடற்படை 2025 செப்டம்பர் 09, அன்று மாரவில கடல் பகுதியில் நடைபெற்ற தேடல் மற்றும் மீட்பு திறந்த நீர் நடவடிக்கையில் (Search and Rescue Open Water Operation) பங்கேற்றது.