‘Maritime Outlook of the Indian Ocean under Changing Dynamics’ என்ற கருப்பொருளின் கீழ் இலங்கை கடற்படை 12வது முறையாக ஏற்பாடு செய்துள்ள காலி உரையாடல் சர்வதேச கடல்சார் மாநாடு, 2025 செப்டம்பர் 24 மற்றும் 25 ஆகிய திகதிகளில் வெலிசரவில் உள்ள ‘Wave n’ Lake’ கடற்படை உற்சவ மண்டபத்தில் நடைபெற உள்ளது. இது தொடர்பான ஊடக சந்திப்பு இன்று (2025 செப்டம்பர் 15) கடற்படைத் தலைமையகத்தில் கடற்படையின் பிரதிப் பிரதானி ரியர் அட்மிரல் டேமியன் பெர்னாண்டோவின் தலைமையில் நடைபெற்றது.

கடற்படையின் 4வது துரித தாக்குதல் படகு படையில் இணைந்து, சேவையின் போது அங்கவீனமுற்ற வீர கடற்படை வீரர்களை கௌரவிக்கும் விழா, திருகோணமலை கடற்படை கப்பல்துறையில் உள்ள 4வது துரித தாக்குதல் படகு தலைமையகத்தில் அமைந்துள்ள போர்வீரர்கள் நினைவுத் தூபிக்கருகில், கடற்படைத் தளபதி வைஸ் அட்மிரல் கான்சன பானகொட அவர்களின் தலைமையில், 2025 செப்டம்பர் 13, அன்று நடைபெற்றது.