2025 டிசம்பர் 9 ஆம் திகதி கொண்டாடப்படும் இலங்கை கடற்படையின் 75 வது ஆண்டு நிறைவை நினைவுகூரும் வகையில், அக்டோபர் 5 முதல் டிசம்பர் 26 வரை சிறப்பு நிகழ்ச்சித் தொடரை கடற்படை ஏற்பாடு செய்துள்ளது. இந்தத் தொடரின் தொடக்கமாக, முப்படை மருத்துவ முன்னாள் மாணவர் சங்கத்தின் தலைமையில், கடற்படை மருத்துவ மற்றும் பல் மருத்துவத் துறைகளுடன் இணைந்து ஏற்பாடு செய்யப்பட்ட சிறப்பு நடமாடும் மருத்துவ மற்றும் பல் மருத்துவ சிகிச்சை இன்று (2025 அக்டோபர் 5) மன்னார் பேசாலையில் வெற்றிகரமாக நடைபெற்றது.

விநியோக மற்றும் சேவைத் தேவைகளைப் பூர்த்தி செய்வதற்காக தீவை வந்தடைந்த அமெரிக்க கடற்படைக் கப்பலான 'USS FITZGERALD' (DDG 62), 2025 அக்டோபர் 04 தீவிலிருந்து புறப்பட்டது, மேலும் இலங்கை கடற்படை கொழும்பு துறைமுகத்தில் கடற்படை மரபுகளுக்கு இணங்க கப்பலுக்கு பிரியாவிடை அளித்தனர்.