2025 பெப்ரவரி 18 ஆம் திகதி முதல் 23 ஆம் திகதி வரை இலங்கைக்கு ஆய்வு விஜயத்தை மேற்கொண்டுள்ள பாகிஸ்தான் கடற் கூட்டமைப்பு ‍கல்லூரியின் 54 ஆவது பணியாளர் பாடநெறியை பயிலும் 18 மாணவர் அதிகாரிகள் மற்றும் மூன்று (02) கல்வி ஊழியர்களைக் கொண்ட கொமடோர் Ahsen Ali Khan தலைமையிலான அதிகாரிகள் குழு இன்று (2025 பெப்ரவரி 19) கடற்படைத் தலைமையகத்திற்கு விஜயம் செய்ததுடன், அங்கு கொமடோர் Ahsen Ali Khan மற்றும் சிரேஷ்ட அதிகாரிகள் கடற்படை தளபதியை சந்தித்தனர்.

இலங்கைக்கான அமெரிக்க தூதுவராக பணிபுரியும் திருமதி ஜூலி (Julie Chung) இன்று (2025 பெப்ரவரி 19) கடற்படைத் தலைமையகத்தில் உத்தியோகபூர்வ சந்திப்பிற்காக கடற்படைத் தளபதி வைஸ் அட்மிரல் கான்சன பானகொடவைச் சந்தித்தார்.

சர்வதேச இராணுவ விளையாட்டு சபை தினக் (Council International Military Sports-CISM) தலைவர் லெப்டினன்ட் ஜெனரல் லசந்த ரொட்ரிகோ தலைமையில், கடற்படைத் தளபதி வைஸ் அட்மிரல் காஞ்சன பனாகொட மற்றும் விமானப்படைத் தளபதி எயார் மார்ஷல் பந்துவின் பங்குபற்றுதலுடன் சர்வதேச இராணுவ விளையாட்டு சபை தின கொண்டாட்ட வீதி ஓட்டம் - (2025 பெப்ரவரி 18) ஸ்ரீ ஜயவர்தனபுர கோட்டை பாராளுமன்ற மைதானத்தில் இருந்து அக்குரேகொட முப்படைத் தலைமையகம் வரை நடைபெற்றது.

இலங்கையின் நீர்வரைவியல் திறன்களை அபிவிருத்தி செய்வதற்காக, அவுஸ்திரேலிய அரசாங்கத்தினால், நவீன ஆழமற்ற நீர் ஆய்வுப் பணிகளுக்குப் பயன்படுத்தப்படும் Shallow Water Multi-Beam Echo Sounder இயந்திரத்தை இலங்கை கடற்படை நீர்வரைவியல் சேவைக்கு உத்தியோகபூர்வமாக கையளிக்கும் நிகழ்வானது, இன்று (2025 பெப்ரவரி 18) கொழும்பு துறைமுகத்தில் உள்ள இலங்கை கடற்படை கப்பல் ரங்கல நிறுவன வளாகத்தில் இலங்கைக்கான அவுஸ்திரேலிய உயர்ஸ்தானிகர் கௌரவ. Paul Stephens மற்றும் கடற்படைத் தளபதி வைஸ் அட்மிரல் கான்சன பானகொட ஆகியோரின் தலைமையில் நடைப்பெற்றது.

பாகிஸ்தான் கடற்படையால் ஒன்பதாவது முறையாக ஏற்பாடு செய்திருந்த (AMAN-2025) பலதரப்பு பயிற்சியில் இலங்கை கடற்படையை பிரதிநிதித்துவப்படுத்தி பங்கேற்ற இலங்கை கடற்படைக் கப்பல் விஜயபாகு கப்பல், குறித்த பயிற்சியை வெற்றிகரமாக முடித்துக் கொண்டு இன்று (2025 பெப்ரவரி 17) கொழும்பு துறைமுகத்தை வந்தடைந்ததுடன், அங்கு கடற்படை மரபுப்படி விஜயபாகு கப்பலை வரவேற்க கடற்படையினர் ஏற்பாடு செய்தனர்.

இந்தியாவின் புதுதில்லியில் உள்ள இஸ்ரேல் தூதரகத்தில் மற்றும் இலங்கையிலும் பாதுகாப்பு ஆலோசகராக இருக்கும் கர்னல் Avihay Zafrany இன்று (2025 பெப்ரவரி 17) கடற்படைத் தலைமையகத்தில் நடைபெற்ற உத்தியோகபூர்வ சந்திப்பிற்காக கடற்படைத் தளபதி வைஸ் அட்மிரல் கான்சன பானகோடாவைச் சந்தித்தார்.

2025 பெப்ரவரி 16 ஆம் திகதி நட்புரீதியான விஜயத்திற்காக இலங்கைக்கு வந்த இந்தோனேசிய கடற்படையின் 'KRI BUNG TOMO - 357' என்ற போர்க்கப்பல், விஜயத்தை வெற்றிகரமாக முடித்துக் கொண்டு, இன்று (2025 பெப்ரவரி 17) இலங்கையில் இருந்து புறப்பட்டதுடன், குறித்த கப்பலை இலங்கை கடற்படையினர் பாரம்பரிய கடற்படை முறைப்படி கப்பலிற்கு பிரியாவிடை அளித்தனர்.

கடற்படையின் சமூகப் பணித் திட்டத்தின் கீழ், கடற்படை ஆராய்ச்சி மற்றும் அபிவிருத்திப் பிரிவின் தொழில்நுட்ப மற்றும் கலைத்துவ பங்களிப்புடன், சிரச GAMMADDA சமூகப்பணி திட்டத்தின் அனுசரணையில், அநுராதபுரம் மாவட்டத்தின் மத்திய நுவரகம மாகாண பிராந்திய செயலகப் பிரிவுக்கு உட்பட்ட பரசங்கஸ்வெவ நிக்ரோதாராம விகாரையில் நிறுவப்பட்ட 1080வது நுண்ணுயிர் எதிர்ப்பு நீர் சுத்திகரிப்பு நிலையம் இன்று (2025 பெப்ரவரி 16) மக்களிடம் கையளிக்கப்பட்டது.

க்லீன் ஶ்ரீ லங்கா தேசிய வேலைத்திட்டத்தின் கீழ் தீவைச் சூழவுள்ள கடற்கரைகள் மற்றும் சுற்றுலாத் தலங்களை சுத்தம் செய்யும் நோக்கில் அரசாங்கத்தினால் நடைமுறைப்படுத்தப்படும் "சுத்தமான கடற்கரை - ஒரு கவர்ச்சிகரமான சுற்றுலாத் தலம்" என்ற திட்டத்துடன் இணைந்து 2025 பெப்ரவரி 15 ஆம் திகதி மற்றும் இன்று (2025 பெப்ரவரி 16) மேற்கு, தென் கிழக்கு மற்றும் கிழக்கு மாகாணங்களில் ஆரம்பிக்கப்பட்ட கடற்கரை சுற்றுலாத் தலங்களை சுத்தம் செய்தல் போன்ற திட்டங்களுக்கு கடற்படை முழுமையான பங்களிப்பை வழங்கியது.

இந்தோனேசிய கடற்படைக்குச் சொந்தமான 'KRI BUNG TOMO - 357' என்ற போர்க்கப்பல் இன்று (2025 பெப்ரவரி 16) கொழும்பு துறைமுகத்திற்கு சிநேகபூர்வ விஜயத்திற்காக வந்தடைந்ததுடன், இலங்கை கடற்படையினர் குறித்த கப்பலை கடற்படை மரபுகளுக்கு ஏற்ப வரவேற்றனர்.