අයහපත් කාලගුණ තත්වය හමුවේ පීඩාවට පත් ජනතාව වෙත සහන සැලසීම සඳහා නාවික හමුදාවෙන් අඛණ්ඩව ආපදා සහන මෙහෙයුම්
දිවයිනට බලපා ඇති අයහපත් කාලගුණ තත්වය මත ඇදහැලෙන අධික වැසි හේතුවෙන් කලාඔය, වාරියපොල, කොබෙයිගනේ, නච්චිකුඩා මල්ලාවිල්, පොලොන්නරුව ගල්ලෑල්ල, කුරුණෑගල මහව, හලාවත අරියගම, දිවුලපිටිය කොටදෙනියාව, මහනුවර හල්ලොලුව, තලාතුඔය මහමැදගම, කොලොන්නාව සහ කෑගල්ල ගුරුගල්ල යන ප්‍රදේශයන්හි ගංවතුරෙන් පීඩාවට පත් ජනතාවට සහන සැලසීම සඳහා තවදුරටත් (2025 නොවැම්බර් 29) නාවික හමුදාව ආපදා සහන මෙහෙයුම් අඛණ්ඩව සිදුකරමින් සිටියි.
ඒ අනුව, ආපදා කලමණාකරණ මධ්‍යස්ථානයේ සම්බන්ධීකරණයෙන්, නාවික හමුදා ආපදා සහන කණ්ඩායම් ගංවතුරෙන් සහ පස් කඳු කඩා වැටීමෙන් පීඩාවට පත් පිරිස් මුදාගැනීමේ සහ ආරක්‍ෂිත ස්ථාන වෙත යොමු කිරීමේ ආපදා සහන මෙහෙයුම් අඛණ්ඩව සිදුකරණු ලබයි.
