නාවික හමුදාව අනුරාධපුරය සහ වව්නියාව දිස්ත්‍රික් තුල සිදුකල අඛණ්ඩ ආපදා සහන මෙහෙයුම් මඟින් පුද්ගලයන් 380ක් වෙත සහන සලසයි
අයහපත් කාලගුණික තත්වය හමුවේ අනුරාධපුරය සහ වව්නියාව දිස්ත්‍රීක්ක තුල පීඩාවට පත්වන මහජනතාවට සහන සැලසීම සඳහා නාවික හමුදාව අද දිනයේදීත් (2025 නොවැම්බර් 29) අඛණ්ඩ මෙහෙයුම් සිදු කෙරිණි. ඒ අනුව, උතුරු මැද නාවික විධානය මඟින්; අනුරාධපුර ඉපලෝගම, පදවි පරාක්‍රමපුර, සේනපුර, මැදවච්චිය, සෙට්ටිකුලම්, ගල්නෑව, තඹුත්තේගම සහ වව්නියාව ඕමන්තේ ප්‍රදේශ තුල සිදුකල ආපදා සහන මෙහෙයුම් මඟින් ගංවතුර හේතුවෙන් අවදානමට ලක්ව සිටි පුද්ගලයන් 380 දෙනෙකු වෙත සහන සැලසීම සිදු කෙරිණි.
