ශ්‍රී ලංකා නාවික හමුදාව, ත්‍රීකුණාමලය වරාය පොලීසිය හා එක්ව 2025 අප්‍රේල් මස 22 වැනි දින ත්‍රීකුණාමලය, අනුරාධපුර හංදිය ප්‍රදේශයේ සිදුකල ඒකාබද්ධ සෝදිසි මෙහෙයුමක් මඟින්, නීති විරෝධී ලෙස අලෙවිකිරීමට සූදානම් කල විදේශීය දුම්වැටි හයසියක (600) පමණ තොගයක් සමඟ සැකකරුවෙකු (01) නීතියේ රැහැනට හසුකර දීමට කටයුතු කෙරිණි.

ශ්‍රී ලංකා නාවික හමුදාව කල්පිටිය ආලංකුඩා මුහුදු ප්‍රදේශයේ සහ පුත්ලම තොඩුවාව ප්‍රදේශයේ අද (2025 අප්‍රේල් 23) අළුයම් කාලයේ සිදුකළ විශේෂ සෝදිසි මෙහෙයුම් මඟින්, නීතී විරෝධී ලෙස රට තුළට රැගෙන ඒමට උත්සහ කළ සහ ප්‍රවාහනය කරමින් තිබූ; කුළු බඩු, රෙදි පිළි, ස්මාට් ජංගම දුරකථන, ඉලෙක්ට්‍රෝනික උපකරණ සහ සුරතල් සතුන් සමඟ ඩිංගි යාත්‍රාවක්, කැබ් රථයක් සහ සැකකරුවන් සිව් දෙනෙකු (04) නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව මීගමුවට ඔබ්බෙන් වූ මුහුදු ප්‍රදේශයේ 2025 අප්‍රේල් මස 22 වැනි දින සිදුකළ විශේෂ සෝදිසි මෙහෙයුමකදී, එම මුහුදු ප්‍රදේශයේ අතහැර දමන ලද ඩිංගි යාත්‍රාවක් තුල තිබූ කෘෂි රසායන ද්‍රව්‍ය බෝතල් එක්දහස් එකසිය පනස් හයක් (1156), කෘෂි රසායන ද්‍රව්‍ය පැකට් හාරදහස් දෙසිය විසි හතරක් (4224), බිඩී කොළ කිලෝ හැට හතයි (67) ග්‍රෑම් අටසියයක් (800) සහ එනසාල් කිලෝ හැත්තෑ පහයි (75) ග්‍රෑම් තුන්සියක් (300) සමඟ එම ඩිංගි යාත්‍රාව නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව, පොලිසිය හා එක්ව 2025 අප්‍රේල් මස 20 වැනි දින රාත්‍රී කාලයේ තිස්සමහාරාම, කිරින්ද ප්‍රදේශයේ සිදුකල ඒකාබද්ධ සෝදිසි මෙහෙයුමකදී, විකිණීමට සූදානම්කර තිබූ දේශීය කංසා කිලෝ 01යි ග්‍රෑම් 800 ක පමණ ප්‍රමාණයක් සමඟ සැකකරුවන් දෙදෙනෙකු (02) සහ යතුරු පැදියක් (01) නීතියේ රැහැනට හසුකර දීමට කටයුතු කෙරිණි.

ශ්‍රී ලංකා නාවික හමුදාව, ත්‍රීකුණාමලය වරාය පොලීසිය සහ සර්ධාපුර විශේෂකාර්ය බළකාය හා එක්ව 2025 අප්‍රේල් මස 21 වැනි දින ත්‍රීකුණාමලය නගරයේ සහ කොඩ්බේ ධීවර වරාය පරිශ්‍රයේ සිදුකල ඒකාබද්ධ සෝදිසි මෙහෙයුම් මඟින්, නීති විරෝධී ලෙස අලෙවිකිරීමට සූදානම් කල විදේශීය දුම්වැටි පන්සිය හැට පහක (565) පමණ තොගයක් සමඟ සැකකරුවන් දෙදෙනෙකු (02) නීතියේ රැහැනට හසුකර දීමට කටයුතු කෙරිණි.

ශ්‍රී ලංකා නාවික හමුදාව තලෛයිමන්නාරම, ඌරුමලේ වෙරළ ප්‍රදේශයේ සිදු කල විශේෂ සෝදිසි මෙහෙයුමකදී, නීති විරෝධි ලෙස මුහුදු මාර්ගයෙන් විදේශයකට ප්‍රවාහනය කිරීමට සූදානම්කර තිබූ බවට සැක කෙරෙණ රත්‍රං කිලෝ අටයි (08) ග්‍රෑම් නමසිය හැටක (960) පමණ තොගයක් සමඟ සැකකරුවන් දෙදෙනෙකු (‍02) සහ තෙප්පම් යාත්‍රාවක් (01) තලෛයිමන්නාරම, ඌරුමලේ ප්‍රදේශයේදී 2025 අප්‍රේල් මස 21 වැනි දින නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව, මන්නාරම උතුර, කිරන්චි මුහුදු ප්‍රදේශයේ 2025 අප්‍රේල් මස 16 වැනි දින සිදුකල විශේෂ සෝදිසි මෙහෙයුමක් මඟින්, එම මුහුදු ප්‍රදේශයේ පාවෙමින් තිබූ නීති විරෝධී ලෙස මෙරටට රැගෙන ඒමට උත්සාහ කල බවට සැකකෙරෙණ රූපලාවන්‍ය ද්‍රව්‍ය තොගයක් නාවික හමුදා භාරයට ගැනීමට කටයුතු කෙ‍රිණි.

ගාල්ල ධීවර වරායේ නැංගුරම්ලා තිබු ධීවර යාත්‍රාවක ඇති වූ හදිසි ගින්නක් මැඩපැවැත්වීම සඳහා දකුණු නාවික විධානයට අයත් කණ්ඩායමක සහය ලබාදීමට 2025 අප්‍රේල් මස 14 වැනි දින නාවික හමුදාව විසින් කටයුතු කෙරිණි.

නාවික හමුදාව 2025 අප්‍රේල් මස 13 වැනි දින උඩප්පුව, කරුකපනේ මුහුදු ප්‍රදේශයේ සහ එම වෙරළ ප්‍රදේශයේ සිදුකළ විශේෂ සෝදිසි මෙහෙයුමක් මඟින් නීතී විරෝධී ලෙස මුහුදු මාර්ගයෙන් රට තුළට රැගෙන ඒමට උත්සහ කළ වියළි කහ කිලෝග්‍රෑම් 145ක පමණ තොගයක් රැගත් ඩිංගි යාත්‍රාවක් සමඟ සැකකරුවන් හයදෙනෙකු (06) නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව වෙත ලද විශ්වසනීය තොරතුරකුට අනුව, 2025 අප්‍රේල් මස 11 වැනි දින සිදුකල විශේෂ සෝදිසි මෙහෙයුමක් මඟින්, මත්ද්‍රව්‍ය ප්‍රවාහනය කරමින් තිබූ බවට සැක කෙරෙන මෙරට බහුදින ධීවර යාත්‍රාවක් සමඟ සැකකරුවන් හය දෙනෙකු (06) ගැඹූරු මුහුදේදී නාවික හමුදා භාරයට ගැනීමට කටයුතු කෙරිණි. එම බහු දින ධීවර යාත්‍රාව දික්ඕවිට වරාය‍ට රැගෙනවිත් පොලිස් මත්ද්‍රව්‍ය නාශක කාර්යාංශයේ විශේෂඥ සහය සහිතව සිදුකල වැඩිදුර පරීක්‍ෂාවේදී, එම යාත්‍රාවේ සූක්‍ෂම ලෙස සඟවා රට තුලට රැගෙන ඒමට උත්සහ කල හෙරොයින් මත්ද්‍රව්‍ය කිලෝ 77යි ග්‍රෑම් 484ක පමණ තොගයක් සහ අයිස් මත්ද්‍රව්‍ය කිලෝ 42යි ග්‍රෑම් 334 ක පමණ තොගයක් සොයා ගැනීමෙන් අනතුරුව, එම මත්ද්‍රව්‍ය තොගය, සැකකරුවන් සහ බහුදින ධීවර යාත්‍රාව ඉදිරි නීතිමය කටයුතු සඳහා පොලිස් මත්ද්‍රව්‍ය නාශක කාර්යාංශය වෙත 2025 අප්‍රේල් මස 12 වැනි දින භාරදීමට කටයුතු කෙරිණි.