இலங்கையை பாதித்துள்ள மோசமான காலநிலை காரணமாக பாதிக்கப்பட்ட மக்களுக்கு நிவாரணம் வழங்குவதற்காக மாத்தறை மாவட்டத்தின் அக்குரஸ்ஸ மற்றும் அத்துரலிய பகுதிகளுக்கு அனுப்பப்பட்ட கடற்படையின் அனர்த்த நிவாரணக் குழுக்கள் இன்றும் (2024 நவம்பர் 26) அனர்த்த நிவாரண நடவடிக்கைகளை மேற்கொண்டு வருகின்றனர்.

இலங்கையை பாதித்துள்ள மோசமான வானிலையால் பாதிக்கப்பட்ட பொதுமக்களுக்கு நிவாரணம் வழங்குவதற்காக 2024 நவம்பர் 24 ஆம் திகதி கடற்படையின் மூன்று (03) நிவாரண குழுக்களை மாத்தறை மாவட்டத்தின் அக்குரஸ்ஸ மற்றும் அத்துரலிய பகுதிகளுக்கு அனுப்ப ஏற்பாடு செய்யப்பட்டது.

இலங்கை கடற்படையினருக்கும் மாலைதீவு கடலோர காவல்படையினருக்கும் இடையிலான வெற்றிகரமான புலனாய்வுப் பரிமாற்றத்தின் விளைவாக, 344 கிலோகிராம் ஐஸ் போதைப் பொருள் (Crystal Methamphetamine) மற்றும் 124 கிலோகிராம் கொக்கேயின் போதைப் பொருள் கொண்டு சென்ற பல நாள் மீன்பிடிப் படகுடன் ஐந்து சந்தேக நபர்கள் கடந்த 2024 நவம்பர் 23ம் திகதி மாலத்தீவு கடலோர காவல்படையினரால் கைது செய்யப்பட்டனர்.

இலங்கைக்கு தென்மேற்கு திசையில், காலி கலங்கரை விளக்கத்திலிருந்து 78 கடல் மைல் (சுமார் 144 கி.மீ) தொலைவில் உள்ள ஆழ்கடலில் இலங்கையில் பல நாள் மீன்பிடி படகொன்றில் நோய்வாய்ப்பட்டு ஆபத்தான நிலையில் இருந்த மீனவர் ஒருவர் கொழும்பு கடல்சார் தேடல் மற்றும் மீட்பு ஒருங்கிணைப்பு மையத்தின் ஒருங்கிணைப்பில் இன்று (2024 நவம்பர் 20) கரைக்கு அழைத்து வரப்பட்டு சிகிச்சைக்காக கராப்பிட்டிய போதனா வைத்தியசாலைக்கு அனுப்புவதற்கான ஏற்பாடுகள் மேற்கொள்ளப்பட்டன.

இலங்கை கடற்படையினர், இலங்கை பொலிஸாருடன் இணைந்து 2024 நவம்பர் 14 ஆம் திகதி கல்பிட்டி முசல்பிட்டிய பிரதேசத்தில் மேற்கொள்ளப்பட்ட கூட்டு தேடுதல் நடவடிக்கையின் போது, மறைத்து வைக்கப்பட்டிருந்த சுமார் நான்கு இலட்சத்து நாட்பத்தி இரண்டாயிரத்து அறுநூற்று எண்பது (442,680) போதை மாத்திரைகள் கைப்பற்றப்பட்டன.

கடற்படையினரால், இலங்கைக்கு மேற்கே ஆழ்கடல் பகுதியில் இன்று (நவம்பர் 14 2024) மேற்கொள்ளப்பட்ட விசேட நடவடிக்கையின் பேது, போதைப்பொருள் கடத்திய பல நாள் மீன்பிடிப் படகுடன் ஆறு (06) சந்தேகநபர்கள் கடற்படையினரால் கைது செய்யப்பட்டனர். கடற்படையினரால் கைப்பற்றப்பட்ட பல நாள் மீன்பிடிக் படகில் சுமார் 60 கிலோ கிராம் போதைப்பொருள் இருந்ததாக சந்தேகிக்கப்படுவதுடன், பல நாள் மீன்பிடிப் படகு மற்றும் சந்தேக நபர்கள் மேலதிக விசாரணை மற்றும் மேலதிக சட்ட நடவடிக்கைகளுக்காக கடற்படையினரால் கரைக்கு கொண்டு வரப்பட்டனர்.

மன்னார் வங்காலை மற்றும் சிலாவத்துறை கடற்கரைப் பகுதியில் 2024 நவம்பர் மாதம் 13 ஆம் திகதி இலங்கை கடற்படையினரால் மேற்கொள்ளப்பட்ட சிறப்பு நடவடிக்கையின் போது, சட்டவிரோத சுழியோடி நடவடிக்கையின் மூலம் பிடிக்கப்பட்ட சுமார் ஆயிரத்து ஐம்பத்தைந்து (1055) கடலட்டைகளுடன், ஐந்து (05) சந்தேக நபர்கள் கைப்பற்றப்பட்டுள்ளன.

இலங்கை கடற்படையினர் இன்று (2024 நவம்பர் 12) யாழ்ப்பாணம், சுண்டிக்குளம் பகுதிக்கு அப்பால் இலங்கை கடற்பரப்பில் மேற்கொண்டுள்ள விசேட நடவடிக்கையின் போது, இலங்கை கடற்பரப்பிற்குள் சட்டவிரோத மீன்பிடியில் ஈடுபட்ட இந்திய மீன்பிடி படகொன்றுடன் 12 இந்திய மீனவர்கள் கைது செய்யப்பட்டுள்ளனர்.

இலங்கை கடற்படையினர், மன்னார் வான்காலை பிரதேசத்தில் இன்று (2024 நவம்பர் 09) காலை மேற்கொண்ட விசேட தேடுதல் நடவடிக்கையில், சட்டவிரோதமான முறையில் இரவு நேர சுழியோடி நடவடிக்கையின் போது, பிடிக்கப்பட்ட சுமார் ஐந்நூற்று எண்பத்தைந்து (585) கடலட்டைகளுடன், சந்தேகநபர்கள் மூன்று (03) பேர் மற்றும் சுழியோடி உபகரணங்கள் கடற்படையினரால் கைப்பற்றப்பட்டன.

இலங்கை கடற்படையினர், 2024 நவம்பர் 07 ஆம் திகதி மன்னார் சௌத்பார் கடல் பகுதியில் மேற்கொண்ட தேடுதல் நடவடிக்கையின் போது, சட்டவிரோத மீன்பிடி வலைகளைப் பயன்படுத்தி மீன்பிடி நடவடிக்கைகளில் ஈடுபட்ட இரண்டு (10) நபர்களுடன் ஒரு (01) டிங்கி படகு கடற்படையினரால் கைப்பற்றப்பட்டுள்ளன.