40 ஆவது கனிஷ்ட கடற்படை பணியாளர் பயிற்சி நெறி வெற்றிகரமாக நிறைவடைந்தது

40 ஆவது கனிஷ்ட கடற்படை பணியாளர் பயிற்சி நெறி இன்றைய தினம் (2026 அக்டோபர் 07) கடற்படை மற்றும் கடல்சார் அறிவியல் பீடத்தில் வெற்றிகரமாக நிறைவடைந்ததுடன், பயிற்சி நெறியின் நிறைவு விழா கடற்படை மற்றும் கடல்சார் அறிவியல் பீடத்தின் தளபதி கொமடோர் நலிந்த திசாநாயக தலைமையில் நடைபெற்றது.

இலங்கை கடற்படையின் கடமைகளையும் பொறுப்புகளையும் திறம்படவும் பயனுள்ள வகையிலும் நிறைவேற்றுவதற்குத் தேவையான மூலோபாய தீர்மானங்களை எடுப்பதற்கும், எதிர்காலத்தில் பொறுப்புமிக்க தலைமைத்துவப் பங்களிப்புகளை வகிப்பதற்குத் தேவையான அறிவும் திறன்களும் கொண்ட அதிகாரிகளை உருவாக்குவதை நோக்கமாகக் கொண்டு இளநிலை கடற்படை பணியாளர் பயிற்சி நெறி கடற்படை மற்றும் கடல்சார் அறிவியல் பீடத்தில் நடத்தப்படுகின்றது.

இதன்படி, 2026 ஜூன் மாதம் 08 ஆம் திகதி ஆரம்பமான இம்முறை பயிற்சி நெறியில் இலங்கை கடற்படையின் இருபத்தேழு (27) அதிகாரிகள், இலங்கை இராணுவத்தின் ஒரு (01) அதிகாரி மற்றும் இலங்கை விமானப்படையின் ஒரு (01) அதிகாரி உட்பட இருபத்தொன்பது (29) அதிகாரிகள் கலந்துகொண்டனர்.

மேலும், இந்நிகழ்வில் கிழக்கு கடற்படை கட்டளை மற்றும் கடற்படை மற்றும் கடல்சார் அறிவியல் பயிற்சி நெறி அதிகாரிகள் மற்றும் பயிற்சி பெறும் அதிகாரிகள் கலந்துகொண்டனர்.