இலங்கை கடற்படைக் கப்பல் நிபுண நிறுவனத்தில் பயிற்றுவிப்பாளர் தொழில்நுட்பப் பாடநெறியைப் பயிலும் கடற்படையினருக்கு இடையிலான விவாதப் போட்டி

தெற்கு கடற்படை கட்டளைக்குச் சொந்தமான இலங்கை கடற்படைக் கப்பல் நிபுண நிறுவனத்தில், பயிற்றுவிப்பாளர் தொழில்நுட்பப் பாடநெறி (06/2026) பயிலும் கடற்படையினரின் பேச்சாற்றல், தர்க்கரீதியாகக் கருத்துகளை முன்வைக்கும் திறன் மற்றும் அறிவுசார் ஆற்றல்களை மேம்படுத்தும் நோக்கில், 2026 ஒக்டோபர் 22 ஆம் திகதி விவாதப் போட்டியொன்று நடத்தப்பட்டது.

அதன்படி, இலங்கை கடற்படைக் கப்பல் நிபுண நிறுவனத்தில் பயிற்சி பெறும் கடற்படையினரின் பங்கேற்புடன் A மற்றும் B என இரு அணிகளுக்கிடையில் நடைபெற்ற இவ்விவாதப் போட்டியில், B அணி வெற்றியைத் தனதாக்கிக் கொண்டதுடன், சீப் பெடி ஒபிசர் என்சி ஏகநாயக்க போட்டியின் சிறந்த பேச்சாளராகத் தெரிவு செய்யப்பட்டார்.

கடற்படையினரின் தொடர்பாடல் திறன்கள், தலைமைத்துவப் பண்புகள் மற்றும் தர்க்கரீதியாகக் கருத்துகளை முன்வைக்கும் ஆற்றல் ஆகியவற்றை மேம்படுத்துவதற்கு இவ்வாறான பயிற்சி நடவடிக்கைகள் குறிப்பிடத்தக்க பங்களிப்பை வழங்குகின்றன. அத்துடன், புதிய அறிவும் திறன்களும் நிறைந்த கடற்படையினரை உருவாக்குவதற்கும் இவை பெரிதும் உதவுகின்றன.