ශ්‍රී ලංකාවේ හා මාලදිවයිනේ එක්සත් ජනපද තානාපති අතිගරු අතුල් කේෂප් මහතා ජනවාරි මස 14 වන දින ගාල්ල, දකුණු නාවික විධාන මූලස්ථානයේදී, දකුණු නාවික විධාන ආඥාපති රියර් අද්මිරාල් ජගත් රණසිංහ මහතා හමුවිය.

කල්පිටිය, ශ්‍රී ලංකා නාවික නෞකා විජය ආයතනයට අනුයුක්ත නාවිකයින් පිරිසක් විසින්, කොණ්ඩච්චි සහ කරෙයිතිව් අතර මුහුදු ප්‍රදේශයේ නීති විරෝධී ධීවර කටයුතු වල යෙදී සිටි ශ්‍රී ලාංකික ධීවරයින් 22 දෙනෙකු සමග ඩිංගි යාත්‍රා 6ක් ජනවාරි මස 14 වන දින අත්අඩංගුවට ගන්නා ලදී.

ශ්‍රී ලංකා අත්අඩංගුවේ සිට නිදහස් කෙරුණු ඉන්දීය ධීවරයින් 8 දෙනෙකු ඉන්දීය රජය වෙත භාරදීම සඳහා ශ්‍රී ලංකා නාවික හමුදාව සහාය විය.

දකුණු නාවික විධානයට අනුයුක්ත මුර සංචාරක යාත්‍රාවක් විසින් ගාල්ල මැදගල මුහුදු ප්‍රදේශයේ ඩයනමයිට් යොදා ගනිමින් මසුන් ඇල්ලීමේ නිරතව සිටි ශ්‍රී ලාංකික ධීවරයින් තිදෙනෙකු සමග කුඩා ඔරුවක් ජනවාරි මස 12 වන දින අත්අඩංගුවට ගන්නා ලදී.

උතුරේ දූපත් වල වෙසෙන සිසු දරුවන් දහසකට 2016 නව වසර වෙනුවෙන් පොත්පත් ප්‍රදානය කිරීම උතුරු නාවික විධාන ආඥාපති රියර් අද්මිරාල් පියල් ද සිල්වා මහතාගේ මගපෙන්වීම යටතේ සිදු කෙරිණි.

ජවහර්ලාල් නේරු විශ්වවිද්‍යාලයෙන් තාක්ෂණවේදී උපාධිය සම්පූර්ණ කරන ලද නාවික නිලධාරීන් 167 දෙනෙකු හට ජනවාරි මස 12 වන දින බණ්ඩාරනායක අන්තර්ජාතික සම්මන්ත්‍රණ ශාලාවේ පැවති උපාධි ප්‍රදාන උත්සවයේ දී උපාධි පිරිනැමිණි. උත්සවයේ ප්‍රධාන ආරාධිත අමුත්තා වශයෙන් ආරක්ෂක ලේකම්, ඉංජිනේරු කරුණාසේන හෙට්ටිආරච්චි මහතා සහභාගී වූ අතර, නාවික හමුදා මාණ්ඩලික ප්‍රධානී රියර් අද්මිරාල් සිරිමෙවන් රණසිංහ මහතා විසින් ඔහු පිළිගන්නා ලදී.

බංග්ලාදේශ නාවික හමුදා ප්‍රධානී, වයිස් අද්මිරාල් මුහම්මද් ෆරීඩ් හබීබ් මහතාගේ ආරාධනයකට අනුව බංග්ලාදේශයේ නිල සංචාරයක නිරතව සිටින නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා මේ වන විට ඩකා අගනුවර පැවැත්වෙන 2016 ඉන්දියානු සාගරික නාවික සමුළුවට (IONS – 2016) සහභාගී වී සිටියි.

ඉන්දියාවේ සිට කුඩා යාත්‍රා මගින් නීති විරෝධී ලෙස මුහුදු මාර්ග ඔස්සේ ප්‍රවාහනය කර කල්පිටිය කප්පල්අඩි ප්‍රදේශයට රැගෙනවිත් ගොඩබිමට ප්‍රවාහනය කිරීම සඳහා සූදානම් කර තිබූ රුපියල් කෝටියකට ආසන්න වටිනාකමකින් යුත් මුහුදු කූඩැල්ලන් කිලෝ ග්‍රෑම් 950 ක් සමග පුද්ගලයන් 5 දෙනෙකු වයඹ නාවික විධානයට අයත් ශ්‍රී ලංකා නාවික නෞකා විජය ආයතනයේ නාවික පුද්ගලයන් පිරිසක් විසින් ඊයේ (8) අත්අඩංගුවට ගන්නා ලදී.

2016 ජනවාරි මස 08 වන දිනට යෙදුනු අතිගරු ජනාධිපති මෛත්‍රීපාල සිරිසේන මැතිතුමන්ගේ ජනපති පදවිප්‍රාප්ති වර්ෂ පූර්ණය නිමිත්තෙන් රුක් රෝපණ වැඩසටහනක් නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ ප්‍රධානත්වයෙන් ජනවාරි මස 09 වන දින නාවික හමුදා මූලස්‍ථානයේදී පැවැත්විණි.

ශ්‍රී ලංකා නාවික හමුදාවට අලුතින් බඳවාගන්නා ලද 57 වන බඳවාගැනීමට අයත් ශිෂ්‍ය භට නිලධාරීන් සහ ඉඳුරාම බඳවාගත් නිලධාරීන්, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා විසින් අද (08) දින ශ්‍රී ලංකා නාවික නෞකා පරාක්‍රම ආයතනයේ ශ්‍රවනාගාරයේදී අමතනු ලැබිණි.