7 වන ගාලු කතිකාව අන්තර්ජාතික සාගරික සම්මන්ත්‍රණයට සහභාගී වීම සඳහා තවත් විදෙස් නාවික ප්‍රධානීන් 2 දෙදෙනෙකු අද (27) සවස දිවයිනට ලගා විය.

මෙම මස 28 සහ 29 යන දෙදින කොළඹ, ගාලු මුවදොර හෝටලයේදී පැවැත්වීමට නියමිත 7 වන ගාලු කතිකාව අන්තර්ජාතික සාගරික සම්මන්ත්‍රණයට සහභාගී වීම සඳහා නෙදර්ලන්ත රාජකීය නාවික හමුදාධිපති, ලුතිනන් ජෙනරාල් රොබ් වර්කග් මහතා, ජර්මානු නාවික හමුදාධිපති, වයිස් අද්මිරාල් අන්ඩ්‍රියස් ක්‍රවුස් මහතා සහ එම මැතිණිය ඊයේ (26) දිවයිනට පැමිණියහ.

ඩයලොග් ලීග් රග්බි 2016/17 තරඟාවලියේ ප්‍රථම අධියරේ, අද (26) පස්වරුවේ කොළඹ තුරඟ තරග පිටියේ පැවති තරඟයෙන් යුද හමුදා පිල පරදවා ලකුණු 25 - 24 ක් ලෙස නාවික හමුදා රග්බි පිල ජයග්‍රහණය ලබා ගැනීමට හැකි විය.

අතිගරු ජනාධිපති මෛත්‍රීපාල සිරිසේන මැතිතුමාගේ සංකල්පයකට අනුව ගොඩනැගුනු වකුගඩු රෝග නිවාරණ ජනාධිපති කාර්යය සාධන බලකාය මැදිහත් වී ශ්‍රී ලංකා නාවික හමුදාව මගින් දීප ව්‍යාප්තව සිදු කරනු ලබන ප්‍රජා සත්කාරක සේවාවන්හි තවත් එක් පියවරක් වශයෙන් මැදිරිගිරිය ප්‍රදේශයේ අභයපුර සහ සෙනරත්පුර ගම්මානවල ජනතාව සදහාද කැකිරාව ප්‍රදේශයේ පඩිකාරම්මඩුව ගම්මානය සදහා ද ප්‍රති ආශ්‍රැත ජල පිරිපහදු යන්ත්‍ර 3 ක් ඊයේ (25) ජනතා අයිතියට පත් කෙරිණි.

ශ්‍රී ලංකා නාවික හමුදාවේ 66 වන නාවික හමුදා දිනය නිමිත්තෙන් නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ ප්‍රධානත්වයෙන් කොළඹ ශාන්ත ලුසියා දෙව්මැදුරේදී ක්‍රිස්තියානි දේව මෙහෙයක් අද (24) පැවැත්විණි.

පසුගිය 22 වන දින පුහුණු සංචාරයක් සඳහා ත්‍රිකුණාමලය වරායට සේන්දු වූ ඇමරිකානු නාවික හමුදාවට අයත් “සමර්සෙට්” යුද නෞකාවේ මැරීන් සෙබළු සහ ශ්‍රී ලංකා නාවික හමුදාවේ පුහුණු වන මැරීන් සෙබළු මේ වන විට ත්‍රිකුණාමලයේදී පුහුණු අභ්‍යාසයන්හි නිරත වෙමින් සිටී.

උතුරුමැද නාවික විධානයට අයත්, නච්චිකුඩා හි පිහිටි ශ්‍රී ලංකා නාවික නෞකා බුවනෙක ආයතනයට අනුයුක්ත නාවිකයන් පිරිසක් විසින් ඊයේ (23) ඉලුප්පුකඩවායි ප්‍රදේශයට ඔබ්බෙන් වූ මුහුදු ප්‍රදේශයේදී තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත ලාංකික ධීවරයින් 7 දෙනෙකු අත්අඩංගුවට ගෙන ඇත.

ශ්‍රී ලංකා නාවික හමුදාවේ වෙරළාශ්‍රිත මුර යාත්‍රා තැනීමේ ව්‍යාපෘතිය මගින් නිෂ්පාදනය කරන ලද “කයක්” වර්ගයේ අංග සම්පූර්ණ කුඩා යාත්‍රා 8 ක් ශ්‍රී ලංකා යුද හමුදාව වෙත ප්‍රදානය කිරීම පසුගිය 19 වන දින මාදුරුඔය ශ්‍රී ලංකා යුද හමුදා විශේෂ බලකා පුහුණු කදවුරේදී උත්සවාකාරයෙන් සිදු කෙරිණි.

පුහුණු සංචාරයක් සඳහා ඊයේ (22) ත්‍රිකුණාමලය වරායට සේන්දු වු ඇමරිකානු නාවික හමුදාවට අයත් "සමර්සෙට් " යුද නෞකාවේ අණදෙන නිලධාරී, කපිතාන් ඩැරන් ග්ලාසර් මහතා අද (23) නැගෙනහිර නාවික විධාන මූලස්ථානයේදී විධාන ආඥාපති, රියර් අද්මිරාල් ට්‍රැවිස් සින්නයියා මහතා හමුවිය.

ගුවන් හමුදාධිපති, එයාර් මාෂල් කපිල ජයම්පති මහතා අද (23) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා හමුවිය.