கடற்படைத் தளபதி மற்றும் கடற்படைக் கப்பல்களின் கட்டளை அதிகாரிகளுக்கு இடையேயான கலந்துரையாடல் COs Conclave - 2025 வெற்றிகரமாக நிறைவுப் பெற்றது

கடற்படைத் தளபதி வைஸ் அட்மிரல் கான்சன பானகொடவின் தலைமையில், கடற்படைத் தளபதி உட்பட அனைத்து இயக்குநர்கள் ஜெனரல்களின் பங்கேற்புடன், கடற்படைத் தளபதிக்கும் கப்பல்களின் கட்டளை அதிகாரிகளுக்கும் இடையிலான வருடாந்திர சிறப்பு கலந்துரையாடல் (COs Conclave - 2025) 2025 ஜூன் 27 அன்று கடற்படைத் தலைமையகத்தில் வெற்றிகரமாக நடைபெற்றது.

இலங்கை கடற்படையின் செயல்திறனை பராமரிப்பதற்கும், நிலையான கடல்சார் வலயத்தை பராமரிப்பதற்காக தேசிய கடல்சார் லட்சியத்தை அடைவதற்கும், தந்திரோபாய, செயல்பாட்டு மற்றும் மூலோபாய மட்டங்களில் எடுக்கப்பட வேண்டிய முடிவுகள் மற்றும் நடவடிக்கைகள் குறித்து விரிவான மற்றும் நேரடி அணுகுமுறையில் தளபதி மற்றும் கடற்படை முகாமைத்துவ சபையுடன் கலந்துரையாடுவதற்காக இந்த சிறப்பு கலந்துரையாடல் ஆண்டுதோறும் ஏற்பாடு செய்யப்படுகிறது.

அதன்படி, கப்பல்களின் கட்டளை அதிகாரிகளின் செயல்பாட்டு அனுபவங்கள், தற்போதுள்ள பிரச்சினைகள், உள்ளூர் நீர்நிலைகள் முதல் சர்வதேச நீர்நிலைகள் வரை பரந்த கடல் பகுதியில் மேற்கொள்ளப்படும் நடவடிக்கைகள் தொடர்பான கடற்படையின் கொள்கைகள் மற்றும் சட்ட கட்டமைப்பு மற்றும் கடற்படையின் முன்னாள் கட்டளை அதிகாரிகளின் செயல்பாட்டு அனுபவங்கள் குறித்து தற்போதைய கட்டளை அதிகாரியுடன் கருத்துகளைப் பரிமாறிக் கொள்வதற்காக இந்த கலந்துரையாடல் நடைபெற்றது.

மேலும், கடற்படைக் கப்பல்களின் கட்டளை அதிகாரிகள், கடற்படையின் நான்காவது துரிதத் தாக்குதல் படகுகள் படையின் கட்டளை அதிகாரி மற்றும் கப்பல்களின் கட்டளை அதிகாரிகள் இந்தக் கலந்துரையாடலில் பங்கேற்றனர். ஆண்டுதோறும் நடைபெறும் இந்த சிறப்புக் கலந்துரையாடலின் மூலம், கடற்படையினால் மேற்கொள்ளப்படும் செயல்பாட்டு நோக்கத்திற்கு ஏற்ப கடற்படையின் செயல்பாட்டுத் தயார்நிலை பராமரிக்கப்படும் என்று கடற்படை எதிர்பார்க்கிறது.