மிலான் மற்றும் சர்வதேச கடற்படை கண்காணிப்பு 2026 பலதரப்பு கடற்படைப் பயிற்சிகளில் பங்கேற்க இலங்கை கடற்படைக் கப்பல்களான சாகர மற்றும் நந்திமித்ர தீவிலிருந்து புறப்பட்டது

இந்திய கடற்படையால் ஏற்பாடு செய்யப்பட்ட பலதரப்பு கடற்படைப் பயிற்சியான 13வது மிலான் மற்றும் சர்வதேச போர்க்கப்பல் கண்காணிப்பும்-2026,பெப்ரவரி 17 முதல் 25 வரை, இந்தியாவின் விசாகப்பட்டினம் துறைமுகம் மற்றும் வங்காள விரிகுடாவின் கிழக்கு இந்திய கடற்கரையை மையமாகக் கொண்டு நடைபெறுவதுடன், இலங்கை கடற்படையைப் பிரதிநிதித்துவப்படுத்தும் இரண்டு இலங்கை கடற்படைக் கப்பல்களான சாகர மற்றும் நந்திமித்ர, இந்தப் பயிற்சியில் பங்கேற்க 2026 பெப்ரவரி 11, அன்று கொழும்பு துறைமுகத்திலிருந்து தீவை விட்டுப் புறப்பட்டன.

(Camaraderie Cohesion Collaboration) என்ற கருப்பொருளில் நடைபெறும் மிலான்-2026 பலதரப்பு கடற்படைப் பயிற்சியும்,(United Through Oceans) என்ற கருப்பொருளில் நடைபெறும் சர்வதேச கடற்படை கண்காணிப்பும், பல பிராந்திய மற்றும் பிராந்தியம் அல்லாத மாநிலங்களின் கடற்படைகள், கடலோர காவல்படை மற்றும் கடல்சார் பங்குதாரர்களின் போர்க்கப்பல்கள், விமானங்கள் மற்றும் நீர்மூழ்கிக் கப்பல்களின் பங்கேற்புடன் நடைபெற உள்ளன.இந்தக் கடற்படைப் பயிற்சியில் இலங்கை கடற்படையைப் பிரதிநிதித்துவப்படுத்தி பங்கேற்கும் இலங்கை கடற்படைக் கப்பல் சாகரவின் கட்டளை அதிகாரி கெப்டன் லோஹித த சில்வாவிற்கும் இலங்கை கடற்படைக் கப்பல் ‘நந்திமித்ர’ கப்பலின் கட்டளை அதிகாரி கெப்டன் நிலங்க தர்மரத்னவிற்கும் மேற்கு கடற்படை கட்டளைத் தளபதி ரியர் அட்மிரல் ஜகத் குமார பாராட்டுக்களை தெரிவித்த பின்னர்,குறித்த இரண்டு கப்பல்களும் தீவை விட்டுப் புறப்பட்டன.

மேலும், இதுபோன்ற பலதரப்பு கடற்படைப் பயிற்சிகளில் பங்கேற்பது, இலங்கை கடற்படைக்கு பிராந்திய மற்றும் உலகளாவிய கடற்படைகள், கடலோரக் காவல்படை மற்றும் பிற கடல்சார் பங்குதாரர்களுடன் பரஸ்பர ஒத்துழைப்பு மற்றும் இயங்குதன்மையை மேம்படுத்துவதற்கான வாய்ப்பை வழங்கும். மேலும், கடல்சார் நடவடிக்கைகள் தொடர்பான புதிய அறிவு, மூலோபாய அணுகுமுறைகள் மற்றும் அனுபவங்களைப் பகிர்ந்து கொள்வது, இந்தியப் பெருங்கடல் பிராந்தியத்தில் புதிய கடல்சார் சவால்களைக் கண்டறிதல் மற்றும் அவற்றுக்கான தீர்வுகளை கூட்டாகக் கண்டறிய முடியும் போன்ற பல நன்மைகளைப் பெறும்.