“க்லீன் ஶ்ரீ லங்கா" தேசியத் திட்டத்துடன் இணைந்து, வடக்குக் கடற்கரையைத் தூய்மைப்படுத்தும் சமூக வேளை திட்டம் கடற்படையின் பங்கேற்புடன் வெற்றிகரமாக நடத்தப்பட்டது

“க்லீன் ஶ்ரீ லங்கா" தேசியத் திட்டத்தின் கீழ், தீவைச் சுற்றியுள்ள கடற்கரையைத் தூய்மைப்படுத்தும் நோக்கில் அரசாங்கத்தால் செயல்படுத்தப்படும் "சுத்தமான கடற்கரை - ஒரு கவர்ச்சிகரமான சுற்றுலாத் தலம்" என்ற தேசியத் திட்டத்திற்கு இணங்க, வடக்கு பிராந்தியத்தைச் சுற்றியுள்ள கடற்கரையைத் தூய்மைப்படுத்தும் ஒரு சிறப்பு சமூக சேவை நிகழ்ச்சி, இலங்கை கடற்படையின் தீவிர பங்கேற்புடன் 2026 மே 23 அன்று வெற்றிகரமாக நடைபெற்றது.

இந்தத் திட்டத்தின் முக்கிய நோக்கம், கடல்சார் சூழல் அமைப்பைப் பாதுகாப்பது, கடற்கரையைத் தூய்மையாகவும் கவர்ச்சியாகவும் பராமரிப்பது மற்றும் சுற்றுலாத் துறைக்கு உகந்த சூழலை உருவாக்குவது ஆகும். அதன்படி, கடற்கரையோரத்தில் சிதறிக் கிடந்த பெருமளவிலான பிளாஸ்டிக், பாலித்தீன், கண்ணாடி, கைவிடப்பட்ட மீன்பிடி உபகரணங்கள் மற்றும் பிற திடக்கழிவுகள் சேகரிக்கப்பட்டு, சுற்றுச்சூழலுக்குத் தீங்கு விளைவிக்காத வகையில் உரிய முறைகளின்படி அப்புறப்படுத்தப்பட்டன.

மேலும், அரசு நிறுவனங்களின் பிரதிநிதிகள், இராணுவம், காவல்துறை, சுற்றுச்சூழல் அமைப்புகள் மற்றும் உள்ளூர் பொதுமக்கள் இந்த சமூக சேவைத் திட்டத்தில் பங்கேற்று தீவிரமாகப் பங்களித்தனர்.