තහනම් ධීවර දැල් 274ක් සමඟ සැකකරුවෙක් යාපනයේදී නීතියේ රැහැනට
ශ්රී ලංකා නාවික හමුදාව, පොලිස් විශේෂ කාර්යය බලකාය හා එක්ව යාපනය නගරයේ 2026 නොවැම්බර් මස 19 වැනි දින සිදුකළ විශේෂ සෝදිසි මෙහෙයුමකදී, අලෙවි කිරීමට සුදානම් කර තිබූ තහනම් ධීවර දැල් දෙසිය හැත්තෑ හතරක් (274) සමඟ එක් සැකකරුවෙක් (01) නීතියේ රැහැනට හසුකර ගැනීමට කටයුතු කෙරිණි.
ඒ අනුව, උතුරු නාවික විධානයට අයත් ශ්රී ලංකා නාවික නෞකා කංචදේව ආයතනය වෙත ලද විශ්වසනීය තොරතුරකට අනුව, යාපනය පොලිස් විශේෂ කාර්යය බලකාය හා එක්ව යාපනය නගරය ආශ්රිත ප්රදේශයේ සිදුකළ මෙම විශේෂ සෝදිසි මෙහෙයුමේදී ප්රදේශයේ වෙළඳසැලක් පරික්ෂාවට ලක්කෙරිණි. එහිදී, නීති විරෝධී ලෙස අලෙවි කිරීමට සූදානම් කර තිබූ මෙම තහනම් ධීවර දැල් තොගය සමඟ වයස අවුරුදු 48ක් වන යාපනය ප්රදේශයෙහි පදිංචි සැකකරුවෙකු අත්අඩංගුවට ගනු ලැබීය.
තවද, අත්අඩංගුවට ගත් එම සැකකරු සහ තහනම් ධීවර දැල් තොගය ඉදිරි නීතිමය කටයුතු සඳහා යාපනය ධීවර හා ජලජ සම්පත් දෙපාර්තමේන්තු කාර්යාලය වෙත භාරදීමට කටයුතු කෙරිණි.













