இலங்கை மோட்டார் வண்டி மற்றும் மோட்டார் சைக்கிள் ஓட்டுபவர்கள் சங்கத்தினால் ஏற்பாடு செய்யப்பட்ட ‘MAHAMERUWA RALLY CROSS – 2024’ ஓட்டப் போட்டித் தொடர் 2024 ஜூலை 28 ஆம் திகதி கிரிஉல்ல, மஹமெருவ ஓட்டப் பாதையில் நடைபெற்றதுடன், அங்கு கடற்படை அதிதீவிர மோட்டார் சைக்கிள் அணியினர் மோட்டார் சைக்கிள் பிரிவில் பல வெற்றிகளைப் பெற்றனர்.

கட்டளைகளுக்கு இடையேயான மேசைபந்து போட்டித் தொடர் - 2024 ஜூலை 02 ஆம் திகதி முதல் 05 ஆம் திகதி வரை இலங்கை கடற்படை கப்பல் கெமுனு நிறுவனத்தின் பராக்கிரம சமரவீர ஞாபகார்த்த உள்ளக விளையாட்டரங்கில் நடைபெற்றதுடன், 2024 ஜூலை 02 முதல் 05 வரை நடைபெற்ற ஆண்களுக்கான ஒட்டுமொத்த சாம்பியன்ஷிப்பையும், பெண்களுக்கான ஒட்டுமொத்த சாம்பியன்ஷிப்பையும் மேற்கு கடற்படை கட்டளையே தழுவிக்கொண்டது.

கடற்படை மற்றும் கடல்சார் அகடமி டெனிஸ் மைதானத்தில் 2024 ஜூன் 22 முதல் 29 வரை இடம்பெற்ற ‘கட்டளைகளுக்கு இடையேயான டெனிஸ் போட்டித்தொடர் – 2024’ யின் கோப்பையை வடக்கு கடற்படை கட்டளை வென்றதுடன், இப் போட்டித் தொடரில் இரண்டாம் இடத்தை வட மத்திய கடற்படை கட்டளை வென்றது.

2024 ஜூன் 01 ஆம் திகதி மிரிஸ்வத்த அன்டிய பிரதேசத்தில் நடைபெற்ற எரங்க பாத்திய சைக்கிள் போட்டியில் ஆண்கள் மற்றும் பெண்களுக்கான மூன்றாம் இடங்களை கடற்படையினர் கைப்பற்றினர்.

‘கடற்படை கட்டளைகளுக்கு இடையிலான விளையாட்டுப் போட்டித்தொடர் – 2024, திருகோணமலை கடற்படை மற்றும் கடல்சார் அகடமியில் கிழக்கு கடற்படைக் கட்டளைத் தளபதி ரியர் அட்மிரல் காஞ்சன பானகொடவின் தலைமையில் 2024 ஜூன் 01ம் மற்றும் 02ம் திகதிகளில் நடைபெற்றது, இதில் ஆண்களுக்கான வெற்றி வாகையை வெளியீட்டு கட்டளையும் பெண்களுக்கான வெற்றி வாகையை தெற்கு கடற்படை கட்டளையும் வென்றது.

தாய்வானின், தாய்பேயில் நடைபெறுகின்ற தாய்வான் திறந்த தடகளப் போட்டித்தொடரில் 2024 ஜூன் மாதம் 01 ஆம் திகதி நடைபெற்ற 1500 மீற்றர் பெண்கள் ஓட்டப் போட்டியில் இலங்கைப் பிரதிநிதியாக கலந்து கொண்ட இலங்கை கடற்படை வீராங்கனை கயந்திகா அபேரத்ன வெள்ளிப் பதக்கத்தை வென்றார்.

இலங்கை பேஸ்பால் சங்கம் ஏற்பாடு செய்த 2024 தேசிய சுப்பர் லீக் பேஸ்பால் சாம்பியன்ஷிப், 2024 மே 10 , 11 ஆம் திகளில் இலங்கையின் டயகமவில் உள்ள ஜப்பான் நட்புறவு பேஸ்பால் மைதானத்தில் நடைபெற்றது, இதில் கடற்படை ஆண்கள் பேஸ்பால் அணி இரண்டாம் நிலை பட்டத்தை வென்றது.

2024 ஏப்ரல் 18 முதல் 2024 ஏப்ரல் 21 வரை பாகிஸ்தானின் இஸ்லாமாபாத்தில் உள்ள Margalla Greens Golf Club யில் நடைபெற்ற 63வது தேசிய கோல்ஃப் சாம்பியன்ஷிப் போட்டித்தொடரில் இலங்கையை பிரதிநிதித்துவப்படுத்திய கடற்படை கோல்ப் வீரர் சாலித புஷ்பிக மற்றும் ரோயல் கொழும்பு கோல்ஃப் சங்கத்தைச் சேர்ந்த உசித ரணசிங்க ஆகியோர் ஜே.ஆர்.ஜெயவர்தன கோப்பையை வென்றனர்.

2024 மார்ச் 25 முதல் 28 வரை Royal Colombo Golf Club – Borella இல் நடைபெற்ற SLG Golf National Ranking போட்டித்தொடரில் கடற்படை கோல்ப் விளையாட்டு வீரர் சலித புஷ்பிக முதலிடத்தைப் பெற்றுள்ளார்.

இலங்கை மோட்டார் வண்டி மற்றும் மோட்டார் சைக்கிள் ஓட்டுநர்கள் சங்கம் மற்றும் இலங்கை இராணுவத்தின் விஜயபாகு ரெஜிமென்ட் இணைந்து ஏற்பாடு செய்த 'விஜயபாஹு மோட்டார் கிராஸ் - 2024' போட்டித்தொடர் 2024 மார்ச் 31 ஆம் திகதி குருநாகல், போயகனே இராணுவ ஓடுபாதையில் இடம்பெற்றதுடன் அங்கு கடற்படை வீரர்கள் மோட்டார் சைக்கிள் பிரிவில் பல வெற்றிகள் பெற்றனர்.