பன்னிரண்டாவது (12) பாதுகாப்பு சேவைகள் விளையாட்டுப் போட்டித்தொடரில் - 2022/23, பாதுகாப்பு சேவை கைப்பந்து போட்டிகள் 2022 நவம்பர் 09, 10 மற்றும் 11 ஆகிய திகதிகளில் மினுவாங்கொடை ‘Airport Sports Complex’ யில் நடைபெற்றதுடன் அங்கு கடற்படை ஆண்கள் கைப்பந்து அணி பாதுகாப்பு சேவை கைப்பந்து சாம்பியன்ஷிப்பை வெற்றி பெற்றது.

12வது பாதுகாப்பு சேவைகள் கயிறு இழுத்தல் போட்டித்தொடர் 2022 ஒக்டோபர் 26 மற்றும் 28 ஆம் திகதிகளில் கட்டுநாயக்க இலங்கை விமானப்படை மைதானத்தில் நடைபெற்றதுடன் இங்கு இலங்கை கடற்படை ஆண்கள் மற்றும் பெண்கள் கயிறு இழுத்தல் அணிகள் இராணுவ அணிகளுக்கு எதிரான இறுதிப் போட்டியில் இரண்டாம் இடத்தைப் பெற்றன.

12வது பாதுகாப்பு சேவைகள் விளையாட்டுப் போட்டித்தொடர் பாதுகாப்பு அமைச்சின் செயலாளர் ஜெனரல் (ஓய்வுபெற்ற) கமல் குணரத்னவின் தலைமையில் 2022 ஒக்டோபர் 19 ஆம் திகதி பனாகொட இராணுவ முகாமின் புதிய உள்ளக விளையாட்டரங்கில் ஆரம்பமானதுடன் இந் நிகழ்வுக்காக கடற்படைத் தளபதி வைஸ் அட்மிரல் நிஷாந்த உலுகேதென்னவும் கலந்துகொண்டார்.

சர்வதேச கெரம் கூட்டமைப்பு ஏற்பாடு செய்த (08th Carrom World Championship -2022) போட்டித்தொடர் 2022 அக்டோபர் 03 முதல் 07 வரை மலேசியாவின் லங்காவியில் நடைபெற்றதுடன் இப் போட்டித்தொடரில் இலங்கையை பிரதிநிதித்துவப்படுத்தி பங்குபெற்ற கடற்படை வீரர் நிஷாந்த பெர்னாண்டோ மற்றும் கடற்படை வீராங்கணி ஜோசப் ரோஷிடா ஆகியோர் சிறந்த செயல்திறனை வெளிப்படுத்தி வெள்ளி மற்றும் வெண்கலப் பதக்கங்களை வென்றனர்.

இலங்கை குத்துச்சண்டை சங்கம் ஏற்பாடு செய்த ‘Intermediate Boxing Championship – 2022 போட்டித்தொடர் 2022 ஒக்டோபர் 05 முதல் 08 வரை கொழும்பு ரோயல் கல்லூரி உள்ளக குத்துச்சண்டை அரங்கில் நடைபெற்றது, இதில் இலங்கை கடற்படை 02 தங்கப் பதக்கங்கள், 02 வெள்ளிப் பதக்கங்கள் மற்றும் 03 வெண்கலப் பதக்கங்களை வென்றது.

கடற்படை கட்டளைகளுக்குக் இடையேயான பாய்மரப் படகோட்டம் போட்டித்தொடர் 2022 ஒக்டோபர் 04 ஆம் திகதி முதல் 07 ஆம் திகதி வரை திருகோணமலை உள் துறைமுகத்தில் வெற்றிகரமாக நடைபெற்றதுடன் இதில் ஆண்களுக்கான சாம்பியன்ஷிப்பை ஏவுகணை கட்டளை மற்றும் பெண்களுக்கான சாம்பியன்ஷிப்பை பயிற்சிக் கட்டளை வென்றது.

இலங்கை விமானப்படையால் முதன்முறையாக ஏற்பாடு செய்யப்பட்ட 'Monsoon Cup - 2022' கோல்ஃப் போட்டித்தொடர் 2022 ஒக்டோபர் 01 ஆம் திகதி திருகோணமலை சைனா ஹார்பர் கோல்ப் மைதானத்தில் வெற்றிகரமாக நிறைவு பெற்றதுடன், கடற்படையை பிரதிநிதித்துவப்படுத்திய வீரர்கள் சிறந்த ஆட்டத்தை வெளிப்படுத்தி விருதுகளை வென்றனர்.

நேபாளத்தின் புகாராவில் (Pokhara) நடைபெற்ற 03வது மவுண்ட் எவரெஸ்ட் சர்வதேச திறந்த டேக்வாண்டோ சாம்பியன்ஷிப் போட்டித்தொடர் 2022 யில் இலங்கையை பிரதிநிதித்துவப்படுத்திய கடற்படை தடகள வீராங்கனை நிசன்சலா சந்தமாலி வெள்ளிப் பதக்கத்தை வென்றார்.

தேசிய துப்பாக்கி சங்கம் மற்றும் ஸ்கார்பியன் விளையாட்டுக் கழகம் இணைந்து மூன்றாவது முறையாக ஏற்பாடு செய்த Extreme shot Gun Challenge மற்றும் IPSC Shot Gun Nationals போட்டித்தொடர் - 2022 ஆகஸ்ட் 26 முதல் 28 வரை பானலுவ இராணுவ துப்பாக்கிச் சூடு தளத்தில் இடம்பெற்றதுடன் இலங்கை கடற்படையை பிரதிநிதித்துவப்படுத்தி, இப் போட்டித் தொடரில் கலந்து கொண்ட விளையாட்டு வீரர்கள் அங்கு பல வெற்றிகளை பெற்றுள்ளனர்.

ஐக்கிய இராச்சியத்தின் பர்மிங்ஹாம் நகரில் நேற்று (ஆகஸ்ட் 02) நடைபெற்ற “காமன்வெல்த் விளையாட்டு 2022” போட்டிகளில் பெண்களுக்கான 800 மீ ஓட்டப்`போட்டியில் இலங்கை கடற்படையின் பெண் சிறு அதிகாரி கயந்திகா அபேரத்ன இலங்கை சாதனையை முறியடித்துள்ளார்.