ධීවර කටයුතු සඳහා ගාල්ල ධීවර වරායෙන් පිටත් වූ “ජනත පුතා 2” නමැති බහු දින ධීවර යාත්‍රාව අද (11) උදෑසන වෙළඳ නෞකාවක ගැටී අනතුරකට ලක් වූ අතර, එහි සිටි ලාංකික ධීවරයින් 7 දෙනෙකු නිරුපද්‍රිතව බේරා ගොඩබිම වෙත රැගෙන ඒමට නාවික හමුදාව සමත් විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයකට අනුව නාවික හමුදා පර්යේෂණ හා සංවර්ධන ඒකකය මගින් නිපදවන ලද තවත් ප්‍රති ආස්‍රැත ජල පිරිපහදු යන්ත්‍ර 6 ක් අද (10) විවෘත කෙරිණි.

ශ්‍රී ලංකා නාවික හමුදා පුද්ගලයින්ගේ ප්‍රයෝජනය සඳහා නාවික හමුදා බෞද්ධ සංගමය විසින් අනුරාධපුර මිහින්තලය ප්‍රදේශයේ ඉදිකරමින් පවතින නිවාඩු ‍නිකේතන සංකීර්ණය වෙනුවෙන් නාවික හමුදා ක්‍රිස්තියානි සංගමය ද මූල්‍යමය දායකත්වයක් සැපයීමට ඉදිරිපත්ව ඇත.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මැතිතුමාගේ සංකල්පයකට අනුව නාවික හමුදා පර්යේෂණ හා සංවර්ධන අංශය තම දැනුම හා තාක්‍ෂණික ඥානය ප්‍රයෝජනයට ගනිමින් තවත් ඵලදායි වැඩ පිළිවෙලක් නාවික හමුදාව තුළ දියත් කර ඇත.

නාවික හමුදා පුද්ගලයින් වෙත වීර පදක්කම් ප්‍රදානය කිරීමේ උත්සවය නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ ප්‍රධානත්වයෙන් අද (9) නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවණාගා‍රයේදී පැවැත් විණි.

මීගමුව නාවික උප අනුඛණ්ඩයට අනුයුක්ත නාවිකයින් පිරිසක් විසින් මීගමුව ධීවර වරායේ සිදු කරන ලද සෝදිසි කිරීමකදී ඊයේ (8) බහුදින ධීවර යාත්‍රාවක තිබී වියළි කැස්බෑ මස් කිලෝග්රූම් 1.8 සමග පුද්ගලයන් 4 දෙනෙකු අත්අඩංගුවට ගන්නා ලදි.

උතුරුමැද නාවික විධානයට අයත් මන්නාරම, ශ්‍රී ලංකා නාවික නෞකා ගජබා ආයතනයට අනුයුක්ත නාවිකයින් පිරිසක් විසින් අද (8) පල්ලෙමුනේ ප්‍රදේශයට ඔබ්බෙන් වූ මුහුදු සීමාවේදී තහනම් දැල් භාවිතා කරමින් නීති විරෝධී ලෙස ධීවර කටයුතු වල නිරත වූ ලාංකික ධීවරයින් 9 දෙනෙකු අත්අඩංගුවට ගැනීමට සමත් විය.

නාවික හමුදා බුද්ධි අංශය වෙත ලද තොරතුරකට අනුව, උතුරු නාවික විධානයට අයත්, චලෙයි නාවික අනුඛණ්ඩයට අනුයුක්ත නාවිකයන් පිරිසක් විසින් සිදු කරන ලද වැටලීමකදී අද (7) චලෙයි ප්‍රදේශයේදී කේරළ ගංජා කිලෝග්‍රෑම් 24 ක් සොයැගැනීමට සමත් විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයකට අනුව නාවික හමුදා පර්යේෂණ හා සංවර්ධන ඒකකය මගින් නිපදවන ලද තවත් ප්‍රති ආස්‍රැත ජල පිරිපහදු යන්ත්‍ර 2 ක් අද (7) අනුරාධපුර පිහිටි කොක්මාදුව සහ පුහුලේවැව යන ප්‍රදේශ වලදී විවෘත කෙරිණි.

නාවික හමුදාපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයක් මත ශ්‍රී ලංකා නාවික හමුදාව විසින් සිදු කරමින් සිටින ප්‍රජා සත්කාර සේවාවන්හි තවත් එක් පියවරක් වශයෙන් උතුරු නාවික විධාන මූලස්ථානය මගින් සංවිධානය කළ ක්‍ෂෙත්‍ර වෛද්‍ය සායනයක් අනලතිව් දූපතේ පිහිටි අයියනාර් පෙර පාසලේ දී උතුරු නාවික විධාන භාර ආඥාපති රියර් අද්මිරාල් පියල් ද සිල්වා මහතාගේ ප්‍රධානත්වයෙන් ඊයේ (6) පවත්වන ලදී.‍