නාවික හමුදා පුද්ගලයින්ගේ සුභසාධන පහසුකම් පුළුල් කිරීම වෙනුවෙන් නිවාඩු නිකේතන දෙකක් උතුරු නාවික විධානයේ ස්ථාපිත කෙරේ

ශ්‍රී ලංකා නාවික හමුදාව විසින් නාවික පුද්ගලයින්ගේ සුභසාධන පහසුකම් තවදුරටත් පුළුල් කිරීමේ අරමුණින්, උතුරු නාවික විධානය තුළ අලුතින් ස්ථාපිත කරන ලද නාවික නිවාඩු නිකේතන දෙකක් (02) විවෘත කිරීම 2026 ජූලි මස 20 සහ 21 යන දෙදින නාවික හමුදා නියෝජ්‍ය මාණ්ඩලික ප්‍රධානී සහ උතුරු නාවික විධානයේ ආඥාපති රියර් අද්මිරාල් බුද්ධික ලියනගමගේ ගේ ප්‍රධානත්වයෙන් සිදු කෙරිණි.

ඒ අනුව, ශ්‍රී ලංකා නාවික නෞකා අග්බෝ ආයතනය මඟින් නාවික අණුඛණ්ඩ සාක්‍යාපුරම්හි අලුතින් ස්ථාපිත කරන ලද කනිෂ්ඨ නාවික නිවාඩු නිකේතනය 2026 ජූලි මස 20 වන දින විවෘත කෙරුණු අතර, නාවික ස්ථානගත කිරීම වෙත්තලකේනි ආයතනයට අයත් නාවික අණුඛණ්ඩ පරන්තන්හි අලුතින් ඉදිකරන ලද නාවික නිවාඩු නිකේතනය 2026 ජූලි මස 21 වන දින විවෘත කෙරිණි.

නාවික පුද්ගලයින්ගේ සුභසාධනය තවදුරටත් ඉහළ නැංවීම සඳහා ශ්‍රී ලංකා නාවික හමුදාව ක්‍රියාත්මක කරනු ලබන වැඩසටහන් මාලාවේ තවත් වැදගත් සන්ධිස්ථානයක් ලෙස මෙම නව නිවාඩු නිකේතන දෙක ස්ථාපිත කිරීම හැඳින්විය හැක. මෙම පහසුකම් මඟින් නාවික පුද්ගලයින්ට සහ ඔවුන්ගේ පවුල්වල සාමාජිකයන්ට වඩාත් සුවපහසු හා ගුණාත්මක නිවාඩු නවාතැන් පහසුකම් සලසා දීමට අපේක්ෂා කෙරේ.

මෙම අවස්ථාවන් සඳහා උතුරු නාවික විධානයේ නියෝජ්‍ය ආඥාපති, ශ්‍රී ලංකා නාවික නෞකා අග්බෝ සහ නාවික ස්ථානගත කිරීම වෙත්තලකේනි ආයතනයන්හි අණදෙන නිලධාරීන් ඇතුළු නාවික පුද්ගලයින් පිරිසක් සහභාගී වූහ.