ත්‍රිකුණාමලය, නාවික තඨාකංගනය තුළ නෞකා යාබදව ගැටගසා තැබීම සඳහා පවතින පහසුකම් තව දුරටත් පුළුල් කරමින් එහි අභිනවයෙන් ඉදිකරන ලද ජැටිය විවෘත කිරීම පසුගිය 4 වන දින නැගෙනහිර නාවික විධානය භාර ආඥාපති, රියර් අද්මිරාල් ට්‍රැවිස් සින්නයියා මහතා අතින් සිදු කෙරිණි.

2015 වර්ෂයේ අ.පො.ස උසස් පෙළ විභාගය විශිෂ්ඨ ලෙස සමත් වී ඉංජිනේරු උපාධිය හැදෑරීම සඳහා සුදුසුකම් ලද එච්පීඑම් ප්‍රභාත් සිසුවා වෙත නවීනතම ලැප්ටොප් පරිගණකයක් සහ මුද්‍රණ යන්ත්‍රයක් පිරිනැමීම අද (6) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතා අතින් සිදු කෙරුණි.

තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයින් 3 දෙනෙකු ස්ථාන දෙකකදී අත්ඩඅංගුවට ගැනීමට නාවික හමුදාව ඊයේ (5) සමත් විය.

නාවික හමුදාව වෙත ලැබුණු තොරතුරකට අනුව වයඹ නාවික විධානයට අයත් පුත්තලමෙහි පිහිටි ශ්‍රී ලංකා නාවික නෞකා තම්බපන්නි ආයතනයේ බුද්ධි අංශයට අනුයුක්ත නාවික පුද්ගලයන් පිරිසක් විසින් ඊයේ (4) පින්කට්ටිය ප්‍රදේශයේදී නීතිවිරෝධී මත්පැන් පෙරීම සඳහා යොදා ගන්නා ලද ද්‍රව්‍ය හා උපකරණ තොගයක් අත්අඩංගුවට ගන්නා ලදී.

නාවික බුද්ධි අංශය වෙත ලද තොරතුරකට අනුව, උතුරු මැද නාවික විධානයට අයත් මන්නාරම හි පිහිටි, ශ්‍රීලංනානෞ ගජබා ආයතනයට අනුයුක්ත නාවිකයන් පිරිසක් විසින් සිදු කළ වැටලීමකදී අද (3) සවස පල්ලිමුනේ ප්‍රදේශයේදී හෙරොයින් කිලෝග්‍රෑම් 2.24 ක් ප්‍රවාහනය කරමින් සිටි ඉන්දීය ජාතිකයෙකු සහ එයට සම්බන්ධ ලාංකිකයන් 5 දෙනෙකු අත්අඩංගුවට ගැනීමට හැකිවිය.

ශ්‍රී ලංකා නාවික නෞකා විජයබා ආයතනයට සහ ශ්‍රී ලංකා වෙරළාරක්ෂක දෙපාර්තමේන්තුවට අයත් නාවිකයින් විසින් අද (3) ගොපාල්පුරම් ප්‍රදේශයට ඔබ්බෙන් වූ මුහුදු සීමාවේදී දියේ ගිලෙමින් සිටි පුද්ගලයන් 2 දෙනෙකුගේ දිවි බේරා ගැනීමට සමත් විය.

උතුරු නාවික විධානයට අයත් කන්කසන්තුරේ හි පිහිටි, ශ්‍රීලංනානෞ උත්තර සහ කයිට්ස් හි පිහිටි, ශ්‍රීලංනානෞ කන්චදේව යන ආයතන වලට අනුයුක්ත නාවිකයන් පිරිසක් විසින් ඒකාබද්ධව කරන ලද වැටලීමකදී ඊයේ (2) චාවකච්චේරි ප්‍රදේශයේදී කේරළ ගංජා කිලෝග්‍රෑම් 2 ක් ප්‍රවාහනය කරමින් සිටි පුද්ගලයන් දෙදෙනෙකු අත්අඩංගුවට ගැනීමට හැකිවිය.

නාවික හමුදාව විසින් සිවිල් ජනතාව වෙනුවෙන් ප්‍රජා සත්කාරක සේවාවන් රැසක් ක්‍රියාත්මක කරමින් පවතීන අතර, එහි තවත් එක් ව්‍යාපෘතියක් වශයෙන් කැබිතිගොල්ලෑව, ගෝනහත්දෙනාව ප්‍රදේශයේ ජනතාවගේ ප්‍රයෝජනය සඳහා ස්ථාපිත කරන ලද ප්‍රති ආශ්‍රැත ජල පිරිපහදු යන්ත්‍රය (RO Plant) ඊයේ (2) උතුරු මැද නාවික විධාන භාර ආඥාපති කොමදෝරු මෙරිල් වික්‍රමසිංහ මහතාගේ සුරතින් විවෘත කරන ලදී.

නැ‍ගෙනහිර නාවික විධානයට අයත්, ත්‍රිකුණාමලය හි පිහිටි 4 වන වේග ප්‍රහාරක මුර යාත්‍රා බලඝණයට අනුයුක්ත පී 4444 සහ පී 4445 යාත්‍රාවල රාජකාරීයේ නියුතු නිලධාරීන් සහ නාවිකයන් පිරිසක් විසින් ඊයේ (2) කොක්කුතුඩුවායි ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධී ධීවර කටුයුතුවල නිරතව සිටි ලාංකික ධීවරයින් 13 දෙනෙකු ධීවර කටයුතු සඳහා යොදාගත් ඩිංගි යාත්‍රා 4 ක් සහ නීතිවිරෝධී දැල් අත්අඩංගුවට ගන්නා ලදී.

තහනම් ක්‍රම සහ තහනම් දැල් භාවිතා කරමින් නීතිවිරෝධී ලෙස ධීවර කටයුතුවල නිරත වූ ලාංකික ධීවරයින් 11 දෙනෙකු ස්ථාන දෙකකදී අත්අඩංගුවට ගැනීමට නාවික හමුදාව ඊයේ (1) සමත් විය.