එළුවන්කුළම සිංහල විද්‍යාලයේ සිසු දරුවන් වෙනුවෙන් පාසල් උපකරණ බෙදා දීම නාවික හමුදා සේවා වනිතා ඒකකය මඟින් සිදු කෙරේ
70 වන නාවික හමුදා සංවත්සරයට සමගාමීව පුත්තලම, එළුවන්කුලම සිංහල විද්‍යාලයේ අභිනවයෙන් ඉදිකරන ලද පන්තිකාමර ගොඩනැගිල්ල, විද්‍යාගාර ගොඩනැගිල්ල සහ අළුත්වැඩියා කරන ලද පරිඝණක විද්‍යාගාරය සිසු අයිතියට පත් කිරීම නාවික හමුදාධිපති වයිස් අද්මිරාල් නිශාන්ත උළුගේතැන්න ගේ සුරතින් සිදු කෙරුණු අතර, එම පාසලේ සිසු දරු දැරියන්ගේ අධ්‍යාපනයට රුකුලක් වනු වස් ළමුන් 25 දෙනෙකු සඳහා පාසල් උපකරණ කට්ටල බෙදාදීම නාවික හමුදාධිපති‚ සේවා වනිතා ඒකකයේ ගරු සභාපතිතුමිය චන්දිමා උළුගේතැන්න මැතිණිය‚ වයඹ නාවික විධානයේ ආඥාපති රියර් අද්මිරාල් ජයන්ත කුලරත්න සහ විධායක කමිටු සාමාජිකා උදේනි කුලරත්න මැතිණිය, ජ්‍යෙෂ්ඨ අධීක්‍ෂණ නිලධාරී සේවා වනිතා ව්‍යාපෘති රියර් අද්මිරාල් සුජීව සෙනවිරත්න සහ ක්ෂණික ක්‍රියාකාරී යාත්‍රා බලඝණයේ අණදෙන නිලධාරී ඇතුළු ජ්‍යෙෂ්ඨ නිලධාරීන්ගේ සහභාගිත්වයෙන් සිදු කෙරිණි.
09 Aug 2021
සේවා වනිතා ඒකකයේ හිටපු ගරු උප සභාපතිනිය වෙනුවෙන් සමුදීමේ සාදයක්
නාවික හමුදා සේවා වනිතා ඒකකයේ අභිවෘද්ධිය, සාර්ථකත්වය හා සංවර්ධනය උදෙසා සිය දායකත්වය ලබා දුන් හිටපු ගරු උප සභාපතිනී දිළිණි වෑවිට මැතිණියගේ සමුගැනීමේ සාදය සේවා වනිතා ඒකකයේ ගරු සභාපතිනි, චන්දිමා උළුගේතැන්න මැතිණියගේ ප්‍රධානත්වයෙන් 2021 අගෝස්තු 06 වන දින උස්වැටකෙයියාව Malima Club House හීදී පැවැත්වුණි.
06 Aug 2021
නාවික හමුදා සේවා වනිතා ඒකකය මඟින් එප්පාවල සිරි සම්බුද්ධ වීරසිංහාරාම විහාරස්ථානයේ ජල පිරිපහදු මධ්‍යස්ථානයක් ස්ථාපිත කෙරේ.
නාවික හමුදා සේවා වනිතා ඒකකයේ තවත් සමාජ සත්කාරයක් ලෙස, උතුරු මැද පළාතේ උප ප්‍රධාන සංඝනායක පූජ්‍යපාද පන්විල ගුණරතන නායක හිමිපාණන් වහන්සේගේ ඉල්ලීම පරිදි, පණ්ඩුගලම සිරි සම්බුද්ධ විහාරයට අනුබද්ධිත රොටවැව, එප්පාවල සිරි සම්බුද්ධ වීරසිංහාරාම විහාරස්ථාන පරිශ්‍රයේ නාවික හමුදා සේවා වනිතා ඒකකයේ මුල්‍ය දායකත්වයෙන් ස්ථාපිත කල ජල පිරිපහදු මධ්‍යස්ථානය, සේවා වනිතා ඒකකයේ ගරු සභාපතිණී චන්දිමා උළුගේතැන්න මැතිණියගේ සුරතින් 2021 ජූලි 17 දින විවෘත කිරීමට කටයුතු කෙරිණි.
19 Jul 2021
පන්සල්ගොඩැල්ල ප්‍රාථමික විද්‍යාලයේ සිසු දරුවන් වෙනුවෙන් පාසල් උපකරණ බෙදා දීම නාවික හමුදා සේවා වනිතා ඒකකය මඟින් සිදු කෙරේ
ශ්‍රී ලංකා නාවික හමුදාවේ 70 වන සංවත්සරයට සමගාමීව නැගෙනහිර නාවික විධානය මඟින් කන්තලේ පන්සල්ගොඩැල්ල ප්‍රාථමික විද්‍යාලයේ අභිනවයෙන් ඉදිකළ සහ අළුත්වැඩියා කළ ගොඩනැගිලි සිසු අයිතියට පත් කිරීම 2021 ජූලි 08 වන දින නාවික හමුදාධිපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් සහ නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සහභාගීත්වයෙන් සිදු කෙරුණු අතර, එම පාසලේ ශිෂ්‍ය නායකයින් 25 දෙනෙකු සඳහා නාවික හමුදා සේවා වනිතා ඒකකය මඟින් පාසල් උපකරණ ප්‍රධානය කිරීම ද සිදු කෙරිණි.
09 Jul 2021
ශ්‍රීලංනානෞ වළගම්බා ආයතනයේ අභිනව සේවා වනිතා සුභසාධක ගොඩනැගිල්ල විවෘත කරේ
නාවික හමුදා සේවයේ නියුතු නාවික පුද්ගලයන් හා ඔවුන්ගේ පවුල්වල සාමාජිකයින්ගේ සුභසාධනය පෙරදැරි කර ගනිමින් නාවික හමුදා සේවා වනිතා ඒකකයේ ගරු සභාපතිනියගේ මග පෙන්වීම මත ශ්‍රීලංනානෞ වළගම්බා ආයතනයේ අභිනවයෙන් ඉදිකරන ලද සේවා වනිතා සුභසාධක ගොඩනැගිල්ල 2021 ජුලි මස 07 වන දින නාවික හමුදාධිපති, වයිස් අද්මිරාල් නිශාන්ත උළුගෙතැන්න ගේ සහභාගිත්වයෙන් නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සුරතින් විවෘත කරන ලදි.
09 Jul 2021
නාවික හමුදා සේවා වනිතා නැවුම් එළවළු සහ පළතුරු අලෙවි සැල ශ්‍රීලංනානෞ ගැමුණු ආයතනයේදී විවෘත කෙරේ
නාවික හමුදා සේවා වනිතා ඒකකය මඟින් ශ්‍රීලංනානෞ ගැමුණු ආයතනයේ පිහිටි සේවා වනිතා ගොඩනැගිලි සංකීර්ණ පරිශ්‍රයේ ඉදිකරන ලද අභිනව නැවුම් එළවළු සහ පළතුරු අලෙවි සැල සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ සුරතින් 2021 ජුනි මස 28 වන දින විවෘත කිරීමට කටයුතු කෙරිණි.
09 Jul 2021
සේවා වනිතා ඒකකය මඟින් නැගෙනහිර නාවික විධානයේ ‘ලේ දන්දීමේ පිංකමක්’
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ මඟ පෙන්වීම යටතේ නාවික හමුදා සේවා වනිතා ඒකකය මඟින් සියලුම නාවික විධානයන් ආවරණය වන පරිදි 2021 මැයි 24 වන දින සංවිධානය කරන ලද ලේ දන්දීමේ වැඩසටහනට සමගාමීව නැගෙනහිර නාවික විධානයෙහි පවත් වන ලද ලේ දන්දිමේ වැඩසටහන නියෝජ්‍ය මාණ්ඩලික ප්‍රධානි සහ නැගෙනහිර නාවික විධානයේ ආඥාපති රියර් අද්මිරාල් වයිඑන් ජයරත්න ගේ සහභාගීත්වයෙන් ශ්‍රීලංනානෞ ‘තිස්ස’ ආයතනයේ සේවා වනිතා පෙර පාසල් පරිශ්‍රයේ දි අද (2021 මැයි 30) පැවැත්වීමට කටයුතු කෙරිණි.
30 May 2021
නාවික හමුදා සේවා වනිතා ඒකකය මඟින් මහරගම අපේක්‍ෂා රෝහල වෙත පරිත්‍යාගයක්
නාවික හමුදා සේවා වනිතා ඒකකය මගින් මහරගම අපේක්‍ෂා රෝහලේ ප්‍රතිකාර ලබන ළමුන්ගේ සහ අනෙකුත් රෝගින්ගේ ප්‍රයෝජනය සඳහා සනීපාරක්‍ෂක භාණ්ඩ, විදුලි උපකරණ සහ Medical Oxygen Cylinder පරිත්‍යාග කිරීම සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ ප්‍රධානත්වයෙන් අපේක්‍ෂා රෝහල් පරිශ්‍රයේදී අද (2021 මැයි 25) දින සිදු කෙරිණි.
25 May 2021
නාවික හමුදා සේවා වනිතා ඒකකය මඟින් ජිනානන්ද ළමා සංවර්ධන මධ්‍යස්ථානය වෙත වියලි සළාක පරිත්‍යාගයක්
නාවික හමුදා සේවා වනිතා ඒකකයේ ගරු සභාපතිනී චන්දිමා උළුගේතැන්න මැතිණියගේ උපදෙස් හා මගපෙන්විම යටතේ නාවික හමුදා සේවා වනිතා ඒකකය විසින් ශ්‍රී සුගත විහාරස්ථානයේ පිහිටි ශ්‍රී ජිනානන්ද ළමා සංවර්ධන මධ්‍යස්ථානයේ වෙසෙන ස්වාමින් වහන්සේලා සහ එහි රැකවරණය ලබන දරුවන් වෙනුවෙන් වියලි ද්‍රව්‍යමය ආහාර සළාකයන් ලබාදීම අද (2021 මැයි 25) ශ්‍රී සුගත විහාරස්ථාන පරිශ්‍රෙය් සිදුකරන ලදි.
25 May 2021
නාවික හමුදා සේවා වනිතා ඒකකය මඟින් මෙතෙක් සිදුකළ විශාලතම ලේ දන්දීමේ වැඩසටහන සියළුම නාවික විධාන අවරණය වන පරිදි පවත්වයි
පවතින වසංගත තත්ත්වය හමුවේ පරිත්‍යාගශීලීන් හට ලේ පරිත්‍යාග කිරීමේ දුෂ්කරතා මතුවන හෙයින් රටපුරා රෝහල්හි ඇති ලේ බැංකු සහ ජාතික ලේ බැංකුවෙහි පවතින රුධිර සංචිත ප්‍රමාණයන් සීඝ්‍ර ලෙස පහත වැටී ඇත. මේ හේතුවෙන් ලේ බැංකුවෙන් සහ අපේක්‍ෂා රෝහල ඇතුළු බොහෝ රෝහල් වෙතින් ලේ පරිත්‍යාග කරන ලෙස විවෘත මෙන්ම සෘජු ඉල්ලීම්ද නොකඩවා ලැබිණි.
24 May 2021