වැදගත් සිදුවීම්

222 වන බඳවාගැනීමට අයත් නාවිකයන් 387 දෙනෙකු විසිර යති

ශ්‍රී ලංකා නිත්‍ය නාවික හමුදාවේ 222 වන බඳවා ගැනීමට අයත් නාවිකයන් 387 දෙනෙකු සිය මුලික පුහුණුව නිමකොට විසිරයාමේ පෙළපාලිය පූනෑවේ පිහිටි ශ්‍රීලංනානෞ ශික්ෂා ආයතනයේ ප්‍රධාන සරඹ පිටියේදී 2015 අ‌ගෝස්තු මස 15 වන දින පැවැත්විණි.

16 Aug 2015

ලුතිනන් කොමාණ්ඩර් රුවන් ප්‍රේමවීර විසින් රචිත ˝ගෝණපුර අසිරිය˝ නම් කෘතිය නාවික හමුදාධිපතිතුමාහට පිළිගැන්වේ

ලුතිනන් කොමාණ්ඩර් රුවන් ප්‍රේමවීර විසින් ත්‍රිකුණා‍මලය දිස්ත්‍රික්කයේ ‍ඓතිහාසික ස්ථාන අලලා රචිත ˝ගෝණපුර අසිරිය˝ නමැති පර්යේෂණාත්මක කෘතියේ මුල් පිටපත නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා වෙත අද දින (14) නාවික හමුදා මූලස්ථානයේදී පිළිගන්වන ලදී.

14 Aug 2015

නීති විරෝධී ධීවර කටයුතු වල නිරතව සිටි ශ්‍රී ලාංකික ධීවරයින් 17 දෙනෙකු නාවික හමුදා අත්අඩංගුවට

නැගෙනහිර නාවික විධානයට අයත් නාවික හමුදා මුර සංචාරක යාත්‍රාවන් අද (14) අළුයම ත්‍රිකුණාමලය කොනේෂ්වරම් මුහුදු ප්‍රදේශයේ හැඹිලි දැල් භාවිතා කරමින් නීති විරෝධී ධීවර කටයුතු වල නිරතව සිටි ශ්‍රී ලාංකික ධීවරයන් 17 දෙනෙකු සැකපිට අත්අඩංගුවට ගැනීමට සමත් විය.

14 Aug 2015

නාවික හමුදා කාන්තා ක්‍රිකට් කණ්ඩායම ප්‍රිමියර් ක්‍රිකට් ශූරතාවය දිනා ගනියි

2015 ශ්‍රී ලංකා කාන්තා ප්‍රීමියර් ක්‍රිකට් තරඟාවලියේ අවසන් තරඟය නාවික හමුදා කණ්ඩායම සහ ගුවන් හමුදා කණ්ඩායම අතර 2015 අගෝස්තු මස 13 වන දින කොළඹ කෝල්ට්ස් ක්‍රීඩාංගනයේ පැවැත්වූ අතර, ඉන් නාවික හමුදා කාන්තා ක්‍රිකට් කණ්ඩායම පහසු ජයග්‍රහණයක් ලබා ගැනීමට සමත් විය.

14 Aug 2015

2015 ජාතික බර ඉසිලීමේ සමස්ථ ශූරතාවය නාවික හමුදාව දිනාගනී

2015 අගෝස්තු මස 11 සහ 12 වන දින ශ්‍රී ලංකා පදනම් ආයතනයේ ගෘහස්ත ක්‍රීඩාගාරයේ පැවති 2015 ජාතික බර ඉසිලීමේ ශූරතාවලියේ පිරිමි අංශයේ සමස්ථ ශූරතාවය දිනා ගැනීමට නාවික හමුදා බර ඉසිලීමේ සංචිතයට හැකිවිය.

13 Aug 2015

ශ්‍රී ලංකාවේ පකිස්තාන් ආරක්ෂක උපදේශක නාවික හමුදාධිපති හමුවෙයි

ශ්‍රී ලංකාවේ පකිස්ථාන් මහකොමසාරිස් කාර්යාලයේ ආරක්ෂක උපදේශක වශයෙන් කටයුතු කරන කර්නල් මුහම්මද් රාජිල් ඉර්ෂාද් ඛාන් මහතා අද දින (13) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්රා විජේගුණරත්න මහතා හමුවිය.

13 Aug 2015

කල්පිටියේ නිවසක සිදුවූ ගින්න මැඩපැවැත්වීමට නාවික හමුදා සහාය

කල්පිටිය කුරක්කන්හේන ප්‍රදේශයේ නිවසක 11 වන දින අළුයම සිදුවූ ගින්න මැඩපැවැත්වීමට කල්පිටිය නාවික හමුදා කඳවුරේ ගිණි නිවීමේ ඒකකයට හැකි විය.

12 Aug 2015

විශ්‍රාමික ධජ නිලධාරීන්ගේ සංගමය ජෙනරාල් දේශමාන්‍ය ඩෙනිස් පෙරේරා මහතාගේ තෙවන ගුණානුස්මරණ දේශනය සංවිධානය කරයි

විශ්‍රාමික ධජ නිලධාරීන්ගේ සංගමය විසින් වාර්ෂිකව සංවිධානය කරනු ලබන ජෙනරාල් දේශමාන්‍ය ඩෙනිස් පෙරේරා මහතාගේ ගුණානුස්මරණ දේශනය තෙවන වරටත්, ආරක්ෂක මාණ්ඩලික ප්‍රධානී, ත්‍රිවිධ හමුදාපතිවරුන් හා ත්‍රිවිධ හමුදා සේවයේ නියුතු සහ විශ්‍රාමික නිලධාරීන් විශාල පිරිසකගේ මෙන්ම ජෙනරාල් දේශමාන්‍ය ඩෙනිස් පෙරේරා මහතාගේ පවුලේ සාමාජිකයින්ගේ සහභාගීත්වයෙන් රත්මලාන, කොතලාවල ආරක්ෂක විශ්ව විද්‍යාල ශ්‍රවනාගාරයේදී අද (11) සවස පැවැත්විණි.

12 Aug 2015

ශ්‍රී ලංකාවේ බංග්ලාදේශ, ඇමරිකානු සහ රුසියානු ආරක්ෂක උපදේශකයින් නාවික හමුදාපතිතුමන් හමුවේ

ශ්‍රී ලංකා බංග්ලාදේශ මහකොමසාරිස් කාර්යාලයේ ආරක්ෂක උපදේශක කොමදෝරු එස් අස්ලම් පර්වෙස් මහතා, ශ්‍රී ලංකාවේ ඇමරිකානු ආරක්ෂක උපදේශක ලුතිනන් කර්නල් රොබට් රෝස් මහතා සහ ශ්‍රී ලංකාවේ රුසියානු ආරක්ෂක උපදේශක කර්නල් දිමිත්‍රි ඒ මිකාලොව්ස්කි මහතා අද දින (10) කොළඹ නාවික හමුදා මූලස්ථානයේ දී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

10 Aug 2015

යහපත් රාජ්‍ය පරිපාලනය පිළිබඳ දේශනයක් නාවික හමුදා මූලස්ථානයේදී

˝මහජනයා රජය හා සම්බන්ධ වන්නේ රාජ්‍ය සේවකයාගෙනි˝. මහජන අවශ්‍යතා ඉටු කරළීම සඳහා ඔහුට සුවිසල් කාර්යභාරයක් පැවරේ. එහිදී රාජ්‍ය සේවකයන් හට පැවරෙන රාජකාරීන් හා වගකීම් මොනවාද යන්නත්, ඒවා නිසි ලෙස ඉටු කිරීමෙන් යහපත් රාජ්‍ය පරිපාලනයක් ඇති කල හැක්කේ කෙසේද යන්න පිළිබඳවත් ඉතා හරවත් දේශනයක් මහජන සාමය හා ක්‍රිස්තියානි කටයුතු පිළිබඳ අමාත්‍යාංශයේ අතිරේක ලේකම් චූලානන්ද පෙරේරා මහතා විසින් නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවනාගාරයේදී අද (10) දින පැවැත්වීය.

10 Aug 2015