ශ්‍රී ලංකා බොක්සිං සංගමය විසින් සංවිධානය කරන ලද අන්තර් මධ්‍ය බොක්සිං තරගාවලිය - 2023 හීදි රන් පදක්කම් 06 ක්, රීදී පදක්කම් 08 ක් හා ලෝකඩ පදක්කම් 05 ක් දිනාගනිමින් තරගාවලියේ සමස්ථ ශූරතාවය දිනාගැනීමට ශ්‍රී ලංකා නාවික හමුදා බොක්සිං කණ්ඩායම සමත් විය.

2023 අගෝස්තු මස 26 සහ 27 දෙදින, බොල්ගොඩ ජලාශ පරිශ්‍රයෙහි දී පැවති ‘CMYC Team Racing GP 14’ සහ ‘QEQ Sailing Challenge Trophy Open Race – 2023’ රුවල් යාත්‍රා තරඟාවලි සාර්ථකව අවසන් වූ අතර, එහිදී කැපීපෙනෙන දක්ෂතා පෙන්නුම් කල ශ්‍රී ලංකා නාවික හමුදා රුවල් යාත්‍රා කණ්ඩායම ජයග්‍රහණ රැසක් දිනා ගැනීමට සමත් විය.

2023 අගෝස්තු මස 11 වන දින සිට 14 වන දින දක්වා පුත්තලම නගර සභා ක්‍රීඩාංගණයේදී පැවැති, දෙවන ජාතික හෑන්ඩ්බෝල් ශූරතා තරඟාවලියේ යුද හමුදා කණ්ඩායම සමඟ පැවති අවසන් මහ තරඟයෙන් නාවික හමුදා පිරිමි හෑන්ඩ්බෝල් කණ්ඩායම අනුශූරතාවය දිනා ගැනීමට සමත් විය.

2023 ජුලි මස 25 වන දින සිට 28 වන දින දක්වා දියගම මහින්ද රාජපක්‍ෂ ක්‍රීඩාංගණයේදී පැවැති 12 වන ආරක්ෂක සේවා බේස්බෝල් තරඟාවලියෙහි පිරිමි ශුරතාවය නාවික හමුදා බේස්බෝල් කණ්ඩායම දිනා ගැනීමට සමත් විය.

තායිලන්තයේ බැංකොක් නුවර ජාතික ක්‍රීඩාංගණයේදී පැවැත්වෙන, 25 වන ආසියානු මලළ ක්‍රීඩා ශූරතාවලිය සඳහා ශ්‍රී ලංකාව නියෝජනය කරමින් අද දින (2023 ජුලි 16) පැවති මිටර් 800 කාන්තා ධාවන ඉසව්වෙන් ශ්‍රී ලංකා නාවික හමුදාවේ කාන්තා සුළු නිලධාරී ගයන්තිකා අබේරත්න ලෝකඩ පදක්කමක් සහ මීටර් 400x4 සහය දිවීම තරඟයෙන් සාමාන්‍ය කාන්තා නැවි සයුරි මෙන්ඩිස් රිදී පදක්කමක් මව්බිමට දිනාදීමට සමත් විය.

තායිලන්තයේ බැංකොක් නුවර ජාතික ක්‍රීඩාංගණයේදී පැවැත්වෙන, 25 වන අසියානු මලල ක්‍රීඩා ශූරතාවලිය සඳහා ශ්‍රී ලංකාව නියෝජනය කරමින් අද දින (2023 ජුලි 12) පැවති මිටර් 1500 කාන්තා ධාවන ඉසව්ව සඳහා ඉදිරිපත් වූ ශ්‍රී ලංකා නාවික හමුදාවේ කාන්තා සුළු නිලධාරී ගයන්තිකා අබේරත්න ක්‍රීඩිකාව, එම ඉසව්වේ ලෝකඩ පදක්කම මව්බිමට දිනාදීමට සමත් විය.

නාවික හමුදා අන්තර් විධාන රග්බි තරඟාවලිය - 2023, මෙවර උතුරු නාවික විධානයේ ශ්‍රී ලංකා නාවික නෞකා උත්තර රග්බි පිටියේ දී 2023 ජුලි මස 05 සිට 07 දක්වා සාර්ථකව පැවති අතර, එහි පිරිමි ශූරතාවය පුහුණු විධානය විසින් සහ කාන්තා ශූරතාවය බටහිර නාවික විධානය විසින් දිනාගැනීමට සමත් විය.

12 වන ආරක්ෂක සේවා වූෂූ තරඟාවලිය 2023 ජුලි 04 සහ 05 දිනයන්හී වැලිසර නාවික පරිශ්‍රයේ කොමාණ්ඩර් පරාක්‍රම සමරවීර ගෘහස්ථ ක්‍රීඩාගාරයේදී සාර්ථකව පැවැත්වුණු අතර, තරඟාවලියේ පිරිමි සහ කාන්තා ශුරතාවය නාවික හමුදාව දිනා ගැනීමට සමත් විය.

2023 අන්තර් විධාන කාන්තා සය සාමාජික සැහැල්ලු පන්දු ක්‍රිකට් තරඟාවලිය 2023 ජුනි මස 26 සහ 27 යන දිනයන්හිදි වැලිසර නාවික හමුදා ක්‍රිකට් ක්‍රිඩාංගණයේදි පැවති අතර, එහි අවසන් මහා තරඟයේ ප්‍රධාන ආරාධිතයා වශයෙන් නාවික හමුදා ක්‍රිකට් කමිටුවේ සභාපති රියර් අද්මිරාල් ජලාජ් පොන්නම්පෙරුම සහභාගි විය.

2023 ජුනි මස 24 වන දින කටුනායක, ශ්‍රි ලංකා ගුවන් හමුදා කඳවුරු ක්‍රීඩාංගණයේ පැවැති 12 වන ආරක්ෂක සේවා මළල ක්‍රීඩා තරඟාවලියේ පිරිමි සහ කාන්තා අර්ධ මැරතන් අනු ශූරතාවය නාවික හමුදාව දිනා ගැනීමට සමත් විය.