2023 ජුනි මස 23 වන දින ඒකල, ශ්‍රි ලංකා ගුවන් හමුදා ක්‍රීඩාංගණයේදී පැවැති 12 වන ආරක්ෂක සේවා හොකී තරඟාවලිය 2022/ 2023 හි කාන්තා ශුරතාවය නාවික හමුදා කාන්තා හොකී කණ්ඩායම දිනා ගැනීමට සමත් විය.

අන්තර් විධාන මේස පන්දු තරඟාවලිය 2023 ජුනි මස 20 වන දින සිට 24 වන දින දක්වා ශ්‍රී ලංකා නාවික නෞකා ගැමුණු ආයතනයේ කොමාණ්ඩර් පරාක්‍රම සමරවීර අනුස්මරණ ගෘහස්ථ ක්‍රීඩාංගනයේදී පැවති අතර, එහි පිරිමි හා කාන්තා සමස්ථ ශූරතාවය බටහිර නාවික විධානය විසින්ද, පිරිමි සහ කාන්තා සමස්ථ අනුශූරතාවය උතුරු නාවික විධානය විසින් ද හිමිකර ගැනීමට සමත් විය.

අන්තර් විධාන තුන්ප්‍රයාම තරඟාවලිය 2023 ජුනි මස 18 වන දින නැගෙනහිර නාවික විධානයේ නියෝජ්‍ය ආඥාපති කොමදෝරු මහේෂ් ද සිල්වා ගේ ප්‍රධානත්වයෙන් නාවික තඨාකාංගනය ආශ්‍රිත ප්‍රදේශයේ සහ සැන්ඩිබේ වෙරළ තීරයේදී පැවති අතර, එහිදී පිරිමි සහ කාන්තා කණ්ඩායම් ශූරතාවයන් පුහුණු විධානය විසින් දිනා ගැනීමට සමත් විය.

ජපානයේ දී සහ ඩුබායි හිදී පැවති මලල ක්‍රිඩා තරඟාවලීන් මඟින් රන් පදක්කම් දිනා ගත් කාන්තා සුළු නිලධාරී ගයන්තිකා අබේරත්න සහ නාවික හමුදා පැරා ක්‍රීඩක බලනැවි එස්එම්ඒඑස්එම් සුබසිංහ, ඔවුන් හිමි කරගත් රන් පදක්කම් හා කුසලාන අද දින (2023 ජුනි 20) නාවික හමුදා ක්‍රීඩා මණ්ඩලයේ සභාපති වශයෙන් කටයුතු කරනු ලබන නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත ඉදිරිපත් කරන ලද අතර, මව්බිමට අභිමානයක් ගෙනදීමට සිදුකළ සුවිශේෂී දායකත්වය අගයමින් එහිදී නාවික හමුදාධිපති විසින් ඔවුන් වෙත වටිනා මුදල් ත්‍යාග පිරිනැමීම නාවික හමුදා මූලස්ථානයේදී සිදු කෙරිණි.

නාවික හමුදාධිපති වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් 2023 ජුනි මස 09 වන දින වැලිසර නාවික සංකීර්ණ ක්‍රිකට් ක්‍රීඩාංගණයේදි පැවති ‘නාවික හමුදාධිපති කුසලාන ක්‍රිකට් තරඟාවලිය - 2023' (Commander of the Navy’s Cup), සීමිත පන්දුවාර ක්‍රිකට් තරඟාවලියක් ලෙස පැවති අතර, එහි ශූරතාවය දකුණු කලාපය විසින් දිනා ගැනීමට සමත් වූ අතර, තරඟාවලියේ අනුශුරතාවය උතුරු කලාපයට හිමිවිය.

2023 ජුනි මස 05 වන දින සිට 09 වන දින දක්වා ශ්‍රි ලංකා නාවික නෞකා ගැමුණු ආයතනයේ පිහිණුම් තඨාකයේදී පැවැති 12 වන ආරක්ෂක සේවා පිහිණුම් හා දිය පන්දු තරඟාවලියේ පිහිණුම් ශුරතාවය නාවික හමුදා කාන්තා පිහිණුම් කාණ්ඩායම දිනා ගත් අතර, එහි අනුශූරතාවය නාවික හමුදා පිරිමි පිහිණුම් කාණ්ඩායම දිනා ගැනීමට සමත් විය.

ශ්‍රී ලංකා නාවික හමුදා අන්තර් විධාන ක්‍රිකට් තරඟාවලිය - 2023 හි අවසන් මහා තරඟය 2023 මැයි මස 04 වන දින වැලිසර නාවික හමුදා ක්‍රිකට් ක්‍රීඩාංගණයේදී බටහිර නාවික විධානයේ ආඥාපති රියර් අද්මිරාල් සුරේෂ් ද සිල්වා ගේ ප්‍රධානත්වයෙන් පැවති අතර, එහි ශූරතාවය බටහිර නාවික විධානය විසින් දිනාගැනීමට සමත් විය.

ශ්‍රී ලංකා බොක්සිං සංගමය විසින් සංවිධානය කරන ලද ආධුනික බොක්සිං තරගාවලිය - 2023 හීදි රන් පදක්කම් 10 ක්, රීදී පදක්කම් 03 ක් හා ලෝකඩ පදක්කම් 06 ක් දිනාගනිමින් තරගාවලියේ සමස්ථ ශූරතාවය දිනාගැනීමට ශ්‍රී ලංකා නාවික හමුදා බොක්සිං කණ්ඩායම සමත් විය.

12 වන ආරක්‍ෂක සේවා පාපන්දු තරඟාවලිය - 2023, ශ්‍රී ලංකා යුද හමුදාවේ සංවිධායකත්වයෙන් 2023 මැයි මස 03 වන දින සිට 22 වන දින දක්වා කොළඹ තුරඟ තරඟ පිටියේ දී සාර්ථකව පැවැත්වුණු අතර, එහිදී නාවික හමුදා කාන්තා පාපන්දු කණ්ඩායම සමස්ථ ශූරතාවය දිනාගත් අතර, නාවික හමුදා පිරිමි කණ්ඩායම අනුශූරතාවය දිනාගැනීමට සමත්විය.

‘අන්තර් විධාන හෑන්ඩ් බෝල් තරඟාවලිය’, 2023 මැයි මස 18 වන දින සිට 21 වන දින දක්වා උතුරු මැද නාවික විධානයට අයත් ශ්‍රි ලංකා නාවික නෞකා පණ්ඩුකාභය ආයතනයේ ක්‍රීඩා පිටියේ දී සාර්ථකව පැවති අතර, එහි පිරිමි හා කාන්තා සමස්ථ ශූරතාවයන් පුහුණු විධානය විසින් දිනාගැනීමට සමත් විය.