වැදගත් සිදුවීම්
‘කොමාණ්ඩර් පරාක්‍රම සමරවීර අනුස්මරණ ගෘහස්ථ ක්‍රීඩා සංකීර්ණය’ වැලිසර නාවික සංකීර්ණයේදී විවෘත කෙරේ
අභිනවයෙන් ඉදිකරන ලද ශ්‍රී ලංකා නාවික හමුදා ගෘහස්ථ ක්‍රිඩා සංකීර්ණය ‘කොමාණ්ඩර් පරාක්‍රම සමරවීර අනුස්මරණ ගෘහස්ථ ක්‍රිඩා සංකීර්ණය’ ලෙස නම් කර නාවික හමුදාධිපති සහ නාවික හමුදා ක්‍රීඩා මණ්ඩලයේ සභාපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් සහ කොමාණ්ඩර් (මියගිය) පරාක්‍රම සමරවීර නාවික නිලධාරියාගේ දයාබර භාර්යාව වන සුදර්ශනී සමරවීර මැතිණියගේ සහභාගීත්වයෙන් අද (2021 ජුනි 23) වැලිසර නාවික සංකීර්ණයේදී විවෘත කෙරිණි.
23 Jun 2021
“ජල ශාස්ත්‍රිය විද්‍යාව තුළ වසර සියයක අන්තර්ජාතික සහයෝගීතාවය” - ශ්‍රී ලංකා නාවික හමුදා ජල ශාස්ත්‍රිය සේවය ලෝක ජල ශාස්ත්‍රීය දිනය සමරයි.
මිනිසා ජලය මත යාත්‍රා කිරීම ඇරඹුදා සිට ජල ශාස්ත්‍රිය විද්‍යාව වැදගත් කාර්යය භාරයන් ඉටු කරමින් සිටී. මහාද්වීප අතර යාත්‍රා කිරීම පිණිස මුහුදු සිතියමක අවශ්‍යතාව ඇති වූ අතර, දත්ත රැස් කිරීමේ සිට සිතියම් නිර්මාණය දක්වා සියලු කාර්යයන් ජාත්‍යන්තර ප්‍රමිතීන්ට අනුව ඉතා උසස් තත්වයෙන් සිදුකිරීම සඳහා ජල ශාස්ත්‍රිය විද්‍යාව යොදා ගනී. රටක ආර්ථික සංවර්ධනය නගා සිටුවීමට අවශ්‍ය ජලය ආශ්‍රිත මිනුම් කටයුතු සිදුකිරිම තුළින් ජල ශාස්ත්‍රිය සේවය ජාතික අවශ්‍යතාවයන් සපුරා ගැනිම සඳහා අති විශාල දායකත්වයක් ලබා දේ. ශ්‍රී ලංකාව ඇතුලු රටවල් 94ක සාමාජිකත්වය සහිත අන්තර් ජාතික ජල ශාස්ත්‍රිය සංවිධානය (International Hydrographic Organization) කලාපීය වශයෙන් ස්ථාපිත අධිකාරීන් (Regional Hydrographic Commissions) 15 ක් හරහා ලොව පුරා ජල ශාස්ත්‍රිය කටයුතු සම්බන්ධීකරණය සිදුකරයි. මෙම සංවිධානය 1921 ජුනි මස 21 වන දින මොනාකෝ රාජ්‍යයේදී ස්ථාපිත කළ අතර, 2021 ජුනි මස 21 වන දින සිය සියවන සංවත්සරය සමරයි.
21 Jun 2021
ජපාන ස්වයං ආරක්‍ෂක සාගරික බලකාය සහ ශ්‍රී ලංකා නාවික හමුදාව අතර නාවික අභ්‍යාසයක්
ජපාන ස්වයං ආරක්‍ෂක සාගරික බලකායට අයත් ‘KASHIMA’ සහ ‘SETOYUKI’ යන පුහුණු යුද නෞකා ද්විත්වය (02) තෙදින (03) නිල සංචාරයක් සඳහා 2021 ජුනි 18 වන දින කොළඹ වරායට සේන්දු වූ අතර, එම නෞකා ද්විත්වය (02) අද (2021 ජුනි 20) දිවයිනෙන් පිටත්ව යන අවස්ථාවේ ශ්‍රී ලංකා නාවික හමුදාව සමඟ පුහුණු නාවික අභ්‍යාසයක් සිදු කෙරිණි.
20 Jun 2021
නාවික හමුදා දායකත්වයෙන් තලෙයිමන්නාරම ප්‍රාදේශීය රෝහලට ප්‍රතිආශ්‍රැති ජල පිරිපහදු මධ්‍යස්ථානයක්
නාවික හමුදා සමාජ මෙහෙවර ව්‍යාපෘතියේ තවත් ප්‍රජා සත්කාරයක් ලෙස තලෙයිමන්නාරම ප්‍රාදේශීය රෝහල් පරිශ්‍රයේ අභිනවයෙන් ඉදිකළ ප්‍රතිආශ්‍රැති ජල පිරිපහදු මධ්‍යස්ථානය උතුරුමැද නාවික විධානයේ ආඥාපති රියර් අද්මිරාල් සංජීව ඩයස් විසින් 2021 ජුනි 19 දින ජනතා අයිතියට පත් කෙරිණි.
20 Jun 2021
ප්‍රධාන අළුත්වැඩියාවෙන් පසු සීජී 405 යාත්‍රාව වෙරළාරක්‍ෂක දෙපාර්තමේන්තුවට භාර දෙයි
ශ්‍රී ලංකා නාවික හමුදාව මඟින් ප්‍රධාන අළුත්වැඩියාව (Major refit) සිදුකරන ලද ශ්‍රී ලංකා වෙරළාරක්‍ෂක දෙපාර්තුමේන්තුවට අයත් සීජී 405 යාත්‍රාව නැවත ශ්‍රී ලංකා වෙරළාරක්‍ෂක දෙපාර්තුමේන්තුව වෙත භාරදිම 2021 ජුනි 16 වන දින උතුරු නාවික විධානයේ ආඥාපති රියර් අද්මිරාල් ප්‍රියන්ත පෙරේරාගේ ප්‍රධානත්වයෙන් සිදු කෙරිණි.
18 Jun 2021
නාවික හමුදා උත්තමාචාර මැද රියර් අද්මිරාල් සනත් උත්පල නාවික හමුදා සේවයෙන් විශ්‍රාම ලබයි
රියර් අද්මිරාල් සනත් උත්පල සිය වසර 34 කට අධික නාවික සේවය නිමා කරමින් අද (2021 ජුනි 14) දින නාවික හමුදා සේවයෙන් විශ්‍රාම යන ලදී.
14 Jun 2021
ශ්‍රී ලංකා ස්වේච්ඡා නාවික හමුදාවේ ආඥාපති වශයෙන් රියර් අද්මිරාල් උපුල් ද සිල්වා වැඩභාර ගනී
ශ්‍රී ලංකා ස්වේච්ඡා නාවික හමුදාවේ නව ආඥාපති වශයෙන් රියර් අද්මිරාල් උපුල් ද සිල්වා ශ්‍රී ලංකා ස්වේච්ඡා නාවික හමුදා මුලස්ථානයේදී අද (2021 ජුනි 14) වැඩ භාර ගන්නා ලද අතර, එම වැඩ භාර ගැනීමෙන් අනතුරුව නාවික හමුදා මූලස්ථානයේදී නාවික හමුදාධිපති වයිස් අද්මිරාල් නිශාන්ත උළුගේතැන්න හමු විය.
14 Jun 2021
බූස්ස අතරමැදි ප්‍රතිකාර මධ්‍යස්ථානයට වෛද්‍ය උපකරණ සහ අත්‍යාවශ්‍ය ද්‍රව්‍ය පරිත්‍යාගයක්
ශ්‍රී ලංකා නාවික හමුදාව විසින් පවත්වාගෙන යනු ලබන බූස්ස කොවිඩ් 19 අතරමැදි ප්‍රතිකාර මධ්‍යස්ථානයේ භාවිතය සඳහා අවශ්‍ය වෛද්‍ය උපකරණ, ඇඳන් ඇතුළු අත්‍යවශ්‍ය ද්‍රව්‍ය ලීසන්ස් රෝහල සහ ඩයලොග් ආයතනය විසින් මනුසත් දෙරණ මානුෂීය ක්‍රියාත්විතය වැඩසටහන හා එක්ව දකුණු නාවික විධානයේ ආඥාපති රියර් අද්මිරාල් ප්‍රසන්න හේවගේ වෙත පරිත්‍යාග කිරීම 2021 ජුනි 04 සහ 11 යන දිනයන්හි දකුණු නාවික විධාන මුලස්ථානයේ දි සිදු කෙරිණි.
12 Jun 2021
උතුරු මුහුදේ කෘතීම පරිසර පද්ධති නිර්මාණය කිරීමේ ව්‍යාපෘතියක්
ධීවර හා ජලජ සම්පත් දෙපාර්තමේන්තුවේ ප්‍රධානත්වයෙන් යාපනය දූපත් ආශ්‍රිත වෙරළාසන්න මුහුදේ ජෛව විවිධත්වය වැඩි කිරීම සඳහා කෘතීම පරිසර පද්ධති නිර්මාණය කිරීමේ ව්‍යාපෘතිය අද (2021 ජුනි 11) නාවික හමුදාවේ දායකත්වයෙන් ඩෙල්ෆ්ට් දූපතට ඔබ්බෙන් වූ මුහුදු ප්‍රදේශයේදී ආරම්භ කෙරිණි.
11 Jun 2021
ඉන්දියානු වෙරළ ආරක්‍ෂක ‘සමුද්‍ර ප්‍රහාරී’, ‘වජ්රා’ සහ ‘වෙබාව්’ නෞකාවන්ගේ සේවය නාවික හමුදාධිපතිගේ පැසසුමට
2021 මැයි මස 20 වන දින කොළඹ වරායට ආසන්න මුහුදු ප්‍රදේශයේදී ගිනි ගැනීමට ලක්වූ MV X-PRESS PEARL නෞකාවේ ආපදා තත්ත්වය කලමනාකරණය කරගැනීම සඳහා අනෙකුත් පාර්ශවයන් හා එක්ව සිදුකළ විශිෂ්ඨ දායකත්වය ඇගයීම වෙනුවෙන් ඉන්දීය වෙරළ ආරක්‍ෂක දෙපාර්තමේන්තුවට අයත් ‘සමුද්‍ර ප්‍රහාරී’ (ICGS Samudra Prahari ), ‘වජ්රා’ (ICGS Vajra) සහ ‘වෙබාව්’ (ICGS Vaibhav) යන නෞකාවන්ගේ අණදෙන නිලධාරීන් වෙත නාවික හමුදාධිපති වයිස් අද්මිරාල් නිශාන්ත උළුගේතැන්න විසින් සේවය ඇගයීමේ ලිපි ප්‍රදානය කිරීම අද දින (2021 ජුනි 10) කොළඹ වරාය පරිශ්‍රයේදී සිදු කෙරිණි.
10 Jun 2021